YAMA (裝修中)

沉日去左沙田帝都酒店新開既和食居酒屋YAMA食飯，見到吾少blogger都紛紛推薦，今次就去左試個晚餐。餐廳職員態度友善，一坐底就即刻過來打招呼，我地就叫左個set dinner試試。餐廳比我地想像中闊落，環境幽靜，行modern路線，有bar枱area，可以睇住師傅煮野食，好似真係去左日本既感覺，very nice!野食方面，打頭陣有生蠔伴酸汁果凍，生蠔非常肥美，同埋個果凍一齊食，感覺好清新好開胃。而中吞拿魚腩同吞拿魚牛油果他他配最中餅都好好食，完全係高水準既日式前菜。之後就到左餐廳主打既爐端燒串燒，聽聞係用左城中罕有既備長炭爐端燒炭爐，我地食個幾串串燒真係有帶出炭香味，好香口！重點推介既當然係餐廳招牌名物 “山” 吉列和牛三文治，用左鹿兒島A5和牛，加上師傅既秘製醬汁，食落口好夾好惹味，食到停吾到口，超正！最後當然吾少得（女人最愛）既甜點，今次set menu既南瓜椰子奶糯米糍，椰味香濃，配埋煙韌既糯米糍，好快就食曬！Yummyyyy值得一提，餐廳既招牌cocktail「一期一會」都幾特別，用左日本綠茶去調配，幾好飲。

去開沙田覓食，偶然發現帝都酒店新開既日本餐廳 YAMA⛰️  餐廳裝修走悠和路線，俾人一種舒服放鬆既感覺😌，仲有個Open Kitchen 可以睇住廚師準備美食佢地既set menu 好適合有選擇決難既朋友 (小朋友先做選擇，我全部都要😎)頭盤既刺生、生蠔🦪 肥美又新鮮😋海膽茶碗蒸，唔好睇外表好似平平無奇，內層仲有滿滿既海膽 👅👅👅 另外, 值得一讚係，侍應每上一道菜都會主動為客人介紹該道菜式呢個價錢，無論環境、食物同服務都好好。性價比非常高 !!! 👍🏻👍🏻👍🏻

之前有朋友去帝都酒店staycation，見到而間新餐廳開幕，正好可以同太太去慶祝結婚周年！我地大概夜晚7點到，可能由於新開張既關係，餐廳唔算多人。職員態度好好，特別安排我地坐係Bar枱，可以睇住日籍廚師煮野食。最深刻既係佢地隻生蠔，好大隻好鮮味，上面配上Jelly狀的醬汁，咸咸酸酸咁，連我唔太中意食海鮮既都忍唔住叫多左一隻。而主食方面，佢地既串燒同吉列和牛三文治都好吸引，聽員工介紹，話串燒係用備長炭即場燒，食落好有bbq feel作為一間居酒屋，飲品緊係唔小得，職員推介我地試左餐廳既signature drink 一期一会，睇落好似綠茶，飲落真有淡淡既綠茶味。整體泥講，成間野都唔錯，食材好新鮮同埋有種食緊粉子料理既feel，一定有下次