影片
更多
2019-07-23
2156 瀏覽
環境方面，地方闊落、裝修幾靚，有唔同嘅座位，有啲好似吧檯、有啲卡位、有啲係梳化咁，我果日坐正常檯。食物方面，款式超級多，比平日其他晚餐自助餐仲要多，而且放嘅地方分散哂，唔會好迫人。雖然食果日都爆哂場，但拎食物都唔駛點排隊。介紹有咩食先：沙律區：沙律款式多，有已經撈好，好似凱撒沙律、三文魚沙律、黎巴嫩青瓜沙律、紅菜頭沙律、木耳沙律、露筍蠶豆芝士沙律⋯亦有好多蔬菜、配料同醬俾你自己撈麵包區：麵包有幾款，仲有成罐cracker、麵包條，可以配牛油、果醬或者唔同款式嘅Ham、芝士，但冇烤箱俾你烘麵包日本菜：前菜，有泡菜、小魚乾、麻醬豆腐、中華沙律、涼拌青瓜、螺肉⋯壽司有4款：墨魚、加州卷、北寄貝同唔知咩小紫菜卷。刺身姐姐切，有三文魚、希靈魚、八爪魚、立魚同北寄貝即場製作嘅天婦羅同串燒，天婦羅有冬菇、南瓜、蕃薯、茄子同好似苦瓜味嘅綠色蔬菜。串燒有4-5款，但我只記得食過嘅雞腎同雞肉。雞肉串燒幾好食，唔似超市買好多甜汁果種印度菜：全部蓋住睇唔到😅有奶油咖喱雞、瑪撒拉牛肉咖哩、羊肉咖哩、咖哩雜菜、天多利烤雞，仲有幾款烤餅同醬。試左咖哩雞、咖哩雜菜同天多利烤雞，夠味，雞肉係鞋口，但我本身係鍾意啲肉鞋，
食物方面，款式超級多，比平日其他晚餐自助餐仲要多，而且放嘅地方分散哂，唔會好迫人。雖然食果日都爆哂場，但拎食物都唔駛點排隊。
介紹有咩食先：
沙律區：沙律款式多，有已經撈好，好似凱撒沙律、三文魚沙律、黎巴嫩青瓜沙律、紅菜頭沙律、木耳沙律、露筍蠶豆芝士沙律⋯亦有好多蔬菜、配料同醬俾你自己撈
麵包區：麵包有幾款，仲有成罐cracker、麵包條，可以配牛油、果醬或者唔同款式嘅Ham、芝士，但冇烤箱俾你烘麵包
日本菜：
前菜，有泡菜、小魚乾、麻醬豆腐、中華沙律、涼拌青瓜、螺肉⋯
壽司有4款：墨魚、加州卷、北寄貝同唔知咩小紫菜卷。刺身姐姐切，有三文魚、希靈魚、八爪魚、立魚同北寄貝
即場製作嘅天婦羅同串燒，天婦羅有冬菇、南瓜、蕃薯、茄子同好似苦瓜味嘅綠色蔬菜。串燒有4-5款，但我只記得食過嘅雞腎同雞肉。雞肉串燒幾好食，唔似超市買好多甜汁果種
印度菜：全部蓋住睇唔到😅有奶油咖喱雞、瑪撒拉牛肉咖哩、羊肉咖哩、咖哩雜菜、天多利烤雞，仲有幾款烤餅同醬。試左咖哩雞、咖哩雜菜同天多利烤雞，夠味，雞肉係鞋口，但我本身係鍾意啲肉鞋，所以覺得好味
香港菜：其實另一邊仲有燒味區、海南雞飯、蟹粥呀、即炸油炸鬼果啲，呢度主要係淥麵，麵可以揀油麵、粗麵、米線或者瀨粉定薯粉，配菜有韭菜、銀芽、豆卜、魚片、魚蛋、墨丸、雲吞、生菜、小棠菜，除左蔥、辣椒醬、炸蒜等仲有蝦籽粉
有3款點心，牛肉燒賣、粉果同奶黃包，試左奶黃包，熱辣辣，雖然唔係流沙都好味
其他熱食：湯有中湯同忌廉湯，小菜都幾多款，想食肉有澳洲西冷同烤羊脾。試左辣椒烤雞，雞肉都係鞋果種，我覺得好好味，蒜炒蒜芯、蠔皇扒鴨掌(我淨係食左扒嘅生菜，好味)、泰式海鮮、烤墨魚同帶子⋯另外，仲有即開生蠔、青口、蝦、蟹腳果啲，但我冇試
甜品區：甜品款式都好多，除左小切餅、奶凍果啲，仲有好多一罐罐嘅曲奇、軟糖，試左青蘋果撻、杏仁小蛋糕、鹽味同焦糖味爆谷。果度仲有即場製作waffle ，落花生醬同煉奶就變成格仔餅，食左2件好味
雪糕有12款口味，另外亦有2款軟雪糕可以自己擠同落topping 。因為有曲奇雪糕筒，所以平日好少自助餐食雪糕都食左2次，試左焦糖曲奇同檸檬青檸
張貼
