Home Bar & Restaurant

營業中

休息中

今次已經係第二次來Home Bar & Resturant 食晚飯，記得第一次係紀念日時同老公一齊來，對呢間餐廳食物及環境印象本身已經唔錯。今次約左老公一起放工後一齊進膳談談心，沒諗過閒日前來，餐廳都幾乎坐無虛席，幸好我地預先預定位置，今次職員安排左我倆坐bar 檯位置，幾有情調，我地附近仲有撞球檯，可以一邊玩，一邊食。一來到，餓餓地分別叫左兩個Setdinner，一個係蟹肉扁意粉，另一個就係燒西班牙黑毛豬，兩個SET DINNER 都分別配有餐湯、沙律及甜品。由餐湯、沙律到甜品都屬用心及有質素。首先上既係沙律，沙律好新鮮，仲配有巴馬火腿，食完好開胃。一坐埋來，老公就問我，仲記唔記得你個時好中意食佢個餐包!!!因為單講餐包已經好吸引，呢度餐包唔係一般西餐廳提供既餐包仔，餐包呈條狀，好似放大既手指餅咁。剛上桌既餐包仲有少少微暖，食落口係有少少嚼勁、煙煙韌韌咁，真係令人一試難忘，如果有得添，我一定會舉手添!而是日精選餐湯係南瓜湯，未入口已經聞到南瓜香味。餐湯南瓜味濃厚，入口個下仲好似食到棉棉地既南瓜茸、小顆粒，貨真價實既南瓜濃湯呀~今日重點菜式係，登登登….西班牙黑毛豬廚師建議七成熟，一食

呢日同同事約左放工食飯吹水，黎左呢間酒吧飲酒兼食飯。環境都算係唔錯，有食飯坐的正常桌，又有俾人飲酒吹水的高桌，酒吧一角仲有桌球打，都幾適合一大班人黎玩。我地叫左set dinner,好少酒吧會有set dinner叫，而且款式都幾多。一黎就有沙律、餐湯，沙律份量都頗多而且味道亦不錯，仲有煙三文魚點綴。同事仔A點的安格斯西冷牛扒，味道尚可但肉帶筋，頗難咬開。同事仔B點的德國脆皮咸豬手，份量好多，而且好細心切好晒，一塊塊好容易食。而外皮都算脆，肉質Juicy多汁。我點的大蝦茄蓉雜菌意大利粉，成隻大蝦都沾上脆漿炸過，所以香口蝦味濃。個茄蓉醬酸酸甜甜帶點微辛，好好味！而且混合好多雜菌，口感好豐富。食飽飽仲有甜品送，配上啤酒邊飲邊吹水，感覺好正！

冬至做節當日一反傳統，帶了父母來到屋企附近一間開業不久的酒吧餐廳「Home Bar And Restaurant」吃一頓冬至飯，發現現時也有頗多酒吧除了主力賣酒之餘，也會兼顧食物的質素，而且除了送酒小吃外，竟有一般西餐廳的菜式，可與朋友飽吃一頓後再飲返杯，無需轉場～走進店內，高高你樓底下掛有一盞雙層吊燈，主要以高身椅桌為主。另外，周圍以木筒、掛畫作裝飾，還有紅磚所砌的牆身，感覺有如一間古曲小屋。昔逢當日是冬至正日兼閒日，果然在反傳統下，吧內人流不算太多，正好可與家人靜靜地吃飯談天多走兩步，走進店內較入位置，發現有張大桌球枱，供食完玩樂，再經詢問下，原來是免費的～！記得之前有去過部分酒吧是要收費的，而這裡除了吃飯喝酒外，還有桌球玩，非常化算呢～～1664 & 麵包粒［評分:7/10]坐下後侍應先為我們送上一籃麵包小粒，蒜蓉麵包小粒蒜味頗濃，每粒也烘得香脆非常。吃著吃著，爸爸就想要杯啤酒伴著吃，就建議他試一下果香較重的1664,較一般的易於入口，爸爸亦相當喜歡再翻看一下餐牌，除了散叫外，還有set dinner，當中包括了:餐湯、沙律、主菜、甜品及餐飲，有牛/羊扒類、意粉及意大利飯等選擇，