101肉燥飯專門店 (厚福街) (已結業)

上次食過尖沙咀8鍋臭臭鍋, 今次直接係厚福街搵食. 101 肉燥飯專門店平日係唔少TST人既 lunch 食堂, 全因價錢夠平又大份!🌝打開餐牌, 直接睇涮涮鍋~🥘我和女朋友分別點了「沙茶牛肉小火鍋」和「蕃茄濃湯牛肉小火鍋」, 配米線和手工拉麵. 另外, 我地都加左3蚊叫珍珠奶茶同芒果汁, 都係大大杯咖🥤坦白講, 呢個涮涮鍋有牛肉片、魚腐、包心菜、玉子豆腐、豆腐卜、台灣腸、栗米、金茹等...配料超豐富，而且有台灣特色！跟餐可點台灣手工打麵、新竹米粉 👅 唔酬要再追加食材, 一個人已經食得飽飽~!除此之外, 門口仲推介3款65蚊涮涮鍋, 都勁岩獨食朋友(PS 果晚有個小插曲, 有一台客人A, 比侍應甲單打...😹 我大概get到是因為食物遲遲未到, 客人A追了幾次都無反應...而侍應甲就當然追番廚房啦!! ...但大家都知啦, 廚房佬最大, 侍應又夾係中間....所以個侍應甲都燥左..發洩了在個客人A身上..而另一邊廂侍應B又唔小心倒瀉了飲品落客人B.....唉, 全場得2個侍應企堂...收錢、執台、落單、傳菜都係佢地...😵😵 老細唔該諗諗佢啦)—————————— 食物質素：7/10

今晚做瑜珈，食少少野頂肚啦，我們在厚福街選了一間台灣野#一人套餐：小食：手撕雞～麻醬味濃郁主菜：豬軟骨米粉～好好食，豬軟骨爽滑，米粉幼細，加埋青瓜，蓮藕，雞蛋作配料飲品：珍珠奶茶～大大杯#一人套餐：前菜：鹽蘇雞～酥脆主食：豬頸肉飯：豬頸肉爽口彈牙，厚度十足配飲品～冰涼#滿足的一餐

因為係附近返工 無意中見到有101就入去只食過旺角間分店 未試過呢間我次次都係打邊爐 未試過佢地既其他野咁岩係下午茶時間 好多都好平好抵食我叫左香辣三杯雞肉燥飯+珍珠奶茶都只係$33 好抵😆黎到睇落份量唔多 但女仔絕對夠飽肉燥夾雜小小肥肉 好香口好好味肉燥送飯真係好正 份量亦岩岩好夠送飯三杯雞微辣 雞肉唔會好'鞋'我都好中意珍珠奶茶甜度岩岩好 珍珠好煙韌好有咬口加$3真係好抵食完個飯大約8成飽喇飲埋珍珠奶茶真係好飽係尖沙咀$33可以食飽我已經覺得好抵😆

呢間肉燥專門店係少有嘅專做肉燥類型食物的餐廳, 有好多款食物, 基本係用肉燥做底配唔同的配料, 例如: 章魚餅, 豬扒, 三杯雞. 有得轉飯或新竹米粉, 而佢有特別調味料, 食辣的會鐘意.

收到邀請來給意見，這天與兒子到九龍區購物後便去試試。這店地方不太大，約有十多二十張檯子，我父子倆要與其他人搭檯。我讓兒子自行選擇，他選了巴東牛肉肉燥飯，我則選了豬軟骨米粉，因有現金券打底，自行加多些錢也無妨，多點一些小食試試，雞肉串，炭燒豬頸肉，另加$3 有水蜜桃紅茶和珍珠奶茶。巴東牛肉肉燥飯$44，是辣的，伴有鹵水蛋半隻和一堆雜菜，牛肉是方粒形，但煑得不夠身，很硬，頗費牙力，無法吃掉。台式豬軟骨肉燥新竹米粉$44，也伴有一堆雜菜和鹵水蛋半隻，豬軟骨肉夠腍，連軟骨都咬得開，相當入味好食，肉燥中肥肉的比例不算多，米粉幼細爽滑，愛吃。炭燒豬頸肉$28，有炭燒香，口感帶脆，過得去。雞串$8，頗多肉，不乾，調味不錯。水蜜桃紅茶，香味不算太人工化。珍珠奶茶，茶味不夠濃，這也是臺式奶茶之特点。豬軟骨米粉真不錯，又不算貴，值得一試。

都有一段時間沒有分享負面經驗，話說昨天要到尖沙咀，一個人揾食，到厚福街發現未試過101肉燥專門店，門口又排隊，當然不會錯過。選擇不多，最有我揀香茅豬扒肉燥飯，加＄3還可配飲品，而我則選了珍珠奶茶。見到肉燥汁還汁、肉還肉，汁還打了獻，已唔開胃，再試豬扒，所謂香茅完全缺乏新鮮香味，簡直係香茅粉再加味精，沒多吃兩口已棄權，再次證明。

在The One附近逛街看到這間台式餐廳，不過七點幾便已客滿，店外有不少食客等位，想必素質不錯，當即就決定在這裡解決晚餐了。雖然主打快餐，但門外的餐牌亦貼心標註了特色小食，只看餐牌就已覺得十分誘人。點了招牌 巴東牛肉肉燥飯 和 珍珠奶茶，牛肉肥美有嚼勁，肉燥都幾好味，白飯就稍硬，美中不足。大顆珍珠十分彈牙，不過奶茶就不夠濃，比貢茶稍遜，但勝在價平，跟餐加3蚊就有得飲。小食就叫了串燒，淋上鮮香醬汁的雞肉都好好味，必食推薦！尖沙咀附近本就少有台式快餐，這家店走平價路線，當晚不過幾十蚊便已飽肚，十分抵食。