Aqua (已搬遷) 新店位置

想打卡Aqua好耐，係週年紀念既時候選擇同男朋友去慶祝。可惜當日好大霧，sea view都麻麻地。不過都幾有feel～有朋友/家人生日都應該會再去。可能因為去之前睇咗大部份網友既食評，所以都唔係好大期望，淨係貪個靚景😂但最後竟然我同男朋友都好滿意食物既味道，真係唔錯喎～份量係細，不過價錢都算合理，因為當時有黃昏套餐！👍🏻除咗杯cocktail真係好難飲之外，其他前菜和主食都十分推薦....景色就真係冇得輸啦～等天氣好啲，再去打卡～

之前都想黎好耐 但一直無機會 今次因為幫男朋友慶祝生日第一時間即刻諗到呢度 😄好開心 我地坐到窗口位 對正會展果個view ! 嗌左個Sunset Menu 一黎就係大大個包 搣開外層 入面仲係冒煙架 !! 加埋橄欖油+黑醋都幾好味 野飲就每人一杯Aqua Queen 係呢間野既signature cocktail我就覺得菠蘿味都幾重 ! starter 係意大利布袋水牛芝士配什色蕃茄,,野菌及陳年黑醋 同埋芝麻醬菠菜卷main course 就嗌左香煎美國安格斯牛柳配法國芥末粒子沙律醬 (我地嗌5成熟,,d 肉質真係岩岩好 !) 香煎鱸魚伴廣島蠔配有馬山椒洋蔥汁 (我唔太食魚,,不過都覺得幾好味 !) 至於甜品 就嗌左個甜品拼盤 貪矩有5款甜品係度 包括tiramisuCreme brulee (咖啡味好特別) 心太軟 (唔流心係差dd) vanilla 雪糕 同埋sorbet (真係好refresh !) 職員知我地有事遲左黎好貼心甘幫我地延長左少少交檯時間真係太感謝啦 !

母親節前夕的星期五，當然唔可以hea食已經想試aqua好耐，終於book左6:30入座，享受佢地招牌黃昏晚餐黎aqua不得不提佢的環境同景觀，當然係盡覽全維港景，餐廳環境setting都好西式modern feel，襯埋全海景，果然係冇得輸！食物方面，意日fusion菜，十分唔錯！ 野菜天婦羅炸得好好，唔油。話明fusion菜，當然有意大利元素，就係個汁啦！黑松露汁超級香有啲紫菜再增添香味，真係好好食，用黎點麵包都一流！相信好多人見到餐牌：芝麻醬伴波菜，都唔會揀。但絕對唔係普通的芝麻醬波菜！首先賣相一流，相機表示好好味！波菜切左扎實成筒狀，鋪上芝麻，勁有口感！加埋好濃郁的自家製芝麻醬，味道好似咸的芝麻糊超香芝麻味！鐘意芝麻的真係唔好錯過！麵包冇乜驚喜，暖暖地，都算新鮮，外脆內軟都算唔錯，但未算滿足到麵包控的我，只屬ok. 主菜方面都幾有水準。燴牛面珠好林，入口即溶，好香牛味，非常出色！雲吞就好迷你，而且係凍的，亦有啲硬，唔夠味。汁燒肉眼非常好味，肉眼燒得啱啱好，燒汁係日式料理個種，配合牛食好夾。唯一係個肉眼略嫌肥比較多。薯條完全失敗，又唔熱又唔脆，好差。小番茄係煮過的，加上少少鹽係上面