撈喜 (已結業)

今晚和太太去筲箕灣東大街逛街，行到有點累，就在附近看看有甚麼好吃的她想再吃這裡的花膠撈麵，我當然要陪伴她。地方不算很大，座位只有廿個，裝修都很整潔。撈喜豪華餐$148，原來自由配搭，超過限額要補錢，包括一個麵、燉湯、小食、生菜。鹿兒島牛柳粒，牛柳粒面煎得好香，內𥚃保持肉汁，仲有芥末沙律醬可點。魚翅燉雞，魚翅採用日式魚翅，雖然不是真魚翅，不過都幾味，燉湯清甜沒有味精，仲好多料。薑蔥安格斯撈烏冬，稻庭烏龍彈牙，安格斯牛肉軟腍。晚餐有生菜，梗係最健康啦。

自小就喜歡搭電車，今天去港島搭電車遊港島，總站是筲箕灣。肚餓了，想到筲箕灣東大街是一條食街。邊行邊睇揾好嘢食，新年流流見到撈喜已經中意，上次食過的豪華套餐是$148，就決定再次幫襯。$148豪華套餐有花膠撈蝦子麵、花膠燉雞湯、麻辣雲耳、生菜。花膠撈蝦子麵，花膠又淋又滑，大件過我隻手掌。花菇好有口感，而菇味好香喔，蝦子麵麵質彈牙。花膠燉雞湯，湯味清甜，唔係老火湯而是燉湯，勝在冇味精喎。麻辣雪耳，用醋加上麻辣油，酸辣得來又爽口。吃埋個生菜已經好飽了。

我在筲箕灣出世，BB嘅時候喺筲箕灣讀BB班。有時都會search下筲箕灣有乜嘢好嘢食，見食評寫得唔錯，相片又靚，花膠、海參大大件，所以即刻要来試吓啦。好彩有訂位，6：30已經爆滿，原來只有星期一至四可以訂位，五、六、日就要等位。我們走時門口仲有7、8個人等緊位，因為鋪位內只有十幾廿個位，所以建議早些去。我們要了一個套餐，有花膠撈蝦子麵、魚翅燉湯、生菜、豬頸肉，都係148咋。花膠撈蝦子麵，花膠又淋又滑，有我半隻手掌。花菇好有口感、菇味好香喔。蝦子麵麵有啲彈性，蝦子好鹹香，份量好多兩個人都可以夠食。魚翅燉湯，材料有瘦肉、紅棗、杞子、雞腳、翅邊，湯味清甜，冇味精喎。豬頸肉烤得好香，伴有芝麻醬，都幾好味。另外追加安格斯牛柳（有10粒）都係$48，外皮煎得好香脆，而內𥚃牛味十足。