Moon Thai (已結業)

與好友慶生中午在假日酒店2樓「Moon Thai 」，朋友是愛吃識食的食家，為我們倆選擇米芝連食府，菜餚不錯，招待良好，環境幽靜。我們的選擇：馬沙文咖哩魚柳配原味油鬆餅~馬沙文咖哩味道豐富濃郁，是辣度相對溫和的泰式咖哩，可選擇豬/牛/雞/雜菜/魚柳，我楝選配炸魚柳味道非常恰當，此外還加配原味油鬆餅代替白飯。魚鰾炒蝦~魚鰾中含有豐富膠原蛋白質，本身味道不明顯且帶腥味，但桌上的魚鰾經過大廚處理去腥，並與鮮蝦、芽菜、唐芹、韭菜同炒，味道鮮甜可口，感覺上也很中式小炒。甜品拼盤~泰式南瓜布甸、千層糕、芒果、黑白糯米飯、椰汁香米糕，色彩鮮艷的甜品不太甜，很合味道。南瓜布甸很有特色，千層糕的班蘭味很香濃。餐廳未能提供蛋糕，祇好甜品拼盤替代，侍應為我們凖備生日快樂祝福牌子與生日小蠟燭，祝賀好友生日快樂！健康幸福！接近三小時的午餐，大家都很享受美食與同聚時刻，這三年來與朋友相聚來得不容易！

隱世米芝蓮皇室泰菜，總廚曾任泰皇御廚皇冠 成team都係泰廚團隊，更連續 5 年獲得「米芝蓮推介」，泰國菜fans要試下！環境位於酒店內，酒店附近唔算旺，位置有少許靜，但店內環境不俗，仲有户外環境，坐得舒適。鮮蝦西柚沙律 $168好少地方見到有呢款菜式，大蝦有好幾件，配西柚沙律酸酸甜甜好清新開胃！冬蔭公湯 $128(小)足料冬蔭公湯，酸辣比例適中，一嚐正宗冬蔭公湯味道。泰式香草炒老虎蝦 $428(4隻)店內招牌菜式，老虎蝦，夠哂大隻，一上枱已經聞到好香香料味，蝦肉彈牙，好似食緊龍蝦肉咁，加上香氣及青胡椒，必點！青咖喱牛肉 $128食泰式點少得咖喱？可選豬/牛/雞，牛肉為薄片，咖哩唔太甜，但味道可更濃郁。甜品拼盤 $128有南瓜布甸、千層糕、椰汁西米糕、黑白糯米飯及芒果。我就試咗前三款，南瓜布甸幾特別，南瓜味濃郁，千層糕口感軟糯，椰汁西米糕正常。總括而言，一間正宗嘅泰國菜餐廳，難怪獲得好幾年米芝蓮，縱使係酒店，但價錢都唔太貴，會再來食。附：餐牌參考

滋味大放送 上環優秀泰國美食上星期同朋友相約係屋企附近食飯，小時候嘅上環最多呢就係潮州嘢同埋中餐，現在人大了自然仔有啲要求！所以今次呢就指明想食泰國菜。爭論左一段時間之後最後都屈服！其實自從地鐵開之後西線開通，呢面改變真係好多！越嚟越多唔同品種嘅餐廳，店或者一啲好知名嘅舖頭喺呢度出現！而我今次你食嘅就係一間位於酒店內，獲得幾年米之蓮推薦嘅泰國菜moon Thai la .環境裝修優美舒適，豪華有貴氣原木色嘅設計，係其中一個吸引人嘅地方！另外仲有一大個露天嘅場地，客人可以按自己嘅需要揀室內定係室內！先點咗個泰式生蝦 用上大大隻嘅虎蝦伴上蒜頭同超級辣嘅醬汁！爽口好吃的大蝦配辣得搶喉精彩的辣汁，好彩仲有伴苦瓜解解辣！說真的我低估了這一個生蝦的辣度！炭燒豬頸肉 呢一客被低估了的生蝦，令到我一口氣飲咗大半個椰青所以即刻要食返啲冇咁辣嘅嘢食！豬頸肉基本上係每次食泰國嘢必點嘅，外皮燒過有少少燶，內層仍然保留着肉汁，配上泰式醬汁惹味可口！香辣青芒果軟殻蟹沙律點少得就係青芒果沙律呢！今次叫咗軟殼蟹青芒果沙律，青芒切得幼細，十分爽口，配有炸蒜，蝦干，花生等配料，十分夜惹味，最吸引我嘅地方就係佢嘅醬汁嘩真係