影片
更多
2023-02-21
2156 瀏覽
金鐘港麗酒店嘅「樂聚廊 」，我一向以為只供應三層架嘅英式下午茶，原來都有不一樣嘅選擇，最近喺附近返工嘅朋友就話我知，佢哋出咗一系列印度風情午餐，逢星期一會以印度特色便當登場，據侍應介紹，會以三層精緻銀鍋載有前菜、主菜、印度香飯及雜錦生果同甜點。如果唔介意花多少少錢，可以選擇逢星期二至五嘅「印度風情自助午餐」，主題同樣喺以印度菜為主。今日，就同朋友來一趟正宗咖喱美食之旅。 「樂聚廊」都喺第一次嚟，既為酒店嘅大堂咖啡室，氣氛自然滲出點點悠閒。裝修簡約得嚟，有一份幽雅感，加上一邊都喺落地大玻璃，雖然出面只喺園林景，正正今日又咁好陽光，就自然予人感覺更寫意舒暢。再者，始終喺五星酒店，服務又一定比較熨貼，更要好好享受呢段午餐時光。 再掃視一下環境，人客唔算多，目測所見都喺商務客，比較斯文，講嘢都唔會話太嘈吵。其實個場都幾大，望去另一邊見有座大提琴，問問侍應原來晚上會提供即場音樂演奏，所以，相信夜晚嚟到就算飲杯嘢感覺都好唔同。 雖然喺自助午餐，但唔好同一般平常喺酒店食西餐廳嘅自助午餐規模比，呢度始終喺酒店嘅大堂酒廊，選擇上會比較集中啲、輕盈少少。主要分三個區域，第一個就喺沙律、前菜區，仲有即做印
「樂聚廊」都喺第一次嚟，既為酒店嘅大堂咖啡室，氣氛自然滲出點點悠閒。裝修簡約得嚟，有一份幽雅感，加上一邊都喺落地大玻璃，雖然出面只喺園林景，正正今日又咁好陽光，就自然予人感覺更寫意舒暢。再者，始終喺五星酒店，服務又一定比較熨貼，更要好好享受呢段午餐時光。
再掃視一下環境，人客唔算多，目測所見都喺商務客，比較斯文，講嘢都唔會話太嘈吵。其實個場都幾大，望去另一邊見有座大提琴，問問侍應原來晚上會提供即場音樂演奏，所以，相信夜晚嚟到就算飲杯嘢感覺都好唔同。
雖然喺自助午餐，但唔好同一般平常喺酒店食西餐廳嘅自助午餐規模比，呢度始終喺酒店嘅大堂酒廊，選擇上會比較集中啲、輕盈少少。主要分三個區域，第一個就喺沙律、前菜區，仲有即做印度煎薄餅（Dosa）；
中間入門口位，就喺熱盤區，十多款印度特色招牌菜、熱湯、烤薄餅……等等，製作睇得出比較重質素，相信以貴精不貴多為賣點；
最後，走到另一邊，就喺甜品加生果區，當中有兩款印式甜品，眾所周知，印式甜品都甜得幾緊要，故此，顧及客人需要，都有啲西式選擇。
自助午餐供應時間喺12:00pm-2:30pm，每位收$368，自助餐仲會包一杯餐飲。但與此同時，餐廳都會提供其他飲品選項，例如，為着今次嘅印度午餐，就見到有晌印度餐廳慣常見到嘅印度特色生果乳酪（Lassi），此外，汽水、果汁、餐酒以及特飲就唔在講啦。
印度煎薄餅有啲餐廳會稱之為薯仔班戟餅，你就知裡面夾有啲咖喱薯蓉，仲有啲豌豆、番茄之類，因為新鮮即煎，所以，份外香脆，裡面喺軟綿綿，可以伴以青瓜乳酪醬或印度椰子醬嚟食，令味道變得豐富啲。
印度蔬菜湯平常食套餐都緊有碗餐湯：羅宋湯、忌廉湯、雜菜湯都咪常見款式，今次喺有一款印度羅望子扁豆蔬菜湯，其實有啲似平常飲開嘅雜菜湯，微微酸，但多咗陣陣嘅香料味，裏面有好多蔬菜，都幾襯啲印度煎薄餅。
沙律落嚟梗喺食番少少沙律啦，款式唔算多，所以可以一次過試勻晒，睇名字有印度馬鈴薯沙律、印度芝士沙律、雜菜沙律、菠蘿黑胡椒沙律及青瓜洋蔥蕃茄沙律。其實啲沙律款式都幾特別，唔會喺平常成日食開嗰啲，最緊要都喺食材夠新鮮，開開胃，等陣間可以再食多啲。
主菜一第一碟所試嘅食物，就包括印式烤羊架、印式烤雞、瑪莎拉雞伴以印度脆片（胡椒餅）、素印度咖喱角、印度炸菜、印式扁豆，後幾類喺平常食印度嘢嘅小食，今次就當佢哋喺配菜。始終喺正宗印度大廚嘅出品，有番咁上下質素，無論烤羊架、天多尼烤雞，抑或瑪莎拉雞，都非常之好食，尤其羊架同馬莎拉雞，喺小弟嘅至心水款式，嗰種香料味特別豐富，呢個就喺印度菜吸引之處。
37 瀏覽
0 讚好
0 留言
第二碟就揀咗印度乳酪羊肉咖喱、馬沙拉蝦、莧菜咖喱伴茅屋芝士伴以印度烤餅、印度香飯，仲加咗少少芒果醬、提子乾、烤腰果同印度醃雜菜，而特辣牛肉就唔喺太敢試嘢。啲羊肉咖哩、馬沙拉蝦非常之正，味道甚富層次，撈飯真係一流，認真回味，加上幼長嘅印度香米飯粒分明，又加入薑黃、番紅花去做，而啲烤餅口感煙韌，沾上咖喱固然好食啦，夾莧菜咖喱風味亦唔錯，食完兩碟主菜，非常滿足。
31 瀏覽
0 讚好
0 留言
最後就喺生果加甜點時間，枱上共有5款甜品，包括芒果布甸、藍莓芝士餅、蘋果金寶，以及印度炸糖漿甜麵圈同印度炸奶球，另外，原來仲有杯裝Häagen-Dazs雪糕，共4款口供選擇，小弟就揀咗芒果味。酒店嘅甜品一向都有質素嘅保證，所以，幾款西式甜品味道唔錯，而兩款印度甜點，的話喺會偏甜，但平常實在少接觸，都不妨一試，而炸奶球有啲似炸饅頭沾滿煉奶咁。
即磨咖啡去茶記必然叫熱奶茶，晌酒店最好都喺即磨咖啡，喺多年飲食經驗嘅穩膽心得，除了咖啡味道醇香之外，牛奶都喺打熱過，食過甜品，再嘆杯咖啡，感覺就是一大樂事。
除咗去印度餐廳之外，都好難得一次過可以試到咁多款印度美食，而且，又可以樣樣試啲，再者，菜式又有水準，加上環境舒服，氣氛悠閒，偶爾嚟享受一吓，感覺喺非常好！
張貼
