The Continental

營業中

休息中

今日難得同媽咪一齊放假所以預先book定呢一間聲稱「要早一個月先book到嘅餐廳」餐廳嘅環境優雅都好岩成班姊妹黎傾下計不過用餐時間得一個半鐘時間都幾迫切🙊我同媽每人叫左個brunch set 價錢相當合理咁我就加錢嗌左生蠔同牛扒亞麻籽餐包普普通通牛油好濃既香草味媽咪第一道couse嗌左 tomato salad好新鮮好甜仲有黑醋調味 相當滿意既開胃菜而我既選擇睇黎真係唔夠經驗前菜加左60HKD食 oyster新鮮 但無蠔味 好淡好淡海水味可能好適合初嘗生蠔嘅朋友但係同我 expect差太遠跟住到主菜我媽咪嗌左火雞卷佢話味道不錯卷入邊仲有雞肝 味道都好夾跟住到我嘅主菜係加咗錢嘅牛扒🥲真係同我預期差太遠我本身嗌左medium rare 覆完單黎到都係俾咗medium well🥲薯條係幼薯條 無咩味但係菜真係好新鮮 仲加咗甜甜地嘅糖漿但係牛扒真係太差🥲好un 好似burn過咁最尾我哋兩個都嗌咗waffleWaffle 係簿身 但係外脆內軟大大嚿忌廉入面仲有菠蘿肉叫做係我三個course入邊最好食嘅一個整體來講 環境幽雅但係食物品質非常一般又或者係我嗌brunch set太平所以質素無咁好如果

8月29號晚 我連同屋企人到此餐廳食飯及點了生蠔 但當生蠔一上枱 居然有一條生昆蟲不停在生蠔上旭動 我馬上同伺應了解及向女伺應說 要report比 supervisor 及Manager知道，及後進餐已經超過一個小時有多，沒有任何一位主管來了解 我想最低限度都要說聲 "唔好意思" 我再向伺應要求要主管了解 才有一名主管來到 但解釋是"生蠔係會有呢啲微生物" 本人及家人相當驚訝，我知道所有食物本身有一定程度污垢 但就係因為餐廳會負責清潔及處理 客人先可以安心食用 一定唔會解釋比我聽好似好正常 唔通真係食豬大腸要有屎係裡面先叫正常?！因為本身佢係有屎嘅 我對呢間餐廳服務及清潔度好失望

之前已經同朋友你食過。用eatigo 訂位會有折。環境非常之好， 燈光暗暗地好有氣氛。 亦都幾浪漫。上次黎食嘅時候。真係覺得個牛扒好好味。所以今次同朋友慶祝生日， 我專登揀返再嚟呢間餐廳。其實係我自己想食個牛扒。遲點左下面嘅食物。1.生蠔。 非常之新鮮， 好鮮甜， 價錢合理。我同朋友食完之後都想再叫， 不過最後揀咗留返個胃食其他野。2.焗田螺。田螺味道唔錯， 田螺下面放嘅薯蓉超級好味。 最後我哋兩個將所有薯蓉食晒3.牛扒。真係好好食， 同上次水準一模一樣。個牛本身牛味好重，四成熟啱啱好。朋友係女仔， 都食到唔停口。4.鵝肝。呢個就一般般。5.甜品我哋揀咗朱古力souffle，同埋apple crumble 。我哋兩個都超級鍾意食甜品。估唔到之前主菜已經好好味。黎到甜品一樣保持水準。個souffle啲朱古力味好濃。依家寫食評一邊寫到一邊掛住個甜品。一定一定要試。Apple crumble 有好香好好食。 不過如果你哋下次去， 有逼住要揀嘅話，我會揀souffle .好鍾意呢度嘅環境。服務亦都非常之好。呢間餐廳。真係超級推介，大家一定要試。