Knutsford Steak Chop & Oyster Bar (已結業)

難得今日收早，約左朋友出尖沙咀食飯傾計但又想搵間舒適的bar坐下，知道諾士佛臺果邊好多，於是我地就行過去果邊搵野食，行行下看到有間oyster bar好似又幾吸引wo ~呢間bar好有情調，燈光柔和坐位寬鬆，又有柔和的音樂。即場有live show有兩個人系度表演。叫份牛扒可以免費拿生蠔，於是我地就點左一份牛扒，店只好細心幫我戴上手套以免拿生整親，我一手竟可拿到六隻生蠔好happy。生蠔好新鮮鮮甜，好滑溜好juicy😋西冷點左五成熟，肉質好淋，好重牛味，份量十足，薯條好新鮮。鮮帶子露筍忌廉闊條麵，好大粒帶子好彈牙好鮮甜，闊條麵夾著好多蟹肉和忌廉汁好濃郁的味道。

當今日大部分人到長州湊熱鬧睇搶包山之際，我選擇約朋友岀尖沙咀食嘢先，行到諾士佛台俾張海報吸引左我呢個蠔癡😅嘩~~~一手新鮮生蠔點左份扒就可以試下一手可以攞到幾多隻我一手攞到四隻蠔，好香海水味，肉質爽，好想另再 order 生蠔，但可惜得我一人食，唯有下次再嘗鮮帶子蟹肉露筍忌廉寬條麵，帶子好大粒，夠新鮮，每啖寬條麵有蟹肉同忌廉夾雜住，好有層次感美國頂級牛柳，有成 10oz ，好大塊好厚，牛柳好淋，有牛肉味，薯條新鮮熱辣，配茄汁有好氣氛適合一班人聚會

今晚同女友黎這間oyster bar食晚飯，入到去已感覺高級同浪漫既氣氛。地方很寛闊，完全冇侷促既感覺，環境很清潔。惠顧牛扒主菜就可以一手拎蠔，結果拎左5隻生蠔新鮮，有少許鹹味，肉質唔錯，中上貨色飲品方面，叫左Secret Garden & Budweiser , 啤酒就不講了，Secret Garden 類似fruit Punch , 甜味夠，易入口，岩晒我地最怕酒味太重既人法式麵包夠熱夠脆，配上牛油當餐廳小食都幾好。進餐途中，會有小提琴演奏，很浪漫呀烤雞配上特製醬汁，再加上清新蔬菜，感覺很新鮮。西冷牛扒肉味夠同鬆軟，肉汁很多，好食今日晚餐有生蠔，牛扒等美食，加上頂級既環境，$771 絕對係合理價錢

早早就上openrice搵可以有好野食好氣氛的餐廳，有好幾間都合心意，最後決定這間有中文MENU的，去到先發現原來是3樓，要通知openrice改下。環境唔差而且耐唔耐有人演奏，部分職員識廣東話，對於本人真的合晒要求，至於食物。。。先來個生蠔，因為得3個人食，我們叫了American Pearl USA和 Majestic Ire 各3隻，職員會介紹先食隻右面淡味點的Majestic（如果無記錯），的確是淡淡的海水味，鮮甜肥美飽滿，而另一隻則較重海水味，一樣飽滿，食完這兩隻生蠔後，我們都對之後的食物有所期待。餐包香脆，而且幾大塊下餐飲到，4款無酒精的果汁梳打和嘉士伯。香檳忌廉汁好味到可以當湯飲，可惜有少量死蜆無開殼，而且蜆肉有點過熟。沙律加上果醋十分開胃，帶子刺身新鮮。田螺是小弟十分喜歡的，加上薯蓉十分好味。肉排十分嫩，茄味重的醬汁，加上脆口薯條。香氣十足的海鮮是咁多款食物中最失望，原因是過熟，不論青口，蜆，龍蝦，蟹，蝦，帶子，同名一樣“干”，而且干到硬的地部，感覺有點浪費咁好的海鮮。最後羊鞍十分嫩，如果羊騷味再重點就好。結帳，我們5人平均每人五百有找，價錢合理，而且因為媽媽生日，我們

今日女朋友生日,我地去咗諾士佛臺呢間餐廳!坐低無耐,佢地介紹咗個$198半打生蠔送紅酒1杯,女朋友鐘意食生蠔,我當然叫嚟試下啦,啲生蠔都幾新鮮!之後主菜我地叫咗一個T骨同一個肉眼,大約$2XX一個,味道都幾好!食完嘢我地轉咗張枱仔坐低飲杯嘢,都係自己衰,無準備生日蛋糕,唯有叫個cappuccino cheese cake頂當,我同服務員講話女朋友生日,可以加支蠟燭嘛?! (OK) 意想不到嘅事發生喇,佢拎出嚟嘅蛋糕除咗蠟燭外,竟然仲有一支噴火花嘅煙花,超靚!!!!!!我同我女朋友見到都好開心!!(最衰影唔切相!失敗!)之後埋計大約$900,我覺得都合理,因為佢地送咗一個用錢買唔到嘅快樂俾我女朋友!Thank you!!