金潮榕火鍋刺身專門店 (已結業)

今日放工同班老友去西九shopping, 行完街更係搵野食, 平時係深水埗一定去金潮榕打邊爐, 但係哩排天氣真係太熱, 打邊爐好似唔係好夾, 醒起哩度除左打邊爐仲有生蠔同刺身食, 於是打去訂位, 又好好彩有位, 可能係夜晚9:30既時間! 入到去先叫D小食~有炸蝦餅、 酸薑皮蛋, 跟住見到生蠔6隻都係$198, 有幾款唔同選擇, 叫左一打, 侍應仲教我地邊款食先邊款食後, 我個人最鍾意係Gillardeau, 好重海水味又好重蠔味~正 , 我地仲叫左剌身拚盤同花竹蝦刺身添 , D花竹蝦好新鮮好爽而且好甜! 同埋叫左2隻星洲胡椒蟹, 好食到不得了, D胡椒味又香, 又有鑊氣, 哩度D食材真係樣樣都好新鮮同足料  所以成為我們的飯堂之後侍應仲同我地講今日返左件靚牛肉, 我地D牛肉愛好者聽到已經流口水, 最後都係忍唔住要開爐～叫左個花甲鮮魚湯, D湯真係好鮮甜, 仲唔腥添, 飲左2碗  跟住更係食牛肉啦, 果然侍應無講大話, D牛肉真係好得, 好有牛肉味

每年新年打後例必舊同學敍會, 今次共有12人, 有人想食日本嘢, 有人想食海鮮, 有人話去打邊爐, 於是上openrice睇睇, 見到一間叫"金潮榕"火煱刺身專門店, 位於深水埗, 於是打去訂位 當日係星期六, 訂咗6點半, 入到去望下周圍環境都ok, 干干淨淨, 見到店內有一海鮮魚缸, 內裏有象拔蚌, 游水魚(幾款立魚及章紅魚……), 蝦, 蟹, 鲍魚, 另一邊刺身柜仲有生蠔, 活北寄貝, 三文魚, 海膽！估唔到店子小小有咁多選擇 。 坐底發現有我至愛嘅生啤(Hoegaarden)叫杯嘆吓先 ，人到齊, 個個慶高彩烈地選擇食物, 眨下眼, 成枱都係嘢。樣樣水準都ok, D侍應都好nice, 一個鐘已經把枱面d嘢食光 , 最值得我們推介嘅係佢地d刺身, 兩條立魚上到枱仲响到郁 (好新鮮), 另外生蠔極新鮮肥美, 北寄貝刺身 (鮮甜), 花竹蝦刺身(爽甜、正) ! 另外仲有本地手切牛肉(灼幾吓即食~牛味重)及芝士蝦丸也值得一讚(一食已知自家制, 又彈牙又爽) 用足料, 超好味叫咗3碟 , 大家食完都話這家店有水準, 難怪見到好多係熟客幫襯！(一分錢，一分貨，值得的，金潮榕 ~

我好鍾意打邊爐架，上星期見到朋友仔去左呢間金潮榕，朋友仔又不斷傳食物相俾我睇咼，令我好有衝動去，所以決定去試下。由深水埗地鐵站行5至10分鐘就到，我地一行9個人，好彩訂左枱星期日七點幾，入到去睇到下層滿坐，意為要等，原來仲有上層架。跟住侍應帶我地上上層，行上去之前，我見到有個玻璃魚缸，有蝦魚象拔蚌，隔離又有個玻璃櫃排埋d生蠔，睇落幾新鮮咁，諗下食邊樣：D上層都有幾張大枱，我地被安排在一角，幾好架，因為我地成班人好嘈！個個都爭住畫野食，咩都叫黎試下。首先叫左象拔蚌剌生，生蠔，皮蛋酸薑，鴨舌象拔蚌剌生-有條有片，爽到爆又鮮甜生蠔-好有海水味喎，完全唔需要加檸檬皮蛋酸薑-一定要食，無異味鴨舌-好似有小小酒味，唔通自家制？湯底-胡椒豬肚湯，小小辣手打墨魚丸幾彈牙，叫埋芝士蝦丸，雲吞內有蝦，豬肉條豬腳根要烚耐d好林仲要點埋芝麻醬食架。羊肉片好羊味呀，炸竽頭可即食或烚黎食蟶子王加粉絲烚10秒食得，好甜好爽喎。牛皇拼盤正到不得了，一見到個樣，個個都爭黎影相，侍應仲專登介紹各層係咩種類的牛同埋烚既時間，白色的叫牛白肉烚8秒，入口即溶，還有安格斯牛肉粒越烚越林，大家一人一片好快食哂，無牛不歡，所以再叫手