韓食 (已結業)

之前食過一次, 覺得唔錯, 於是又再幫襯.但原來加咗價, 一加都幾多...今次試咗, 賣相吸引.佢先放碎冰係最底, 然後擺面, 最上面有紫菜+泡菜+蛋.E個面要擺一陣, 等冰溶咗先食, 如果唔係會成口冰, 口感奇怪.至於味道就一般, 湯和面都冇味, 唔會再食.另外要咗, 套餐送飲品.味道唔錯, 唔會太辣, 有微微的甜味, 叫人食上癮.腩肉唔多, 非常薄, 肉質淋, 易咬.泡菜佔咗三分二, 酸辣適中, 令人開胃, 好餸飯!當然唔少得, 之前食過, 今次加碼要8隻.keep到水準, 外面雞皮脆, 入面雞肉軟, 仲有肉汁.甜辣汁係加分之處, 會愈食愈辣, 好過癮!

平時會係附近買午餐食，見到間小食店新開，食物廿幾蚊左右，唔貴，不停有人落order ，就試一試！結果發現新大陸，以後又多一個選擇啦！甜辣炸雞槌韓食主打菜，點可以唔叫？雞槌似“葉”過黎，好入味，出面有層粉沫“葉”料，似盬酥雞果只味，炸到脆脆，入面熱辣辣，再撈埋啲甜辣醬，味道剛剛好！又香口，正！紫菜包飯25蚊一盒，抵食！飯卷捲得好實，唔會散開，每件大小差不多，排得幾靚！飯係珍珠米，加左少量醋，食到微酸既味道。個汁我估佢地自己整既，咸咸地，點飯捲食一流！雪櫃有各式既韓國飲品，價錢同普遍店舖差不多。蜜桃溝鮮奶呢只味未試過，都幾好味！下次再黎試下其他先！

行過呢津津見到隔離開左間韓式小食，見津津好多人，所以就試下食呢間。叫左個炸雞同魷魚鬚。估唔到都幾有驚喜喎！個炸雞甜甜酸酸幾好食。出面炸得好香脆，一路拎返屋企一路被d香味刺激口水分泌。入面既肉都幾香，仲要有d芝麻加分！個魷魚鬚都係炸得好香。不過用既醬同頭先唔同，呢個醬甜d, 有d蜂蜜既感覺！魷魚食得出都幾新鮮。最正係佢兩個都有俾蘿白我！個蘿白係醃製既！好酸好脆，咬落去chok chok聲既！好喜歡旁邊仲有呢個櫃賣飲品同泡菜。下次可以就咁買蘿白