瓏門冰室 (已結業)

又到星期六返半day，收工梗係去食tea尖沙咀瓏門冰室，平時好多人，咁岩見到無乜人，要去試吓啦！餐牌多選擇，食物價錢都合理，有啲餐有抗疫價😆食物方面玉子燒常餐：內餡料有幾款選擇，選左雜菌，多士選左花生醬。玉子燒明明話有芝士，但食落真係無乜，玉子唔係滑蛋，個鮮茄牛意粉都尚可蔥油雞扒三蛋飯：上黎既唔係蔥油，係似平時沾雞個啲薑蔥，其他既都不過不失，蛋都煎得幾好，唔會係全熟蛋（光x餐廳既價錢差唔多，但覺得好味好多）凍飲加$3

成日聽講話瓏門好難食，都唔sure係咪講同一間。不過有咩好得過親身食一次驗證！1.玉子燒常餐套餐配鮮茄牛肉通粉。通粉唔多入味，湯底未能滲透入通粉入面。蕃茄湯底不過不失。牛肉同一般常餐差唔多。蕃茄薯仔配菜好食，吸左蕃茄湯汁更酸酸微微開胃。玉子燒可揀不同餡料。揀左吞拿魚。味道甜甜地，但唔知唔多夾。蛋本身普通。多士兩大塊，中間有花生醬，味道ok。下次玉子燒嘅餡應揀咸牛肉會更好食。飲品配奶茶，也香滑。2.乾炒牛河牛河炒得出色！味道夠但又唔會過鹹。上碟熱騰騰，好有穫氣。牛肉質感亦唔錯。份量亦好大碟，好滿足！+$3轉凍奶茶。職員話係特別配方調制。幾有新意同誠意！味道的確幾好，香滑，且恰到好處，有茶香，亦唔會過甜。整體黎講野食算唔錯。而份量真係大，勝價比係高。真係絕對冇d人講到咁差呢！