綠色素食份子 (已結業)

對於飲食，自己無乜太多規限，不過，數數手指計一計，近依年真喺多咗食素嘅機會，舅母喺食齋之人，太太有「綠色星期一」嘅習慣，身邊亦有啲素食朋友。這晚走到嚟北角嘅「素食‧分子」，跟三幾個好友一齊食素，雖然未有打算成為一個全素食者，但食素嘅好處當然心中有數 。餐廳位處堡壘街，跟英皇道平排上斜走上一個街口，感覺旺中帶靜。而整間餐廳一室潔白明亮，地方大，樓底高，加上一啲手繪牆畫及特色擺設，感覺樸素、閒適，叫人有種離開繁囂、納悶嘅好心情。翻一轉餐牌，形形式式，選擇頗多，西班牙式小食、沙律、湯品、薄餅、主食、意粉、飯麵、飲品、甜品，味道又滲入多國元素，例如中、西、日、泰、意、馬……等地 ，足見大廚真喺使出渾身解「素」。最鍾意佢晌菜式側旁有少少特別註明，如包含奶類、包含蛋類、有機豆類、包含蔥蒜……等等，讓素食者按自身需求而選擇，此外，不設加一服務費，消費更明確 。其實，就算唔食嘢，入嚟飲杯嘢都唔錯，因為有啲凍飲鮮果醋供應，如桑椹醋、鳳梨醋，果醋功效有幾好，上網搵搵就會查到有消除疲劳、防止动脉硬化、促进血液循环……十多種好處；天氣凍想飲啲熱飲，無問題，多種花茶任君選擇，花茶亦都喺有益健康，功能多多。

自從關注老媽的健康後, 我經常探討食物的營養價值、食物的功效、搜尋健康的食譜, 而最多做的是四處尋覓素菜食店或齋店。大家知素食和食齋有什麼分別嗎? 據網上查考, 齋和素的用料有所不同，齋的用料較為嚴謹，除嚴格不能採用「五葷」「五辛」外，限制亦多，以供虔誠教徒享用，以重教規。而素則較為寬鬆，只要不用肉類，可有蛋、奶類、蔥及蒜等, 是一種注重健康食制而已。幸兒老媽並非需嚴謹戎口, 故選擇的範圍較多, 但數來我都會先約朋友一試食店的菜式才帶老媽前來品嚐, 因為要先過我的要求, 才能通過饞嘴老媽的那關。今次約了一位從不介意陪我吃素的好友來到這間素店一試, 希望之後可帶老媽來。餐店以白色為主調, 環境光猛, 設計簡約樸素, 店頂掛了不同款式的吊燈, 還有一排用罐頭罐製成的燈罩, 既環保又具創意。內裏設有二至八人白木椅配啡木枱的座位, 位與位之間有一定的距離, 讓食客坐得挺舒適, 最欣賞是椅子背後有一個小架, 讓食客可放小袋子在內, 果然細心。牆上畫了一些簡單線條的圖案, 如健康的食材、製作食物的程序圖、傳遞愛素食的字句等等, 相當精美。另一邉設有數個大貨架擺放多款健康或有機的產品, 如花/果茶、