半島酒店大堂茶座

營業中

休息中

之前係半島酒店大堂茶座試過下午茶，今日第一次黎呢度食晚飯。大概兩個星期之前打電話訂位，只係星期四居然要waiting，而結果係wait唔到。於是再打電話問餐廳服務員先話原來遲15分鐘就有枱，點解唔早少少講？真搞笑既訂枱服務員......訂左晚上7點15分，最後6點45分已經有位，其實都無人。麵包籃有3款麵包，分別係圓硬包，芝麻果仁硬包同rye。麵包微暖，全部偏硬，質素真麻麻。Rye入面就軟d。芝麻果仁硬包既芝麻味就幾香。牛油無特別造型，不過好滑。快樂生辰獎賞餐牌有三道菜，包咖啡或茶。每位$528加一。第一道菜4揀1，湯要加錢。4道菜分別係：章魚沙律配烤時令蔬菜、橄欖、羅勒松子醬或羅馬蕃茄及甜椒湯配意式面包脆條或傳統法式肉批配醃磨菇、青菜沙律或龍蝦湯、香草忌廉 另加 $98章魚沙律配烤時令蔬菜、橄欖、羅勒松子醬章魚4片，加左醒胃沙律汁，好開胃又唔韌。下面墊有意式青瓜，意式黃瓜同茄子各兩片，好食。上面鋪上沙律菜同菊花瓣就有d苦。外圍羅勒松子醬好味。傳統法式肉批配醃磨菇、青菜沙律傳統法式肉批一大塊，都厚身，凍凍地，食落唔膩，不過唔係滑個d，肉味唔濃，作為前菜都唔錯，不過真心無特別。伴有少少沙

今年生日男朋友預備左生日驚喜俾我，偷偷地帶咗我去尖沙咀嘅半島酒店食晚餐。🌸一入到大堂已經比富麗堂皇嘅裝修吸引🌺現場仲有live band，浪漫高雅氛圍感十足。侍應貼心有禮，上菜及時又幫手影相。食物上到嚟影出嚟都十分高級，配合大堂整體燈光偏暗富情調。🍸🥂原來生日有set dinner menu😍整體而言食物質素，就連水都係貼心嘅熱水。前菜我叫咗凍黑毛豬批，10分香糯易入口，男友叫嘅係南瓜湯。我主菜叫咗烤焗鱈魚，魚肉滑嫩新鮮，10分推薦。甜品我地叫咗朱古力撻，係香濃嘅黑朱古力，鍾意食朱古力㗎你千祈唔好錯過。紅絲絨蛋糕味道都幾特好味😋另外酒店仲送咗個生日蛋糕俾我哋影相之後拎走🍰🍰非常窩心。最後飲品叫咗熱奶茶，係經典嘅英式奶茶，慢慢斟住飲，別有情調💕最後埋單兩個人晚市都係$1000左右，整體體驗很好，推薦給想為另一半慶祝生日嘅你。💗💗💗(ps：酒店方面完全冇檢查過身分證嘅出身日期，官網寫住要生日正日惠顧先會有生日蛋糕送贈）

半島酒店大堂餐廳下午茶很出名，原來晚餐也甚為精彩，晚上氣氛比下午更好，燈光柔和，古典高雅，加上一流服務及美食，還有現場音樂獻唱，真是超讚。近來有生日晚餐promotion ，送生日蛋糕，價錢合理，有機會要一試。

今年生日半島有生日優惠套餐，指定西式套餐，每位都係380蚊再加一，緊係要黎試下，兩人以上仲有生日蛋糕送。半島既氣氛係無得輸，建築係以前英式風格，現場仲要有樂隊表演，餐具都特別靚過人。晚餐有前菜、湯、主菜同甜品。餐前麵包有三款。簡單的前菜。這個湯係甘筍湯，非常好味，好濃郁。主菜牛柳比魚柳好食，牛柳邊的薯批幾特別，一層一層的。食完主菜會有職員拎蛋糕出黎，今次係朱古力蛋糕，入面既類似厘子既生果係浸過酒的，食落好勁酒味，職員仲會比把好靚既刀你切蛋糕。最後仲會有甜品，朱古力球比蛋白霜好，蛋白霜有點似小時候食的花塔餅，沒什麼特別，朱古力球就有濃郁既朱古力味。最後最後仲有餐茶，餐具就係靚，慢慢品嚐最後既檸檬茶再聽聽現場既音樂，就係生活態度。

朋友十月生日，說半島大堂餐廳有生日晚餐優惠，四人送一人，另送生日蛋糕🎂 每個 dinner set $ 488 (未計加一)，以咁有名氣嘅半島 ，真係唔算貴。😊 所以決定試下。😋 侍應嘅服務態度係好好嘅， 古典嘅環境亦非常舒適， 氣氛一流👍 幾個閨蜜，喺咁優静的地方傾計，真係感覺唔錯。 半島啲餐具同裝飾都好精緻。☺ 食物味道都ok嘅。