小南國 (已結業)

早一日訂枱個時講左話有小朋友同大肚婆...哈哈佢個走廊既玻璃半獨立偏廳我地...都幾好...只係空氣唔太流通...坐耐左有少少焗野食算係上得好快呀...一個接住一個...除左個炒飯同年糕真係一般過一般之外...其他個D都唔錯....最鍾意食個個生煎包...咬落去仲有好多肉汁芝麻餅就真係比較貴...$88/個...而且一定要即上即食...紅燒肉齋食會好肥...所以可以另外叫一個荷葉形饅頭夾住佢或者係坐偏廳既關係...叫伙計落單同加水要等下...畀錢個時真係要對單...我原本BOOK10人...結果9人到...但張單冇埋到照收10個錢...要佢改單隔離枱叫左啤酒...但入錯單去左我地個枱...又叫佢改...

牛年既第一餐開工飯選擇豪D對自己好D黎到小南國,一路標榜住貴野相信都唔會差得去邊,今次係第2次食哩間分店既小南國!!!同事一行五人無特別野好想食,又唔知咩出名,所以就隨意order左好多點心,好多好多點心!!!生煎包係我覺得最好食既,煎得剛剛好,又唔油,D肉既量又o岩o岩好,有少少肉汁,又唔係太大粒,好o岩食!!!紅油抄手唔食得辣,只要唔係太辣我就會覺得好味,哩度既辣度剛剛好,加D芝麻都香口,好味~!!!X子鬆睇到賣相以為幾好就order,點知食落無咩特別,好似食緊D梳打餅包住D肉碎咁樣,只屬一般!!!小籠包黎到哩類食肆,小籠又點少得,乜小籠包唔係要皮薄架咩?哩度既小籠包好厚皮,同一般食既小籠包既皮好唔同,似生煎包o個種包既皮,唔算好食,但好彩熱食搭夠湯汁還可以~蘿蔔酥好食過一般酒樓既蘿蔔酥,幾鬆化,幾多涵,但一份得2個,太少太貴,唔值~素鵝對齎類興趣不大,點知又幾入味幾好食~!!!蔥油餅愛食蔥油餅既我,見到哩度既蔥油餅真係嚇親,一份一開八,有成塊面咁大,太厚身,唔夠蔥,但滿滿芝麻對我黎講加番少少分,但同事覺得麻麻~太大份,好易飽肚!!!上海年糕以為似小海粗炒,點知完全相反,只係用菜同