Paper Moon

營業中

休息中

星期日我和老婆光臨這餐廳吃午餐，雖然已經訂了枱，其實餐廳還有吉枱。是日午餐在餐牌上稱為早午餐(brunch)但只是兩款指定前菜、選擇一款主菜和從三款甜品中選取一款。這安排與一些餐廳提供的每道菜可供選擇差不多。前菜是雜錦火腿拼盤和海鮮拼盤。火腿拼盤是正常口味。海鮮拼盤的帶子和凍蝦沒有甚麼鮮味，整體十分普通。主菜分別選了亞支竹焗春雞和芝士意大利雲吞。兩款主菜都做得好，特別是春雞不會因過熟而影響肉質。只是亞支竹份量略嫌少。甜品方面，選了雲尼嗱奶凍和炸煎推球，各有特色。炸煎推球明顯是配合新春時節，鬆脆熱辣。加錢可以有紅白酒/啤酒/汽酒/咖啡/茶任飲，不過我們沒有選擇。餐廳賣點不似是食物，反而是落地玻璃面向維港，景緻怡人。顧客可以選舉戶外坐位，但是那天陽光普照，坐在玻璃旁的坐位已經感受到溫室效應，空調不足。服務不錯。會為客人添水和詢問是否要加添麵包。以食物質素和份量來說，收費略為進取。兩人改食自助午餐都有一些選擇。

Dated back July 2020，一個星期五既lunch hour係海港城同朋友相聚，係Paper Moon先訂位，最後選擇左露天茶座。當日風和日麗，景色正不在話下，侍應生既服務態度亦超級好，主動走黎問你有咩需要，亦容許我地揀位🥰。睇完Menu揀左2個lunch set。首先，有餐前麵包，3款，可添。朋友選左好濃既南瓜湯，我揀左沙律，好好食，啲菜新鮮之餘，配埋脆脆既麵包粒有唔同既質感👍🏻朋友main course選左羊扒，賣相唔算太吸引。但你以為只係普通炸物？Nonono...我都試左一小塊，外脆內軟，調味適中，非常juicy，無得彈😋👍🏻👍🏻👍🏻我叫既Pizza Regina就失策喇，味道okay，但份量太多，亦略嫌有點油膩同埋太咸，食左兩塊已經非常飽滯，最後打包走人...😔個lunch set仲有配埋甜品同餐飲，賣相一流，味道不錯。總括而言，景色一流，但選擇露天座位需考慮會否太大風，吹到頭都亂埋...服務不錯，食物也有一定的水準，特別推薦羊扒（雖然唔係我叫，但諗起都想食😂）。

相約好友一聚，之前來過呢間餐廳晚餐，大家都好滿意，今次再相約午餐，一早訂枱，準時去到，店員探熱就帶入座，坐在落地玻璃窗旁，今日天氣超好，藍天白雲，呢個境已值回票價，午餐比晚餐是兩種境觀！樓底高加上落地玻璃窗，很開揚，梳化卡位有私隱！午餐選擇都幾多餐包：一籃子3款麵包，自己唔喜歡夾雜黑欖嗰款，脆棒及鹹包皮都好味！可以沾橄欖油及黑醋，我減肥只沾黑醋，黑醋超濃又帶甜，好味！前菜：菠菜紅菜頭藜麥沙律：可以話很簡單的沙律，材料新鮮，沒有太過分的調味，紅菜頭沒有我討厭的菜青味，三種材料灑上沙律醋，很開胃又健康香脆大蝦羅勒醬意粉（$248）大蝦兩隻，其實唔喜歡炸嘅煮法，如果香煎會更配意粉，因蝦嘅炸漿雖然唔厚，但上枱時已淋了，沒有脆脆的口感，蝦仁其實夠爽夠新鮮，唔需要炸都好味！意粉煙韌，每條都被羅勒醬包裹，不過味道略淡，欠一點點鹹味（不過呢個可能係個人濃淡口味嘅問題）羅勒味夠香！自己加一點點鹽就剛剛好藍莓慕絲蛋糕（跟餐）賣相擺盤靚，藍莓味濃，酸酸甜甜好味熱咖啡（餐飲）夠香濃，香咖啡味，甘甘的解膩剛好朋友食：前菜：水牛芝士伴車厘茄：餐湯：椰菜花忌廉湯：香煎豬柳伴菊苣青蘋果忌廉汁及芥末醬（$288）熱檸水

之前已兩次預早兩星期於PAPERMOON 訂枱都不成功今次第三次，預早一個月，終於成功訂到枱了。PAPERMOON 位於海港城LCX 最入位置⋯⋯⋯佔盡地利入到去，真係「嘩」了一聲，維港美景盡收眼底看了MENU，真的有點選擇困難，所以盡量選一些Signatrue 點完餐，先來一客「餐前麵包」暖暖的，非常鬆軟，朋友都食到贊不絕口，好味！！頭盤點了「巴馬火腿伴蜜瓜」雖然不是Signature 的菜色，但本人總覺得食意大利菜必食蜜瓜跟方間的不同，是切一片片的，我覺得跟一片片的Parma Ham 的夾，更易入口不過蜜瓜份量可以多一點更好！！「火箭菜伴番茄及巴馬臣芝士」小妹是非常鐘意食「火前菜」，喜歡其香味！！這個沙律的箭菜同番茄都好新鮮，一配上意大利醋，好味！！主角PIZZA 來了我不喜歡太花巧的PIZZA, 所以選了「番茄、水牛芝士、香草及醍魚」所造的PIZZA NAPOU第一塊熱辣辣，薄薄的PIZZA, 芝士拉絲的感覺好正！！但餅底就欠缺了「煙靭」的感覺。意粉選了「白酒蜆意粉」味道偏淡，不過不失還有「牛肝菌寬條麵」牛肝菌很香、寬條麵口感「煙靭」，味道不錯食西餐，一定要食埋甜品先Comple