Aroma Dessert Cafe (已結業)

同朋友喺附近食完飯，想食個甜品，上網見到呢間有厚pancake食，所以決定去試吓。鋪頭面積小，但環境、裝修幾有文青感，啱晒打卡。不過食太飽嘅朋友們就唔啱去，因為最低消費需要每人單點一份甜品。我哋總共叫咗五個甜品：厚pancake、窩夫、奶凍、焦糖燉蛋、芝士蛋糕芭菲。厚pancake夠軟熟，不過比較偏甜蛋配埋蘋果蓉口感幾好。窩夫外脆內軟好味，奶凍唔會太甜，燉蛋就有啲失望，個蛋口感同味道都一般，芭菲嘅芝士蛋糕唔會太流但個雪糕太甜，配埋下層嘅忌廉同粟米片就啱啱好。整體來講呢度嘅甜品味道都唔錯嘅，不過一次過食咁多甜品個口食到好甜，最後要飲番杯清水。

荃灣其實好少依類獨立甜品屋，有些又連晚市一齊做，一家人想話早d食完晚飯再食個飯后甜品真係好難，因為會阻塞住人地做晚市😣甜品種類有好多💟亦唔係超甜嗰種，相當恰當😍拿破崙餅底好脆，配雪糕超正👍🏻Brownie嘅朱古力味夠濃，配朱古力雪糕簡直係惺惺相惜😊白桃冰露好清甜😘冰沙只係少少甜，加左雪糕將甜味溶在一起，甜味平衡得剛剛好😁雪糕底下係白桃加燉奶，味道清新😘甜品價錢唔貴，亦有拼盤系列比客人選擇。如果兩三個人去食甜品叫拼盤都可以一次過試幾款，真係細心嘅配搭😍