Cafe Paradise (已結業)

星期六同幾個朋友一齊過黎，之前已經book左位，所以一去到就入得去～不過鋪位都算細，而且有限時間交枱呢，所以睇定食咩就好落單啦 ～一見到餐牌有玫瑰咖啡就好想試呢!! 如果玫瑰味再多少少就好啦~仲有我最愛既黑松露薯條!!個sauce好正呀，同平時撒係面既唔一樣呢!! 可以再食呀!而香辣鮮蝦意大利飯，就普通啦，本身都對意大利飯一般~係豬手豬手豬手豬手呀!!聚會成日見既食物 XD呢份 香脆豬手配燒汁 雖然份量比想像中細，但係都好香脆架~最後我地仲叫多個煙三文魚蜆肉天使麵，食飽飽又再出發~

假日同姊妹們食野傾偈~openrice 到呢間人氣cafe~慕名而來食物選擇好多~有意粉、意大利飯、all day breakfast…是日餐湯~味道吾算太濃郁~湯入面有栗米粒同甘筍粒~口感幾好~跟餐+$15可以配任何一款飲品~士多啤梨沙冰好大杯~玫瑰鮮奶咖啡有淡淡嘅玫瑰味~食物份量都幾多~材料好足~Brunch啱啱好~可以食曬賣相亦吾錯~我食嘅煙雞肉茄汁意大利粉就咸左d~等到我地食完嘅時候~已經要等位啦…想食就要早d黎啦~

四個女仔去shopping，出發前想搵個地方坐低飲杯嘢食件cake叉足電先，上網search發現太子街角有呢間特色小店，於是就入去relax下~睇完menu後，大家決定一人一杯玫瑰鮮奶咖啡，再叫四款唔同嘅cake開心share！首先歎返杯玫瑰鮮奶咖啡，聽落已覺得係一個好浪漫嘅組合，喺甘醇嘅鮮奶咖啡入面散發出一陣玫瑰花香，入口甜甜的，成個心都sweet晒。綠茶有美白同抗氧等益處，啱晒我地呢班咁貪靚嘅女仔，所以叫左個綠茶白朱古力慕絲蛋糕，聞落有濃郁茶香，而白朱古力就香甜軟滑，慕絲蛋糕鬆軟綿密，口感細膩，令人一試愛上。有朋友大愛檸檬嘅清新香氣，所以我地就叫左檸檬慕絲蛋糕同檸檬撻，前者入口芳香幼滑，細味真係好fresh，後者檸檬味比較濃郁，淡黃檸檬餡加上微焦蛋白霜，可以話係酸甜夢幻組合。仲有冧酒朱古力蛋糕，柔滑香濃中帶甘味，冧酒迷不容錯過，最重要係呢度嘅甜品賣相精緻，最適合相機食先upload上網放閃~~