城中鴨子

營業中

休息中

Walk-in等位約20分鐘就被安排進户外高台區(職員係咁形容哩區)，一打開門真係俾個景同氣氛震撼到😙飲品叫咗蝶豆花梨子梳打，算係正常發揮，記得飲之前要攪下佢。對上一次食哩間嘅片皮鴨應該係疫情前，隔咗咁耐品質依舊👍好欣賞佢啲皮係脆得嚟無乜脂肪。佢嘅餅皮都好細心係餅、紙，梅花間竹咁擺，唔想整污糟手嘅人可以全程隔住張紙包嚟食，絕對係福音😇四季豆係有啲辣，不過好惹味😋雞絲粉皮都有輕微辣，四小碟係可以一次食到幾款食物，不過感覺一般。咕嚕肉屬於正常水準🙃生煎包幾好食，佢個底係煎到脆，咬開係熱到噴煙同有湯汁😝墨汁好少配搭中式食品，係比較新穎，不過味道比較淡。

自從冇左海港城優惠券呢間都唔洗再大排長龍，基本上平日晚飯時間等一陣幾分鐘就入得！片皮鴨1隻 $380★★★☆☆北京填鴨需要時間整，最好一坐低就點，之後先慢慢點其他菜。呢到完全分開左淨鴨肉同淨皮，唔會有皮連肉。外皮烤得幾香脆，帶油脂，全皮冇帶肉，偏向油膩，一定要包埋肉食先得。鴨肉冇味亦冇鴨香，肉質鞋口，如果淨食佢唔掂。薄餅夠熱，厚薄適中，連埋蔥絲、青瓜、甜麵醬、鴨夾埋一齊食味道正常，唯一係個鴨肉出事。麻辣水煮魚片 $298★★★☆☆見每枱都叫，忍唔住又叫埋一份。用左魚柳而唔係魚片，急凍貨用哂生粉醃過所以食落係好滑口。魚柳份量多，夠麻同夠辣，食落入味之餘夠惹味，加上有少量配菜金針菇、萵荀、薯粉片，索哂個湯汁一流。味道唔差，但呢個價錢應該用番魚片。霸王雞丁 $128★★★★☆新鮮熱辣炸，夠哂香脆同麻辣，雞肉夠咸夠麻但又唔會炸到太乾爭爭。但雞肉份量太少，巨多辣椒，呢個價錢唔係幾抵食。小籠包6隻 $98★★★★☆小籠包皮算係薄身多汁，湯汁偏向清甜唔油膩，肉餡肥瘦肉各半，一啖一個啱啱好。生煎包5隻 $98★★★☆☆小籠包個包底煎得夠脆，但個人略廉個包厚實左少少，肉餡都比較少，肉汁唔多，做唔到爆汁。

平日午餐時段，海港城尖沙咀店沒有訂座服務， 全店滿座， 但上菜速度都好快， 客服人員也很親切有禮，每款菜式份量適中，味道都很有水準。有加一服務費，但没有茶芥收費，值得一讚。

1744網上攞位，1745已經領取曬d籌好彩既後果就係要等到8點先可以入坐等咗兩個幾鐘，入座後職員告知天雨關係不開放戶外座位，所以先今日要等咁耐🥲🥲🥲慶祝母親節，媽咪食得好開心🥳半隻烤北京填鴨普寧炸豆腐！必食係鄉下既味道🥹🥹🥹4人埋單扣埋coupon $600幾咋！

今晚等左個半鐘先入到席😵‍💫勁餓！ 叫左半隻鴨，麻辣大盤雞，生煎包，同蝦仁炒飯 炒飯幾好食 好乾身盤雞就肉比較小 骨多 鴨就包埋d料食一如以往咁好食😝生煎包都好推薦 ， 煎到個底脆脆 ，入面都好多汁可惜既係服務麻麻地 由食飯到食完叫左幾個侍應拎bb椅， 都話要等陣最後食完都無拎黎😵‍💫呢一點就要改善下會好d環境就唔算話好舒服 可能因為坐門口位啦😆😆

手上有一點點商場嘅餐飲卷，無理由唔食嘛！今日就到城中鴨子🦆。兩點半攞位，好好彩即時有位唔洗等黎之前已心中有數，片皮鴨必食之後再叫左生煎包同淮揚嫩雞煨麵，但原來2:30開始有下午茶最後將麵轉左做下午茶比多$10就可以多杯飲品，叫左蝶豆花雪梨梳打，C9 本息朋友就叫左杯唔記得係咩綠茶特飲。先黎片皮鴨，鴨皮片得好薄，唔肥，脆脆地，鴨肉唔靭，好柔嫩，而用來包鴨皮果塊皮都好軟熟，熱辣辣配上新鮮嘅青瓜，醬汁，整件片皮鴨包真係食唔停再黎生煎包，嘩！呀！包皮唔會好厚，入面有好多肉汁，包底煎得脆脆，要好小心咁食，細細啖咬個窿，飲左肉汁再咬個包心急食隨時會淥親淮揚嫩雞煨麵，黎到好熱，所以我地繼續食之前嘅嘢，放左一陣再食時，麵已經變林左，而湯底又清淡如水，雞絲又少，勁失望我杯碟豆花雪梨梳打都沒有太大驚喜最後叫埋碗雪糕楊枝甘露做結尾，反而有驚喜喎，楊枝甘露唔會好甜，入面嘅西柚加好似西米嘅嘢好好食城中鴨子整體唔錯，下次一定會再試其他嘢原來今次有啲嘢食同飲品都唔記得影掛住食，分享唔到！

見4月做緊半價優惠，特意走嚟試試片皮鴨。我哋六點半入座，七點三左右開始要等位，門外買外賣嘅人居多。片皮鴨等了45分鐘😑唔知係咪冷氣同風扇一齊開關係，好快就凍， 鴨皮有部分比較肥(我覺得有四分一都比較肥), 上年去廣州食過片皮鴨令人留下深刻印象，但呢隻唔算好大驚喜。擔擔麵都係一般般，唔係湯底問題，而係面唔夠彈牙， 比較失色。我覺得黑松露露筍炒百合比起片皮鴨同擔擔麵都較出色。 至於生煎包都做得唔錯， 生煎包滿載肉湯， 上枱時熱辣辣， 包底脆卜卜。係價錢唔夠吸引， 片皮鴨雖然半價但係其實唔係咁多。