南洋家

營業中

休息中

無過嚟一排，原來南洋家又多咗出品，一百蚊三盒餸仲多咗選擇添，包裝亦都進步咗，店長姐姐仍然好友善！呢餐三百蚊有找，算幾抵食！印象中，之前係有串燒，依家轉咗滷水，仲有我鍾意但好少食嘅滷水生腸丶雞腎，港式街頭小食都有之前已經試過佢哋嘅班蘭雞，嫩滑重雞味，相信佢哋整嘅雞都唔會差，所以買咗兩盒海南雞，果然無失望，都做到肉嫩重雞味，配埋黑醬油更惹味滷水牛展呢盒有三塊，比較平時食到嘅算厚切，滷得夠味，好味！花雕豬手粒入味！估唔到算淋香濃咖喱牛腩BB辣，食到有少少椰香味，啱哂送飯芒果班蘭飯 都係$100三盒，自己加熱先食，班蘭飯比普通糯米飯香，芒果夠甜，正！班蘭蛋糕 之前未試過，蛋糕有大細件可以揀，我揀咗大件$25，班蘭味香，仲好軟熟班蘭千層糕 & 三色千層糕 一盒三件$25，三色分別係芒果丶黑芝麻丶班蘭，記得佢哋有出過薑汁味，都好好味！

南洋家位於灣景樓地下、地點非常方便。喺中央圖書館附近行1分鐘就搵到。🚶雖然係外賣店、但係應有盡有、唔同種類嘅東南亞小食都有。例如芒果糯米飯、唔同類型嘅飲品。👍👍我同朋友叫咗是日推介，＄100任選三盒。分別揀咗海南雞、炭燒豬頸肉同埋芒果糯米飯。甜品方面，我地各自叫一份斑蘭蛋糕。店員非常細心❤️ ，臨走前提醒我哋芒果糯米飯記得拎走個芒果，然後叮熱啲飯先好食。唔係啲飯就會硬晒同黐埋一舊。海南雞個皮好脆，肉好爽口。點埋嗰醬食甜甜哋、好惹味。🥰炭燒豬頸肉加個醬一齊食好有泰國風味🇹🇭、但係會有啲辣。🌶️芒果糯米飯，係夏天食好爽，芒果冰涼涼配埋椰汁撈飯食。再加多一件飯後甜品班蘭蛋糕，好有幸福嘅感覺。估唔到可以一次過試晒唔同嘅東南亞美食、超正。

去完銅鑼灣中央圖書館，返屋企嘅巴士站前新開咗一間南洋家，門面嘅裝修都充滿南洋風情。自己對狗仔粉情有獨鍾，所以就揀咗佢嘅南洋客家狗仔粉，狗仔粉嘅口感有啲似上海麵。入面有排骨、冬菇、蘿蔔、味菜等，味道都幾唔錯。另外就買咗件班蘭蛋糕做早餐，顏色鮮艷，質感屬於比較乾身嘅雪芳蛋糕，都充滿班蘭香。椰汁糕造成玫瑰花形狀，白白滑滑咁，啖啖充滿椰汁香。香茅班蘭茶屬於少甜，所以更加能突出香茅同班蘭嘅香味。店外仲掛起一袋袋嘅炸蝦片，睇見都知道卜卜脆。

近排社交媒體成日見到大大盤塔尖飯，原來出自呢間南洋家，經開銅鑼灣就去買個dinner試吓先…蒜香雞翼尖 $20一盒大約十二隻，夠蒜味，但唔太食得辣嘅，好似我咁，覺得越食越辣，好彩買咗支香茅班蘭茶黃薑雞絲湯粉 $35外賣拎走仲係熱辣辣，黃薑雞絲都算多，有一隻雞腳，米粉爽滑香茅班蘭茶 $20無添加香港製造，清熱解暑丶去水腫，味道清甜，清香班蘭味，食完辣辣蒜香雞翼尖，解到少少辣新加坡班蘭蛋糕 $20蛋糕質感好軟熟，可惜班蘭味就唔係太食得出