昭拍耶2 (已結業)

朋友生日話想食泰國野，咁上OpenRice 搵下九龍城有咩靚靚地，又評價ok既泰國野食啦～咁就搵到呢間比較新式既泰國餐館喇～食物可以話不過不失，但人手唔多夠，長期得一個侍應做野～價錢唔平，但坐底水都無杯，要叫先有😅泰國野食海鮮成日中伏～但呢到生蝦都算夠新鮮，個醬超辣🔥👍🏻冬陰公完全唔辣，個人認為辣d會更好～叫個細size已經足夠4人飲。咖喱蟹正～好多膏，又夠鮮甜，叫左個薄餅點咖喱，但得4小片🙈份量太小。菠蘿抄飯同生菜包都普普通通，唔太好坐，冷氣機有滴水問題，擔心餸菜會滴到水

其實大半年前黎昭拍耶2食過lunch,  覺得始終無昭拍耶1咁好食, 所以一直都係食開昭拍耶舊店, 但大半年後再試, 好食左好多喎宜家lunch都有3個menu, 有炒飯麵/沙律/湯河, 仲可以加小食, 連埋飲品同糖水都係$38-$62不等。今次叫左5款食物, 全部都好惹味, 食物夠熱, 打破晒上一次食既不足。黃咖喱雞配蒜蓉包($62), 一眼望落去以為好稀, 但味道很好, 完全唔辣既咖啡, 好重椰香, 蒜蓉包烘得香脆, 一流! 因為太多汁, 所以我地加多左份薄餅, 真係太好食冬蔭公湯河($45), 唔好以為細細碗, 但其實佢呢款闊既河粉份量好多, 湯底比平時既淡, 怕辣/怕香料味既人都可以食到。生菜包($58), 有d奇怪點解生菜包都可以係1個set lunch XD, 不過如果你有番幾個人黎食, SHARE 多1份當個小食又有野飲都唔錯架, 肉碎都唔錯, 生菜睇落都新鮮, 不過可能因為D香料薄荷, 有人話覺得有牙膏味,蝦醬炒飯($58), 飯粒乾身, 唔會太咸, 好香好惹味, 同埋好大份!泰式金邊粉($58), 呢個相對普通, 因為比較淡口。每SET會包汽水同糖水, 新店會相對坐得

九龍城泰國食肆多，真係好難選擇，所以都係隨機行到去邊就食到邊。見昭拍耶門口幾靚就入去試試。Set lunch價錢合理，又多選擇。所以四個人，一人一個set share 食，fit哂！第一個係生菜包，味道一流，唔太辣，生菜又多，唔駛爭！第二個係柚子沙律，柚子多，仲有落咗紅色小蝦米，好好食！第三個係炒河，呢個炒得有鑊氣，料又多，又夠辣！最後係黃咖哩雞，呢個配蒜蓉包一流！另外仲有餐飲，有椰靑，有龍眼冰~~~60蚊有咁好質素真係買少見少！