M3 Italian (已結業)

M3 Italian Seafood & Steak呢度環境舒服，比人一種好放鬆嘅感覺😀地方寬敞只要加60蚊就可以升級套餐， 套餐包括餐湯，沙律同埋甜品🌉是日餐湯加餐包🌉特濃忌廉蘑菇湯， 蘑菇味道重， 無草青味，不錯餐包非常軟熟， 好似食緊綿花糖咁🤣🌌田園沙律🌌田園沙律味道屬於酸，作為開胃菜一流， 鍾意食醋嘅朋友， 檯面有一樽可以自行加， 蔬菜新鮮爽口🎇凱撒沙律🎇凱撒沙律味道屬於鹹， 新鮮蔬菜上面係炸過嘅煙肉粒， 加上少少芝士粉，味道很夾， 蒜蓉包好脆，旁邊係芝士片，脆卜卜好好食🤤🌠夏威夷菠蘿梳打 $38 + 藍橘子青檸梳打 $38🌠夏威夷菠蘿梳打經攪拌之後會變成青綠色，味道較青檸梳打甜， 菠蘿味突出藍橘子青檸梳打味道清新， 青檸嘅酸味配合 橘子嘅甜味， 唔單止靚味道仲幾好👍🏞M3秘製烤乳豬 $228🏞烤乳豬非常嫩口， 嫩到一切就開， 好似食緊BB嘅豬肉咁嫩滑， 外皮烤到同薯片一樣咁脆， 汁同肉味道好配合，而伴碟有薯蓉同沙律菜， 薯蓉中夾雜住細粒嘅薯仔， 令到食起來更加有層次感， 薯蓉味道出色， 令人留下深刻嘅印象🌌烤紐西蘭羊扒 $208🌌羊扒七成熟， 油脂分泌啱啱好， 嫩口嘅羊肉已經

之前試過係大圍間M3食晚餐，今日就係沙田開完工，去左另一間分店度食午餐。 兩者裝修格局差唔多，都係行高尚簡約風。睇完個menu，我就叫左烤戴安娜牛柳伴炒雜菜配黑松露薯蓉 (HKD 88) 甜品要左法式焦糖燉蛋 (HKD 6)。 飲品要左士多啤梨忌廉梳打 (HKD 32)。先黎既係前菜田園沙律，七彩顏色咁，賣相唔錯。有好多沙律菜同生果，酸酸甜甜，係幾好既開胃前茶。跟住就係個主色烤牛柳，好大塊，肉汁好鮮甜，肉質鮮嫩，唔韌。雜菜夠多，薯蓉又味道唔錯，好多黑松露。至於個甜品，非常精緻，上面有士多啤梨伴碟，個皮好重焦糖味。個燉蛋口感嫩滑。個飲品味道唔錯，好重士多啤梨味。另外，餐廳仲有咖啡沙冰，沙冰，酒精類咖啡，無酒精雞尾酒,樽裝啤酒，手工啤，雞尾酒同紅酒和白酒提供。

平時好小會出呢頭食野，但拍拖總要搵D新意，就上網睇睇有咩好野食，專程黎橕枱腳。M3 Italian 睇個名都知係食意大利菜，餐廳內部佈置簡單，又不失浪漫元素。首先黎個田園沙律，清新一下，又健康。沙律菜爽脆新鮮，配以微酸既醋汁。如果食慣醋味強烈既醋汁，食客可以自行加入。另外，餐廳仲有橄欖油添。芝士煙肉焗半殼青口，芝士味道好香，配上煙肉既咸香，令整體味道濃郁。但主角都未比佢地搶哂鏡，青口係半熟狀態既質感，GOOD AR而我今日既主菜就係阿拉斯加長腳蟹意大利飯。唔止有香味、賣相仲睇得、食落又更得。長腳蟹清甜，肉質一絲一絲。而醬汁同飯既比例很好，唔會有一啖係乾既。蕃茄味道好足，甜酸很是開胃。只係分量對男生黎講可能略嫌不足，但如果好似我地咁，會食沙律、前菜，就應該差唔多。總結: 係間有誠意既餐廳，拖友們有興趣都可以黎橕下枱腳，浪漫一番