影片
更多
2019-11-08
4987 瀏覽
對唔食蠔同紅肉嘅我黎講，如果去到一間食物選擇超級多嘅buffet，已經覺得係回本嫁喇。一來選擇多嘅有啱我食嘅款式都會多啲啦，二來就係可以每次拎完食物返埋位時同朋友講「原來果邊仲有嫁」，都總比好過講「撒莉亞仲多嘢揀啦」😎所以見到好多食評話呢間選擇好多，我就趁生日時試下🙃但可能之前見識過普慶示範咩叫多款式(仲係lunch buffet)，去到呢間真係有啲失望😅感覺朗豪酒店The Place或佐敦品坊都比較多。凍食嘅有：刺身，約6款：三文魚、帶子、希靈魚、吞拿魚、八爪魚、赤貝。試左三文魚，新鮮肥厚😋朋友試左帶子，問佢好唔好味，佢話豉油好鹹😀可能要問佢豉油鹹唔鹹先會知道帶子好唔好味👍🏻壽司：約4款，一盤盤疊高放喺拎刺身個counter，仲有玉子、蟹籽、蟹柳放喺度。壽司冇試到，試左隔離兜薑片，幾好味。海鮮：凍蝦、雪場蟹、龍蝦、青口、螺。試左凍蝦，有啲痴殼。回本蠔就有獨立專區同兩個職員幫手開殼沖水，經常見到人排隊，但我冇試唔知味道點🙃沙律：有唔少菜類同配料、醬俾人自己撈，亦有啲撈好其他：有火腿片、鷹嘴豆泥、蝦片、墨西哥玉米片、麵包等熱葷方面，餐廳冇特別將食物按地方咁放，好似中東烤雞果度會有炸天婦羅
所以見到好多食評話呢間選擇好多，我就趁生日時試下🙃但可能之前見識過普慶示範咩叫多款式(仲係lunch buffet)，去到呢間真係有啲失望😅感覺朗豪酒店The Place或佐敦品坊都比較多。
凍食嘅有：
刺身，約6款：三文魚、帶子、希靈魚、吞拿魚、八爪魚、赤貝。試左三文魚，新鮮肥厚😋朋友試左帶子，問佢好唔好味，佢話豉油好鹹😀可能要問佢豉油鹹唔鹹先會知道帶子好唔好味👍🏻
壽司：約4款，一盤盤疊高放喺拎刺身個counter，仲有玉子、蟹籽、蟹柳放喺度。壽司冇試到，試左隔離兜薑片，幾好味。
海鮮：凍蝦、雪場蟹、龍蝦、青口、螺。試左凍蝦，有啲痴殼。回本蠔就有獨立專區同兩個職員幫手開殼沖水，經常見到人排隊，但我冇試唔知味道點🙃
沙律：有唔少菜類同配料、醬俾人自己撈，亦有啲撈好
其他：有火腿片、鷹嘴豆泥、蝦片、墨西哥玉米片、麵包等
熱葷方面，餐廳冇特別將食物按地方咁放，好似中東烤雞果度會有炸天婦羅。食火腿、芝士果度又會見到一盤烤蕃薯。
我食過又覺得ok嘅就有🍕素薄餅好味，可能熱，麵包好鬆軟同🦞焗龍蝦。
多人排隊就有鵝肝多士。即製生滾粥就間唔時見到人龍，佢好似係餐廳嘅悉尼牆添，朋友試左一碗話幾好味，有蟹味🦀
反而我今次食甜品多，除左一般切餅、奶凍杯外，果度有幾款榴槤嘅甜品，鍾意榴槤嘅可以試吓。即場整嘅有pancakes、梳乎厘。仲有啲燉布甸、豆腐花、紅棗桂圓茶等。雪糕就係盒裝果種，有杯仔雪糕或雪條，隔離擺左啲topping 俾你加，但其實我想要嘅係個筒，所以冇食到。
我食左好多件嘅係芒果拿破崙，試左窩夫，佢比格仔餅細但厚，味道一般。
張貼
