港原味 (已搬遷) 新店位置

上網睇到好多人都去打卡既港式餐廳，一去到已經立即影相打卡。《甜心蘋果》超級特別的中式甜品，原材料係蘋果+洛神花汁+黑糯米，酸酸甜甜咁好開胃，同朋友爭住食，原本仲以為係紅酒汁，真係冇諗過係洛神花汁，完全無諗過港式茶餐廳有咁高質同有特式既甜品。《西洋菜湯》冇味精嘅西洋菜湯好有住家飯味😋如果太耐無係屋企煲湯，一睇到無味精就立即好吸引我去叫🥰不得不提餐牌設計都好靚好好睇，睇得出成間餐廳都好有心，睇到餐牌都仲有好多嘢想食，但實在太飽食唔落，已經決定下次試咖喱農夫包，望到個圖就好吸引😍見到隔離枱食小炒都好似好吸引咁❤️

餐廳裝修好特別，牆壁都係香港舊時嘅面貌，雀籠、燈罩，真係值得影返幾張靚相連個餐牌都特別靚，種類又多！早、午、晚餐，中式、西式，連四川，酸辣都有😊<農夫包，配豬扒，芝士松露汁>平時食呢一類嘅包，多數係咖喱汁，今次試芝士松露汁，豬扒夠味，個包皮脆卜卜，包心吸晒啲汁，好正，食到底部，少少烤燶嘅香味，食哂，唔會嘥，個包有豬扒😋<薑蔥蠔皇炆火腩><鮮尤西蘭花>味道唔錯，對於而家健康嘅香港人，冇味精，唔太鹹👍🏻<甜心蘋果>個名冇特別，但食落好好味🤩應該係用咗洛神花同山楂，整個蘋果煮林晒，中間有紫糯米，非常非常好味🌹食完飯，唔使出去搵甜品店，又可以食到一個咁特別嘅甜品，今晚真係大滿足🤤

近來疫情再緩和多點，所以，亦多了與相熟的朋友短聚，但一切多人聚集的活動還是可免則免，就算現在放寬至6人限聚，都自我限制於兩、三個朋友好了。這夜，就與友人到訪大角咀一家茶餐廳用膳，因為從網上看到餐廳的裝修很有本土特色。店名「港原味」已很有語帶相關，走進店內，裝修亦非常特別，有心思，牆上有很多昔日本地不同地區、不同事物的彩繪，讓有一定年紀的客人很有共鳴，而有些看上去更有3D效果。此外，環境也很闊落，感覺寬敞。餐廳的定位明顯都是茶餐廳，所以，食物款式也是多樣化，但離不開早餐、午餐、晚餐、小炒、碟頭飯……等等之類。如果想吃小菜的，不妨考慮二人餐，計落真是划算得很，因為包了餐牌中任選小菜兩款、湯品兩客、白飯、甜品及餐飲，都只是$198而已。先來兩客無味精靚湯，估不到用了一個別緻的小瓦壺盛上，有誠意。靚湯是綠豆煲蓮藕，非常之「老火」，十分濃香，很好喝。小菜之一是「芝麻西檸雞」，個汁底比貫常所見的較深，但沾一點試試，檸檬的味道頗鮮爽，而雞件都是炸過的，所以，吃來有份香口感，肉質亦比想像中嫩滑，每件雞肉均被醬汁包裹着，很好吃。另一道小菜則要了「椒鹽鮮魷 」，因為，大家都很喜歡吃炸物，加上椒鹽的吸引力。

同朋友去奧海城shopping行到夜晚諗住搵地方食晚飯點知成個商場既餐廳都好多人等位甘唯有行遠小小 見到呢間望入去好懷舊 似以前既香港所以入去食下同打下卡果然無失望🤩-1.冬瓜豬骨清寶兩 +$8無味精既足料靚湯👍🏻啱哂宜家甘熱辣辣既天氣 清熱牙-2.螞蟻搬家🐜👍🏻 $58聽個名都夠特別 呢個菜超好食🤤粉絲爽口 有落肉碎炒味道又有小小辣 好正牙！-3.咖哩農夫包 配雞肉🐔$99個包好軟熟 但咖喱偏淡濃返小小再辣返小小會更加正😋而d雞肉係炸雞球好脆 好香口再點咖喱連包一齊食👍🏻-食完主菜當然要食返個甜品先滿足到我🤣-4.甜心蘋果 $$39像真度達100% 切開 裏面原來有黑糯米😍超驚喜有洛神花汁伴碟唔算甜 但無乜蘋果味食落口感好軟冧 似食桃-想食住家菜又多款式揀 價錢又合理又可以打卡既 呢間大推介👍🏻👍🏻👍🏻

新嘅港式茶餐廳，位置係匯豐附近，主打少鹽少油，應該幾啱OL食咖哩農夫包 📍$99咖哩可以轉芝士黑松露，不過我哋選擇咗食咖哩，惹味得黎有少少微辣。而配料就可以揀豬扒，牛肉，或者雞肉... 豬扒剪咗細細件，方便入口，再加埋烘得脆脆地嘅包，幾過癮甜心蘋果 📍$39心機之作 😁 有少少酒釀丸子嘅味道，不過今次換咗蘋果，同埋入面仲放咗紫米.. 不過個人覺得有少少偏酸好耐無煮飯，連菜都食少咗，黎到呢到可以食返啲住家菜

又有一段時間沒有來大角咀，網上見到有間茶餐廳好打卡able，所以今晚跟友人來試試！餐廳座位都幾多，牆上畫滿3D畫，十分岩打卡！餐牌上有多款小菜可以選擇，而晚餐送熱飲，加8蚊還有足料靚湯！店餐後店員為我們送上小食，肴肉和腐皮卷！花生雞腳木瓜湯，這個味道很濃，很鮮甜，雞腳煲得很冧，熱辣辣，很美味！干煸四季豆，好夠鑊氣，四季豆用上肉碎一起炒，味道濃郁，雖然有辣椒一齊炒，但沒有辣味，吃得美味！紅燒豆腐，豆腐嫩滑，用上肉片一起整，還配有菜心，醬汁不會太咸，用來送飯一流！芝士黑松露農夫包，這個包內裝著滿滿的芝士雞肉，芝士香濃，有淡淡的黑松露味，雞肉嫩滑，還有薯仔、洋蔥、紅椒等配菜，芝士食落不會很膩！甜心蘋果，最後點了份甜品試試！這款是蘋果的外殼，裡面釀入了紫米，煙煙韌韌，由於用上紅酒，因為帶有少少酸味，蘋果爽口，兩者都能解去油膩感！有機會要再來吃，整體食物味道都很正！