太平館餐廳

營業中

休息中

最近有個好友要移民，大家諗住搵間餐廳可以一齊懷舊下，我就忽然諗起有好多好多年無去的「佐敦太平館餐廳」，所以就book位在這裡吃今次的歡送晚宴!當晚剛剛是復活節前夕，整間餐廳都滿座，熱氛非常熱鬧! 我們一行五人，坐了一張長枱， 我們order了兩個招牌二人套餐再加一個燒豬脾餐一齊share食! 因為大家都想可以一齊試到不同的地道招牌菜! 與此同時，仲可以食埋這裡的「經典特大梳乎里」甜品㖭! 我們非常期待期待!兩個**二人招牌套餐**： 海龍王湯(連牛油餐包)、 鲜蝦沙律、 瑞士汁雞翼、燒乳鴿、 煙肉炒雜菜、乾炒牛河、鹹牛脷飯，包甜品及 咖啡或茶。(價值$528 for two persons)*海龍王湯好鲜味，啖啖湯都有蝦肉，再配埋個熱辣辣、軟淋淋嘅牛油餐包，正!*鮮蝦沙律很有傳统中式沙律味道， 傑傑嘅沙律醬配埋薯仔、生菜、蕃茄和大蝦，别有一番懷舊風味!*瑞士汁雞翼，雞翼好滑，瑞士汁甜甜 地，非常惹味!*至於個燒乳鴿，本人就覺得隻乳鴿略為瘦一點乾一點，但味道尚可以。*煙肉炒雜菜就ok啦，味道一般， 勝在有些蔬菜可以在中段中和下!*乾炒牛河比想像中失色，味道和質感都好一般，沒有太大特別!

1860年在廣州創業，成為廣州最早出現的西餐廳，1937年在香港開設新店後輾轉營運至今的太平館，是一間港式西餐廳。而今天到訪的佐敦店也是自1964年開始營業至今，可謂歷史悠久。這餐廳其中最著名的「瑞士汁」乃當年翻譯之誤（Sweet 被誤會是Swiss，所以甜豉油汁就變成了今天的瑞士汁），無論如何，瑞士汁雞翼和瑞士汁炒牛河，還有燒乳鴿，岑味牛脷，和煙䱽魚等都是必吃之選，而最後來個必吃甜品，焗巨型梳乎利就更完滿了。

太平洋餐廳是個很經典的餐廳每次去都是種回憶的追溯　想去惦記以前的往事可能是當時情侶的約會餐廳　裝修的風格很有舊時感　容易讓人有共鳴感瑞士汁雞翼首次食瑞士汁雞翼　雞翼質地很軟同稔熟　醬汁都已經很入味表面基本上佈滿了瑞士汁的顏色肉質會有點柴乾　不要期待太高醬汁方面　不知道外面的瑞士汁是什麼味道所以有點不太習慣醬汁味道有點怪怪的和草味　不過男朋友說正常燒豬髀碟上面的豬肉皮切的很薄　肥瘦油脂分佈的很好肉質正常水準　配上醬汁吃就還好醬汁有點很強的香草味　醬汁會在後尾逐漸散出有馬鈴薯和西蘭花在旁邊　焗梳乎厘我對餐廳有興趣的甜品就是這個很大很豐厚的梳乎厘　富有點動感的裡面就是那種很濕的蛋糕質地其實主要吃外層　比較香和吃得下裡面的蛋糕　真的很像海綿打卡的甜品　點一次就好

講到老香港扒餐，一定唔少得太平館，算係中上價格嘅舊式扒房。店員都西裝畢挺，彬彬有禮。可惜的是當天冷氣壞了，熱到成身癡立立。我最愛嘅牛油餐包，熱辣辣唔搽牛油都無敵好食，超級軟熟。見到隔離枱唔食，好想拎埋佢嗰個🤣[]裡面有兩隻蝦同幾舊魚，湯好杰身，唔算太好飲，有dd似麥當勞的龍蝦湯。[]有驚喜，係想像唔到嘅味道，裡面竟然有薏米，增加口感，好好飲。餐包點呢個湯，一流。[]唔值咁貴，而且我地叫五成熟，結果來了全熟，好韌，可幸嘅係無鬆肉粉嘅味道，依然有牛嘅香味。[]正常發揮，係正常嘅瑞士汁。[]好好味，牛舌比兩隻手指更厚，但一啲都唔韌唔硬，好軟好香濃，岑味係指Salmis, 加左肝煮嘅一個醬，配飯一流。炒底嘅飯好好味，粒粒分明。

一直都很喜歡這餐廳，不只因為食物美味，更讓我可以稍稍離開繁忙的生活，躲在裡面，靜靜的休息。入到這餐廳，有種時光倒流的感覺，可能近來發生了太不可思議的事，總想逃避一下，來這裡是最佳的選擇。我想，除了銀杏館外，都沒有其他餐廳仍然聘用上了年紀的伙計。要了二人餐，包括海龍皇湯、炒雜菜、瑞士汁肉片炒河、瑞士汁雞翼及蛋白露甜品，以價錢來說，都算合理。至於味道，是沒有退步的，而且份量與材料都十足，與十年前依然一樣。細佬是第一次去，他喜歡濃湯，認為雞翼的肉雖然不算入味，但如果過份煮滾，雞翼便與一般滷水式是沒有分別，所以太平館的做法是恰到好處。我個人最喜歡是蛋白露，不甜，很滋潤。唯一挑剔，是服務吧！可能侍應是有一定年資，加上我不是熟客，所以不算親切，但無論如何，在當中，是有種可以喘息一下的機會。

為慶祝結婚十一週年, 特意揾一間特別小小既地方食飯. 因為遲左,BOOK 唔到位, 要WALKIN, 不過好彩, 等左15-20 分鐘就有位, (可能我特意晏小小先去, 約7點半后，　諗住小Ｄ人)我地無叫餐，　因為想食多Ｄ招牌菜。　1) 乾炒牛河雖然係普通既牛河，不過又真係錯，不油不膩，沒有多餘油份2) 燒豬脾 (送白飯）可以是瑞士汁既關係，再加上豬脾肉都算嫩口。口感不錯3) 招牌瑞士雞翼一個字，正！味道恰當，又熱，而且仲脹卜卜。　(相信是因為即叩即煮的原因吧）4) 梳乎厘見到隔離多數都有點梳乎厘，見到就已經好開心，　掙扎了數分鐘，還是忍不住，點了。　梳乎厘的ｓｉｚｅ　真是有一個＂西瓜波＂咁大。我倆公婆真的要食的好勤力，先食到大半個。總括來是，香港老餐廳，點都是要試下的　！