Burger Bar (已結業)

今日呢就咁啱去完灣仔會展，橫掂都去開咁近，本人妻就一於一不做二不休，帶埋老公加老媽子直接殺上蘭桂坊。。。梗係唔會劈酒啦。。。而係食美味嘅Burger!!! 今次我揀咗嘅就係呢間 Burger Bar,店舖環境都係用酒吧為主題，望落去非常有型格嘅風格，新鮮感十足。店員亦都好好咁安排左門口位俾我哋，等我哋可以一路望到優美嘅風景，亦都一路有微風吹着我哋，食得非常舒服。 即刻講返今日嘅主角，我將會介紹三個漢堡，分別係：經典漢堡、炸魚漢堡、素田園蘑菇扒漢堡。 先係講吓經典漢堡先，經典漢堡用牛肉為主角，入面加咗番茄、芝士同炒洋蔥等等，完全增添左香味。食落口之後亦都非常令人為之一嘆，牛肉一啲都冇雪味，食落口都非常之有嚼勁，肉質非常結實，相信係手打嘅漢堡牛肉。再加埋有成10嘅配料配合完全增添左牛肉嘅香味，麵包有輕輕烤過，面頭嘅芝麻粒增加左香氣。 接着呢就講下炸魚漢堡，炸魚漢堡用巨型嘅炸魚柳做主角，真係唔講得笑，見炸魚柳非常之滑口，一啲乾口嘅感覺都冇，反而食落口十分軟熟可口，配合埋輕輕烤過嘅麵包，同埋番茄生菜等等嘅配料，不只去咗油炸嘅油膩感覺，更重要嘅係幫我地一邊食肉一邊又有健康嘅生活，面

中環蘭桂坊出名多好嘢食, 近期仲新開咗間專食Burger嘅小店 - Burger Bar.牛肉漢堡當然係呢度嘅主打啦！牛扒分別有和牛同安格斯牛扒兩款, 唔食牛嘅朋友仲可以揀魚, 雞或者素食burger.我就揀咗田園蘑菇扒漢堡。園蘑菇扒漢堡 $120(安格斯牛肉、車打芝士、大燒烤啡菇、生菜、番茄、烤洋蔥、招牌特製醬、麵包)呢個漢堡份量之大, 實在誇張, 單手係絕對拎唔晒。特厚漢堡麵包塗上牛油烤成脆皮, 麵包中心出奇地柔軟, 口感極佳。大啡菇同漢堡扒幾乎係一比一咁大, 漢堡扒肥瘦比例適中, 鬆軟得嚟唔易散, 食落相當juicy, 香濃肉汁同啡菇鮮味同時喺口中爆發, 滋味無比。嚟到蘭桂坊唔蒲都要飲返杯. . . . . . . .蘋果汁啦！ 唔講仲以為嚟咗杯 whisky 添。