轉角 (已結業)

次次行過都好多人，今日難得佢開舖前黎到，點都要黎打個卡💛 $66咖喱吉列豬扒蛋包飯🐷吉列豬扒浸住咖喱汁都仲脆口，但薯仔得兩舊😂蛋白飯蛋夠滑，咖喱汁都夠配哂成個飯食👍🏻味道不過不失。$88蒲燒鯛魚腩蓋飯🤤超！好！食！鯛魚腩夠哂肥美，燒出黎魚油香溶埋入飯粒😋😋配埋沙律菜食，油膩感又冇咁高☺️餐配一細舊熱玉子燒，夠實身唔會太甜👍🏻餐飲+$16有熱榛子鮮奶咖啡🌰好飲👍🏻唔會太甜+$18凍玫瑰鮮奶咖啡🌹好香玫瑰味☺️上菜大概等咗15分鐘，兩個人埋單$188☺️但鯛魚腩真係大滿足👍🏻👍🏻👍🏻店舖又夠黃💛💛💛

難得係雙十爆買日嘅禮拜當然就要盡力食💛店啦~ 嚟間cafe長期多人，之前食都要排一個鐘，今次都唔例外。PS.用餐時間得50分鐘但係等位都要排成個鐘真係好誇張入座前可以先喺門口落單。叫咗兩個餐~ 今次都以舊補咗錢轉特飲(跟餐轉特飲半價)。玫瑰鮮奶咖啡同紫薯鮮奶拉花非常靚，味道唔錯，兩款都唔係死甜同得香精味。平時見到好多人都叫咖喱蛋包飯，我第一次食：真係好好味！香滑嘅蛋包住日本珍珠米飯連埋咖哩一齊食真係好正 咖哩只係好少好少辣但就好香。隔離仲兩大舊炸雞扒，熱辣辣入面好多肉汁又唔怕油！All Day Breakfast之前已經食過次。全部配料都好新鮮(通常睇沙律菜就會知)，味道亦中規中矩，只係今日啲蘑菇炒得有啲燶~ 最中意係佢個包，好有誠意，落咗超級多牛油同砂糖嘅厚多士，極度邪惡整體黎講CP值高，但係下下都要排一個鐘以上真係好令人卻步... 如果可以開多間分店/多啲枱就好啦！

位於華都商場盡頭，店舖容納大概20人，週六下午多人等位，差不多45mins先有位。用餐時間70mins。.🔸羽衣甘藍豆乳意粉 ($62)分數: (6.7/10)適合較清淡既朋友，唔會好heavy，唔會好重味。意粉有口感，唔會太稔，不錯。意粉上面有香菇，羽衣甘藍等素食材料。聽講羽衣甘藍功效好高，抗癌，抗老美肌，排毒。.🔸玫瑰鮮奶咖啡(+$16)分數: (7.5/10)好香玫瑰味，上面仲有啲小花瓣襯托。