咖啡灣 (已結業)

星期日在新都城行街，行到好好攰，想搵個地方坐下飲杯咖啡，去咗Starbucks同埋Pacific Coffee都full晒，一個位都冇。經過呢間咖啡灣見到人少少就行咗入去，店裏裝修別緻，燈光柔和，掛滿好多天鵝掛飾，位置寬躺，地方乾淨，環境舒服。因為接近晚飯時間，唔想食太飽，我哋叫咗小食，半分玫瑰花草莓窩夫，芝士肉醬美國瘋薯條同一杯熱咖啡share窩夫口感不錯，外皮鬆脆，灑上玫瑰粉，有充足的玫瑰花香，雪糕似乎是玫瑰味，很清香🌹薯條新鮮炸起外脆內軟，肉漿有濃郁番茄味配合芝士，味道很不錯。🤤咖啡普通，整體坐得舒服👍🏼👍🏼

今星期要帶班大人細路去野餐，老實說....我都有一段時間沒有坐草地野餐，好有回到小學時的感覺，哈！話明野餐，當然不能兩手空空，今日就約埋同事去買嘢，準備好一齊。完成任務就齊齊去醫肚，趁機傾下計加深認識，不在公司應該可暢所欲言。帶同事去之前已到過的咖啡室，因為上次經驗不錯。餐廳裝潢沒有改變，感覺仍然很舒適寫意，而近門的擺設同樣吸引了同事仔細欣賞，的確好得意！每張枱上已放有一本餐簿和一份特別推介餐牌。翻開餐簿，設計精美，每款菜式均附有相片，相當吸引，分別有湯、小食、沙律、全日早餐、漢堡、飯類、義大利麵和窩夫甜點，還有11月幾款推介菜式。而多飲品也有很多選擇，包括單品咖啡、手工搖茶、意式咖啡、奶類、藍碟花特飲和水果茶。******************************沙律有四款選擇，客人還可揀選喜好的醬汁，我倆要了一客海蝦蟹子沙律 Shrimp Crab Roe Salad ($78)，沙律菜 面放上大量的蟹籽，旁邊有五隻大蝦，大大碟，份量很足。最特別是上枱時霧煙，究竟是什麼呢？原來中間有碗細冰，令沙律菜保持冰涼，真有心思！大蝦 經香煎，帶些金黃，肉質彈牙，伴埋脆卜卜的蟹籽 和香脆

下午唔想食太heavy, 只想簡簡單單, 坐得舒舒服服.  店內佈置好小朋友, 好啱我雖然我有大人嘅外貌, 但一直都很鍾意小朋友, 可愛, 夢幻嘅任何東西, 在cashier旁的logo下還有3大座LEGO, 由細至今都好想自己擁有類似嘅LEGO, 入去都睇咗一陣LEGO先肯坐底. 首先, 我同個FD 分別點咗飲品, 我點嘅係"冰搖咖啡"  ($32), 咖啡味道較香濃, 我第一次凍飲呢款濃度嘅咖啡, 我唔加糖覺得可以更加飲到咖啡個味,   個FD 鍾意飲熱飲 "熱帶水果茶" ($42), 一路熱住個茶, 慢慢一邊食一邊飲, 甜度合適, 仲有好香嘅生果味.係咁而揀咗3款食物: "軟殼蟹凱撒沙律" ($88), 用上較杰身嘅黑醋做調味, 軟殼蟹大大隻騎喺沙律上面, 好有氣勢, 而食落唔會油膩."香草白酒忌廉煮蜆" ($64)  酒味好出, 加入適量嘅白汁及肉絲, 我地2個都好鍾意食, 而且蜆肉都算幾大隻, 堆到好滿好似食極都未食完咁.靚女最愛嘅甜品點可以少, 好有少女心嘅我地揀咗個PINK COLOR嘅"玫瑰花草莓窩夫" ($82), 2個人SHARE 份量剛剛好.  窩夫軟硬佮到好處.

小編作為一個標準既花控同甜品控，一早就已經bookmark左尼間野好耐，不過就一直都啲唔起心肝去試，好彩宜家係屋企附近都開左間啫！首先窩夫不但止睇得，味道仲好正添，入口外脆內軟而且仲富有好濃既蛋香味。另外將兩球雪糕夾住一齊食，個種外冷內熱冰火交融既口感真係無得輸，草莓雪糕裡面有草莓肉架！仲有不得不提佢地既玫瑰糖漿，糖漿入口玫瑰味極重，個人就覺得唔算太甜（申利：小編本身超級嗜甜，絕對開正小編個範），糖漿同個窩夫好夾丫！另外全個既顏色都係粉粉的😍上面仲加左D好夢幻既toppings & 玫瑰花瓣，靚得尼…<卡邦尼蛋汁意大利麵下午茶餐>呢個卡邦尼意粉真係唔錯，雖然食唔出有蛋味但係芝士味就極重，而且汁既分量都好滿意。呢個意粉真係性價比都幾高下架！另外佢呢度嘅煙肉都偏向比較鹹少少配埋個意大利麵真係好match。另外小編覺得佢呢度意大利麵嘅軟硬度係適中，所以入口唔會話過眼或者完全冇咬口小編特別欣賞佢啲杯Latte，雖然要額外加多＄10，不過又估唔到佢真係好重玫瑰味喎，只能說佢哋呢度嘅玫瑰糖漿真係超級好食😂不過飲落咖啡味就唔算話好重（有待改善），BTW小編都係第一次飲得出同普通Lat