The Lounge (香港JW萬豪酒店)

營業中

休息中

$438~宵夜Buffet，竟然由 7:00p.m.已經開始，食到 10:00p.m.，平日晚上都有得食，唔使等週末，信用卡仲有八折，抵到爆。坐位空間寬敞，枱與枱之間分隔有段距離，服務員也不少，招呼週到，樓底高所以不嘈雜。食物種類多而且精緻 ; 乾芝士，沙律菜，海鮮冷盤，壽司/刺身，中/西湯，牛排/羊架/焗三文魚，即煮雲吞麵，生滾海鮮粥，乳鴿/叉燒/油雞，燒賣，蒸蟹，冬菇鮑魚，多款蛋糕甜品(有榴槤卷)，水果，雪糕杯，軟雪糕(雲呢拿味/榴槤味)，最後當然包一杯餐飲。估唔到全部都好食😋(水果除外)

這次是我的第12次到 The Lounge 食Tea Buffet 喇!但是這次才寫食評是由於真心想讚吓這酒店餐廳的防疫措施做得好好外，更想讚吓員工每次的禮貌態度仲有每款食物都用蓋蓋好，衞生非常好由我第一次朋友介紹，踏進這間我初初以為只得蛋糕甜品既下午茶到發現原來有很多款式選擇開始，之後如果同朋友閒聊，聚會或介紹，我都會選擇這間酒店餐廳。我知我的朋友都有介紹自己的朋友啊！這間餐廳樓底頗高，座位舒服之餘個環境好正，仲可以一邊食一邊伴有真人係閣樓彈奏鋼琴，真係讓人有種好舒暢嘅感覺係朋友聚會休閒談之選經員工禮貌地安排好座位後，夠鐘開始，榴槤控的我第一時間衝去攞榴槤班戟，還可以同姐姐講要多榴槤蓉啊如果唔中意榴槤蓉，還有花生椰絲可以選擇。有時counter 要排隊啊！這個榴槤班戟也是推動我到這餐廳的其中一個動力啊各款菜類，丸仔(牛丸，龍蝦丸，墨魚丸等等)同配菜，仲有我最愛的大蝦雲吞，隻隻雲吞入面都唔止得一隻大蝦㗎，又爽又彈牙真係淥食物首選。自己揀好想淥嘅食材交由員工淥熟，之後再憑卡号去取食物兼選湯，通常都有兩款湯選擇的這個下午茶自助餐好唔簡單，冷葷除左有刺身(螺肉，象拔蚌，三文魚等)外，仲有香

今日放工同同事去食下午茶自助餐，之前黎過一次，環境地方都好唔錯、食物都幾多選舉又美味、服務都可以，又抵食（都係200幾，但食得好飽）服務都唔錯，下午茶自助餐由3:30-6點，可以比你慢慢食慢慢傾沙律、前菜有多款沙律（黎麥、蘋果等）、壽司及刺身（加州卷及腐皮壽司、三文魚、北寄貝等）、煙三文魚2款、茄子、黃紅椒、冰炒沙律蔬菜、多款芝士及火腿，都幾多選擇還有煙薰蛋（好香又半熟蛋）、齋（不錯、酸酸甜甜）、涼拌（豆芽菜、木耳等）、蝦片（硬了些）、魚皮（同事話麻麻、唔香脆）熱食蒸點心、即點即煮粥（自選材料：魚滑、帶子、粟米、皮蛋、魚片等）、粉麵水餃、肉眼扒、鹵水乳鴿、雞翼、大蝦伊麵、菜心、墨西哥磨菇烤餅、蝦多士、炸餃子、西湯（磨菇蓉湯）、清酒煮貴妃蚌等，最愛鹵水乳鴿（啖啖肉又入味）、雞翼（香脆）、西湯（香濃又滑）、貴妃蚌好大隻又新鮮甜品好多雪糕選擇（杯裝的、軟雪糕，味道都多款）仲有好多唔同顏色的配料水果、蛋糕都有，一些在雪櫃、一些在枱上，最好的是可以讓客人切蛋糕大小，咁就不用浪費了芝士蛋糕好滑好香，必食推薦最愛的榴槤pancake, 好滑又暖暖的榴槤蓉（榴槤肉好香好滑）外面pancake 要即叫即

一到公眾假期，都會想食TEA~詢問之下得知呢間可以由1PM食到6PM，係比平時的貴D，不過都係抵嘅~呢度同朋友講野真係好岩，台同台之間唔會好近，坐得又舒服~講下野食先~沙律都係果D野，就唔多著墨啦~薯仔沙律就麻麻，酸酸地的~唔係我杯茶~仲有泡菜同自制"葉" carrot~無興趣試~小食有:照燒魷魚，長長的果條，味道唔錯，d燒汁甜甜地燒賣，酒樓的好食好多PANINI : 普通墨西哥燒餅: 味道要睇點咩SAUCEchicken wing : 一食就知雪野，味道好，食左4隻(無相)粥 : 好棉，好味道，不過朋友話d三文魚味有d腥仲有碗仔翅，幾款panini，5-6款芝士，不過無食~最後係我同朋友最concern嘅甜品啦~cookies : 個人覺得有咬口，不過唔夠mrs.F 果D好食~芒果moose好食~唔會太甜，酸酸甜甜，加埋d 脆脆topping就好好食~不過雙重朱古力moose就唔太得，d moose好水...有兩片朱古力上面有提子的，帶有小小酒香，黑朱古力加上提子的甜味及酒香，幾特別，不過唔係我杯茶...apple cumble : 好味，好鐘食個餅底，加埋hd雪糕，係encore甜

J先生想起他姐姐年初送贈一張 JW MARRIOTT GIFT CARD, 內有 $400, 五月底到期; 我倆打算今日去試試 TEA BUFFET及慶祝我的舊曆生辰TEA BUFFET食物款式不多煙三文魚夠鮮, 沒味道的鴨胸, 青紅蘋果好清香! J先生 - 沙律碗仔翅一般!貴妃蚌好鮮甜 刺身得三款 - 太普通沒吃圖上 J先生-壽司圖下芒果龍蝦壽司 芒果龍蝦味道好夾!鰻魚壽司 濃濃鰻魚醬汁!螺肉 螺肉清甜! 西班牙火腿過乾 沒有咸香味 香茅雞翼 煮得少少過火!乳鴿 燒到剛熟, 肉嫰!燒賣 一般! 什錦生滾粥足料而粥底夠綿  J先生 - 甜品OPERA 多重層次朱古力朱古力布朗尼 好香朱古力紐約芝士餅 芝士餅入口即溶伯爵茶蛋糕 鬆軟蛋糕有啖啖伯爵茶味 J先生 - 鬆餅 圖左 甜絲思 - 超淡的茶 服務員講: 玫瑰花茶+檸檬茶圖右 J先生 - 菠蘿青檸THE LOUNGE 總結: 還可一試! 

自從好多年前, 係農曆八月十五日當日下午臨收工時收到呢間餐廳的電話, 話我農曆八月十六日的8人Booking要由2點正改為3點半開始, 仲Sorry都冇句, 強調因為有人一早Book咗做Function, 所以我Book時職員一定有同我講3:30PM先開始... 我都好強調, 我有朋友4:00PM要走, 如果職員有講3:30PM先開始, 我一定唔會Book... 對方仍然是重複又重複, 想將責任完完全全推落我身上, 一句Sorry或唔好意思之類都冇!!! 最後我決定, 永遠都唔再到呢間餐廳食...唉... 估唔到... 今日... 我衰咗... 原本去中環嘆茶, 可惜果間酒店的安排實在太差, 最後決定離開中環, 落緊雨, 穿過長江中心、香港公園, 以為到咗啦, 仲未!!! 仲要沿山路向下行, 行咗一段路先到, 又熱又濕, 好難挨... 去到JW Marriott, 已經成隻「落湯鴨」咁, 儀態?!! Bye Bye...最後挑戰... 舊同事啱唔啱食!!! 皆因舊同事的現任同事7日前食過, 彈爆冇o野食...我地其實都一早Book定位做Backup, 埋到Reception, 我問職員

全港最正既Sunday Brunch! 任飲香檳，紅酒，白酒：如果各下係飲得之人，只係聽到都覺得好低!!! 酒店環境優雅舒適，雖然係buffet，但服務完全冇少到。真係未試過隻酒杯可以好似今次咁維持＂常滿＂狀態。重會不時攞Ｄ食物比我地食。每個會同食物有接觸既人都帶住手套，好衛生，令到我地可以放心欣賞食物。非常高級既享受。我個人食buffet既習慣係去睇哂有Ｄ乜野係自己鍾意食先，然後每樣試少少，跟住就只攻自己認為好食個Ｄ。我今次主要係食：　魚子醬 - 有四款。因為我平時係冇機會食，所以唔識分好同壞，只係覺得每種味道不同，都好啱我味。個counter種有好多配料比大家用。正！　龍蝦 - 有三款。個人味係最細隻最鮮甜，不過其他都好新鮮，完全唔嚡，必吃。　不同醃法既三文魚比起日式三文魚刺身更加精彩，好清甜好美味，而且好靚，值得讚。　生蠔 - 四個字：鮮甜肥美!!! 鵝肝 - 我既最愛 - 因為鵝肝係好溜既，所以唔食得多，不過佢每件係你面前煎，見佢熱烘烘，而且有甜生果伴，所以就食多幾件。　原本有計幾件，不過飲飲下酒都記唔到咁多lu... 　松露omelette - 松露既香味又係我既favo

下午茶時間為15:30-18:00，充足的了。食物選擇著實不多，但質素不多，就是貴精不貴多嘛。首先是壽司吧，有三文魚及甜蝦刺身，壽司有北寄貝、鯖魚、鰻魚、腐皮等等(見圖)，最可惜的是沒有吞拿魚。很欣賞的是沙律吧，菜類非常新鮮，整整齊齊的排列，配有三種醬汁。旁邊有兩款麵包條和三款芝士醬，還有硬芝士選擇。熱葷一般，不過那個忌廉白汁焗海鮮則叫人回味無窮，值得一試再試。甜品有即製PANCAKE、HAZZEN DAZS杯裝雪糕、朱古力MOSSE杯、BLUEBERRY CHEESECAKE、NEW YORK CHEESECAKE，最美味的是芒果芝士蛋糕。還有英式鬆餅，可配新鮮士多啤梨，吉士忌廉很惹味。附送每人飲品一杯，服務又好，好一個悠閒下午。最享受的是，有豎琴伴奏和落地玻璃外的藍天白雲相伴。不過，最不喜歡放食物的地方要走樓梯，其實也蠻危險的。