Pepper Lunch (1亞太中心)

營業中

休息中

想食鐵板牛肉飯，梗係第一時間諗起pepper lunch。觀塘呢度需要先喺counter點餐，再由職員安排入座。今日叫左個珍寶黑椒牛肉飯餐配可樂 ($69)特登叫個珍寶諗住肉會多啲，但係牛肉份量唔算多🥴男仔食既話可能會略嫌唔夠喉😓而黑椒就好夠，連埋粟米粒撈起就好香，有啲人鍾意加醬，不過覺得夠味就唔使。同埋最好就快食，因為薄片牛肉放喺鐵板耐左好易韌。整體水準其實就同以往差唔多，係珍寶既份量有啲唔夠珍寶😂但如果想食鐵板牛肉飯都係會返嚟呢度

一想到食鐵板餐，就會想起Pepper Lunch，價錢經濟實惠，簡單食材在熱烘烘的鐵板上高溫烹調，咋咋聲冒晒煙夠晒熱，特製鐵板長時間保持80度高溫，一路熱住食的確美味，冬天食更覺份外暖意好味。醬料擺放在枱上黑椒、蒜蓉豉油同蜜糖醬汁可以隨意添加增味，輕易調出自己最喜歡的味道食落好有滿足感。珍寶黑椒牛肉飯 ($65)珍寶牛肉份量多每啖飯都食到牛肉好滿足，牛肉質素不差有牛味煎得好香，同埋牛肉點煎都唔老，好多黑胡椒粒食粒好惹味。煎蛋照燒汁雞扒 ($59)雞扒好滑上枱已全熟的，燒汁分碟奉上，用來點雞扒好味，碗飯直接倒落鐵板，再加上擺放在枱上的蜜糖蒜蓉汁醬和黑胡椒，飯甜甜地好好味醬汁落幾多都得啱晒重口味嘅人。搖搖沙律 ($12)跟餐加$15就有沙律和飲品，俾多$3有飲品都值得。沙律生菜很新鮮，份量不算多，把芝麻沙律醬倒上生菜然後掩蓋搖搖搖好方便，醬汁好濃郁，每片生菜都沾上好美味。

白色情人節的晚上，同男朋友揀左去食pepper lunch。觀塘呢間分店第一次幫襯，原本男朋友叫我入去坐定定先，佢去counter點餐，但職員話要先買餐，再安排入座，呢點同其他分店唔同。餐廳座位之間寬闊，光線充足，坐得都舒服。珍寶黑椒牛肉飯呢個係男朋友揀ge，牛肉份量都幾多喎，但因為牛肉係薄切，所以要快兜，如果唔係牛肉會變韌。飯ge份量對女仔泥講就岩岩好，但對男仔就可能唔係好夠啦。黑椒一口牛扒飯我就揀左一口牛扒粒套餐，同埋另加芝士，不過芝士份量比我上次係元朗分店食ge少。牛扒粒真係一口剛好，而且每粒入口都好juicy，外面被鐵板煎得香口，而又鎖住裡面ge肉汁！呢款配菜仲有香菇，視覺同感覺上都豐富d。　　套餐跟了一杯凍檸茶同一杯鮮果，係外面食飯多了一份健康。