樂天皇朝 (將軍澳中心)

營業中

休息中

每次入將軍澳探丫姨, 都定必同我一齊食個dinner。今晚去咗附近一間上海菜餐廳「樂天皇朝」回味一下招牌菜小籠包。餐廳裝修時尚, 舒適企理,先送上前菜, 自行Click order紙落單, 【小籠包 】HK$68內裡有豐富清甜嘅湯汁, 每個小籠包湯汁接近有一湯匙之多, 豬肉餡料很鮮, 絕對稱得上皮薄餡靚!【生煎包】HK $45包面軟熟, 底部煎至金黃焦脆, 餡料同樣juicy有鮮肉香。【酸辣湯拉麵】HK$75麵質同樣索咗湯汁而令質地轉林,  酸辣湯湯底足料偏杰, 辣多於酸,湯底夾集了肉絲、筍絲、豆腐等等…每條麵條都掛上湯汁, 惹味開胃又大大碗, 非常飽肚。【膽膽麵】HK$65雖然order咁少辣, 但依然覺得夠辣, 麵質偏林, 稍為索咗少少湯底, 湯底味道濃厚, 花生醬味突出, 辣辣地, 幾惹味。再配有些少花生碎增加口感層次。【檸檬蘆薈桂花蜜】HK$33凍得黎酸尾尾又少少甜, 好似飲緊菊花茶少甜似的, 蘆薈微爽帶本身甜味, 不過桂花味唔出, 但整體都唔錯, 完全可以中和到食完酸辣湯口中嘅辣。

抗疫home cook疲勞，加上家人想吃小籠包，就去樂天皇朝食早晚餐。未到六點已經有四枱客，生意似乎未受疫情影響。原味小籠包係必點的，另外還order了紅燒扣肉拉麵，葱油餅，生煎包，沙拉骨所有出品都係水準之作。特別推介葱油餅。初初家人話餡料略咸，但我發覺如果連外皮整份放入口，冇味嘅外皮中和略咸葱油餡，味道剛剛好，葱油好香。依家谂起都想食。紅燒扣肉拉麵，麵底彈牙，扣肉切片D感有D似罐頭不過都好腍好入味。生煎包爆汁似乎係standard.沙拉排骨kind of heaty,但個自調沙拉汁好得埋單$450，送一張50蚊現金券，下次滿200就可以用。葱油餅，我哋好快再見㗎喇。