Cafe Fabulous

營業中

休息中

二人餐$319，個環境咁舒服乜都抵返晒。紫菜炸雞卷（8件）炸得好脆，雞肉本身醃得好入味，點埋酸甜醬好開胃。黑椒脆香雞扒意粉塊雞扒好大份，好香黑椒味，雞皮煎得好脆，淋左黑椒汁又唔會整林晒。日式咖喱豬扒飯冇諗過係西式Cafe都有日式野食，炸豬扒好鬆化，咖喱汁好多薯仔，唔錯。甜品方面揀咗紐約芝士餅同提拉米蘇都係三角形切餅，標準味道同質地，$318二人餐連埋甜品超抵食呀！蘋果棋係大size嘅，係我童年回憶啊！board game嘅選擇真係好多，有個strategy game 都幾特別，d game 仲好新淨，都係有賴各位食客！😊

兩人同行揀左Set for Two，可揀一個小食兩人share，兩個主食同兩款甜品。芝士雞翼（6隻）其實係炸雞翼，面頭淋左啲芝士醬，成碟好夠味，餐前開一開胃。焗自家製芝士肉醬意粉份量好夠！肉醬好濃，肉碎比例好多，食落有一陣肉桂葉嘅香味，睇相都知鋪面嘅芝士好多，啱晒芝士控。芝士雜菌意粉個汁好重忌廉味，麵撈埋幾款唔同既菇有啲咬口，面頭仲有好大pat黑松露醬，但係黑松露味就唔算好出。甜品就揀咗法式焦糖燉蛋同埋比利時窩夫。燉蛋都幾滑，面頭嘅焦糖脆脆地又唔會太燶，比利時窩夫上碟時熱辣辣，要係上面啲cream熔之前ko佢😎 淋面嘅朱古力醬都幾香。

想同朋友搵地方聚舊傾下偈, 旺角區樓上cafe有好多, 要選擇都幾難, 最後喺openrice見到呢度嘅評論都唔錯, 咁就喺apps booking嗱... 仲要有95折睇完餐牌, 如果3人散叫同點套餐價錢其實唔算相差太遠, 最後揀咗個3-4人套餐, 可選2個小食+2個主食+4杯飲品, 而且仲有沙律同甜品估唔到套餐內每樣食物嘅份量都幾多, 仲要原盆焗完上枱, 實屬意料之外呀最後我地傾下食下, 唔經唔覺就坐咗5個幾鐘 主菜都食唔晒要打包拎走