翠樂庭餐廳

營業中

休息中

正午時段，去咗迪士尼樂園酒店翠樂庭食下午自助餐。首先要係迪士尼站後面個巴士站，乘坐穿梭巴士前往迪士尼樂園酒店。我一早訂咗枱。成人價$498加一。現場見到好多跑手比賽完入座食自助餐。重可以同米奇及布魯托合照。食自助餐個人有三大守則。1)當日早上食少一點。2)每次只拿一碟該國藉原味主菜。3)吃不下，不要拿。免得造成浪費。第一道菜，忌廉蘑菇湯及沙律。個湯好濃。足料。沙律清新入口。第二道菜，海鮮。青口清甜。蟹肉多汁。長腳蟹肉質甜美。蝦肉鮮甜好味。第三道菜，日式料理。日式刺身入口即溶。上等食材。新鮮到港。第四道菜，燒鵝瀨粉。先試個湯底，好重燒鵝味。再食埋塊燒鵝，最靚燒鵝肉供客食用。有庸記酒家級數。第五道菜，砂鍋雲吞雞。雞湯鮮甜。雲吞肉質美味。頂級材料。第六道菜，印式青咖哩。印式薄餅加入青咖哩醬汁。好重印式風味。第七道菜，水果。最靚最正既油麻地果欄水果。自己拼出水果盤。第八道菜，甜品。迪士尼蛋糕配卡通人物造型。好精緻。個 Vanilla ice cream，配合曲奇一齊食，效果更佳。 

係迪士尼樂園酒店，翠樂庭餐廳係一至五中午時份係提供自由配搭午餐及單點美食。平日晚間及週六日全日提供自助餐。身為超級迪粉。一定要提早同米奇慶祝生日。早在一星期前已同餐廳訂好個生日蛋糕。餐廳是接受三日前訂蛋糕服務。個午巿套餐係$318一位加一服務費。我個人自選炸蟹餅加意式雲吞做前菜。主菜我點咗鰻魚飯加天婦羅。個甜品是三個小蛋糕。最後個生日蛋糕係1.5磅重$450聖誕老人樹頭蛋糕。如果食客自行帶蛋糕慶祝。切餅費係$200。開瓶費$300。炸蟹餅加意式雲吞賣相好精緻。蟹肉鮮甜。個意式雲吞入口清新美味。鰻魚飯好重日本風味。天婦羅炸到金黃色。入口好彈牙。上等食材。甜品是三個小蛋糕有卡通人物造型。好精緻。最後個聖誕老人樹頭蛋糕造型好重胡桃夾子。將著名的音樂劇設計成聖誕蛋糕，別樹一格。個人建議如果想安排聖誕家庭聚會或生日會，可以致電餐廳職員訂位入座。先到先得。

女友生日用apps book左個海景陽台房，又訂左個蛋糕，又book左呢間同華特餐廳（訂房查詢訂蛋糕時，cs好有耐性同幾好相與，又話可以同時book幾間，到時去其中一間就得，亦可轉做room service set，基本上真係乜都得。）同女友兩間都行過睇過，覺得食呢間好啲，就決定左食呢度。8點入場食，款式幾多，樣樣都試下。個人覺得最好食就係特色食物-黑松露牛肉意式雲吞，啲汁配落真係一流我一人食左3碟，女友都食左碟。另外中式燉湯又好好飲，我同女友都拎左幾盅飲女友鍾意食芝士龍蝦伊麵，佢食龍蝦我食麵🤣🤣🤣🤣仲有其他好食既野，不過我地最鍾意都係呢幾樣。佢地人手幾多，收碟同加水都好快，問佢地野都好有禮貌。埋單最正，我打緊機，佢地埋單見到，都肯等埋我打嗰鋪機先比單我😝😝😝係送嗰個同迪士尼人物合照嗰度，要同米妮2個隔成米幾遠，仲要戴任口罩，冇計。我女友影囉，我就幫女友影算。最後食埋甜品同生果，飲埋咖啡奶茶再hea一陣，就返上房休息。呢度既自助餐係好食又多款，裝修又靚。其實以酒店自助餐黎講，800/位我覺得ok既。不過食完自己心諗，食左咁多野，好似食唔到800蚊咁多，蝕左🤣🤣🤣🤣🤣🤣下次要再黎食過，到

翠樂庭的野越來越唔好食之前都有公仔人物拍攝都算，現在企咁遠好像報景板咁。一般來說，入得迪士尼都唔夠嘢食好食。但今次真係好難入口。前菜：柚子大蝦，佢個醬味道唔錯。但柚子有點苦，可接受。但蝦嘅口感十分硬同冰。 池魚刺身，池魚刺身本身有冇乜味道，佢加咗個魚籽粒粒落去，增加左個味，但有點過鹹。主菜：中式牛柳配醉雞係最難食，食淨一大半。個醉雞淨係得酒嘅苦味，完全冇香味，啲雞肉都唔算滑。中式牛柳粒煮法係類似咕嚕肉嘅煮法，完全唔好食。對於牛魔王嘅愛嚟講都食淨一半，真係好大嘥。吉列豬扒配飯糰，中規中矩。個吉列豬扒炸唔硬，可能比較薄食唔到好滑的口感。甜品：要三件蛋糕，左邊第一件係抹茶柚子，中間嘅芝士味，最右手邊嘅係咖啡味。我覺得咖啡味最好食。我就不太懂欣賞有紙抹茶蛋糕。

由於我地本來想食semi buffet dinner 入埋waiting list 都食唔到到最後我地轉戰左Semi buffet lunch食的時間係14:00-16:00果輪相對上易book好多 walkin 都有得食(っ`ᵕ´c)《反正都係 豪多少少》我地揀既兩款主菜加左$50做升級◝(⑅•ᴗ•⑅)◜..°♡💡扒肉眼🥩· 焗新薯·炒時蔬·紅酒汁🍷例牌要的是五成熟 賣相一流 件扒成隻碟咁大塊🍽身上的網紋格令食物顯得更高級精緻 ✧︎⋆*外層食到煎得微香脆 肉質煎得很稔 肉汁都鎖住 牛味幾香 我比較鐘意唔點個紅酒汁食不過貪心少少 如果佢厚身返d 就perfect 喇 👍🏻配菜方面 焗過既薯仔 外皮口感甘甘香香的很可以♡💡龍蝦🦞班尼迪蛋🍳龍蝦肉超大的兩舊 肉質都煮得好爽口 底部有塊英式鬆餅 吉穿左既蛋黃流左落去幾好食班尼迪蛋得相當成功😂（唔識俾評論😂坦白講第一次食𝚋𝚎𝚗𝚎𝚍𝚒𝚌𝚝 𝚎𝚐𝚐自問一個好鐘意食太陽蛋既人 呢種食法有啲唔開心🙈 我個蛋黃呀😫 💡冷盤前菜小食 需出自助區取 疫情期間全部用少少碟形式 選擇有十幾款 選擇唔算少而且味道都唔錯 海鮮類：¹香檳蟹腳 ²青口 ³龍蝦🦞⁴翡翠螺

從前走進翠樂庭，馬上聯想到愛麗斯夢遊仙境電影版內的下午茶派對。英文稱為afternoontea party。現在疫症後重開的翠樂庭餐廳，自助餐則改為職員送桌服務。方式同食傳統西餐一樣。不過是可以作無限次點選菜式。自助午餐時段為12時至4時。分兩段時間，每段2小時。成人$350，小童$230。晚餐時段為6時至10時半。分兩段時間，每段2小時。成人$510，小童$330。現只做星期五晚及六日中午及晚間時段。奇妙處處通會員有折扣。同別的酒店自助放題不同之處有以下幾點：1)   餐廳內是播放迪士尼電影主題曲。2)  服務員會分多輪上菜服務，可避免一次過上過多菜式而某些熱食會着涼。   3) 服務員會同食客分析餐牌內的食物成份。可避免食客點了不知名菜式。4) 當中加插迪士尼朋友巡遊表演。     5)  餐廳橫裝是根據愛麗斯夢遊仙境電影為藍本。 頭兩輪是自動送上。每次送上枱的菜式都是一人份。但因我不是小童。我沒有點兒童餐。原本的自助餐美食區則改為觀賞食品區。食客可以點免費汽水。第一輪菜式 冰鎮海鮮凍蟹腳加上辣海鮮醬。好野味。青口及凍蝦都好鮮甜。翡翠螺肉好彈牙。全盤海鮮屬上等食材。第二輪菜式 精選

我做左迪士尼 全年通行證, 同奇妙處處通咁耐，第一次用會員卡優惠試試翠樂庭餐廳! 比我預期好好多!!!我同我家人當日下午入住酒店，一早已經訂左位，下午6:00開始食。排頭的有壽司，Pizza,........... 多國菜! 有拿刺身，刺身好新鮮，(三文魚、吞拿魚.... 等等) 蕎麥麵好得意，細細碗!!! 還有Pizza, okay , 幾好味。食物整體上好好。 好過預期。甜品好多款式。 但係個小熊維尼甜品就好似酸左少少。 但係其他甜品到幾好啊!翠樂庭餐廳最大特色係 係你食緊的時候，迪士尼朋友會溜你影相! 餐廳內的演藝人員(服務員)會積極地幫你影相! 還有Kodak 的演藝人員會幫你影相添，之後即時製作好你地的相片就比你睇，你可以選擇買唔買呢D相片紀念品。比預期好好多，不妨可以試下!!

頭盤只差沒有生蠔,其他都有像煙三文魚,長腳蟹,海翠螺.熱盤就無特別,最好味只有鱸魚.甜品唔錯.即煮的有海鮮薈墨汁麵,白汁闊麵,蕃茄意粉,無咩味,唔係咁欣賞,另有湯粉供應無試.風乾火腿是其他buffet比較小見的,但超薄.蛋糕一早已訂,無選擇得一款,甜咗啲.值得一讚員工會為你唱生日歌.廸士尼人物全程不斷出現影相,唯一不能同時合照.*全年通行證有折*