鐵板一 (裝修中)

👍🏻紐西蘭牛柳鐵板餐(七折後) $104平民抵食！呢個價竟然可以係銅鑼灣dinner鋸扒，仲要大大份🤩經Openrice訂位而家做緊全單七折，好抵食！用鐵板上喳喳聲上枱，牛柳竟然有三大塊，肉量十足🤪肉質鬆軟，完全唔韌，表面煎到焦脆好香本身已經醃過，有淡淡黑椒味，就算唔點汁都夠味雖然牛味就唔算明顯，但呢個價絕對收貨😎配薯菜，另外包咗餐包、餐湯同餐飲味道：7/10性價比：9/10-️👍🏻紐西蘭肉眼扒拼龍蝦生酮食肉瘦套餐(七折後) $272 生酮Dinner Set一樣係用鐵板上，包咗沙律、餐湯、主菜、甜品同餐飲主菜係肉類、海鮮各揀一款估唔到肉眼扒咁大塊😳！邊位有少少肥膏同筋連住呢款牛味相對濃啲，肉質有彈性，唔會太乾身，咬落都有肉汁生酮餐嘅鐵板配菜係有炒香，再吸哂肉汁😛龍蝦味道就普通，但肉質唔霉，都有少許彈牙呢個價食牛扒加龍蝦都唔會expect龍蝦係啲咩高質素，起碼叫做對得住價錢啦😬甜品可揀是日蛋糕或生果拼盤，當日個朱古力蛋糕幾好食味道：7/10性價比：8/10-️️️️️👍🏻香煎鵝肝(七折後) $69估唔到平民鋸扒都有鵝肝食🤣鵝肝表面微微煎香，一切直頭爆哂油，口感嫩滑，油香極重味道：7/10性價比：8

餐廳用左好多綠色裝飾佈置，感覺醒神。空間雖然唔係好大，但唔會坐得好迫夾。生酮食肉瘦套餐（$328），包餐湯餐包、沙津，Main可以揀一款扒類、一款海鮮類，包一款是日甜品，同埋一杯餐飲，都幾豐富👍🏻👍🏻海鮮要左三文魚柳，扒類就安格斯肉眼牛扒，有幾款醬汁揀，我揀左黑椒汁😍扒好大塊，份量多，三文魚唔會煎到過老，啖啖肉好正，同黑椒汁好夾甜品係Tiramisu，幾香咖啡味，夠creamy，唔係hea嘅甜品。好食～BG特色什扒鐵板餐（$148），呢款揀左洋蔥汁，都唔錯。當中有豬扒、雞扒、牛脷、煙肉、薯條，亦都係好滿足嘅配搭，個人最鐘意豬扒，薯條索晒啲汁好正小食要左個炸魷魚圈，岩岩炸起熱辣辣，好脆口，唔會好厚粉漿，食唔停口。