炑八韓烤 (瓊華中心)

營業中

休息中

呢排天氣落雨又凍返，又可以去韓燒喇！見到有個季節限定套限，又pink pink style野食又豐富一定要叫！盤生肉有大八爪魚、特級牛骨、春川雞腿、豬五花肉、嚴選牛胸腹同墨魚，樣樣都好大份！我地兩人食最後都食唔晒，建議三四個叫一個餐另外試多啲野會仲開心 🥳爪魚超大隻！ 豬五花肉又係好大舊，我地自己真係處理唔到😂 店員見我地咁clumsy都會幫我地剪同燒，服務一流。仲叫左個芝士豬扒炸雞，有薯條墊底，炸得好乾身唔會油，但又有肉汁夠juicy 😍 芝士好香又唔漏 ☺️兩杯都係季節餐牌嘅特飲，烏龍茶夾埋桃汁，好清新，食韓燒咁飽，飲佢就啱晒。沙冰更加唔使講，食完熱辣辣嘅燒肉飲番啖涼浸浸嘅沙冰，天作之合。韓燒來講，個人最期待嘅就係爐邊蛋，炑八既蛋係粟米芝士同埋泡菜(多泡菜果隻)，如果唔係叫咗個大套餐，一定唔會加好多轉蛋 😝甜品世界級！勁多桃肉！原個係中間，切粒係側邊。雖然冇日本桃咁甜咁多汁，但係份量都夠晒誠意！桃下面就係好香牛奶味既沙冰，又有球雪糕，超開心！圖左仲有酸酸地既桃汁，可以淋落牛奶沙冰度。

今晚去左食炑八今期新推行夢幻飄飄燒烤套餐🤤 仲有新推出既白桃系列🍑 我哋今次去左瓊華中心分店 地方好大 座位亦好寬敞👍🏻夢幻飄飄燒烤套餐超豐富 有齊大八爪魚 特級牛骨 春川雞腿 豬五花肉 嚴選牛胸腹同墨魚🦑 套餐已經包左沙律 前菜同烤爐旁邊既芝士粟米同泡菜蛋😋套餐上菜真係嚇左一跳 比想像中份量多好多 八爪魚非常大隻 放上烤爐覆蓋哂成個爐面😱 已經調左味所以好入味👍🏻 特級牛骨同嚴選牛胸腹同樣大件到不得了 炑八牛肉既醬汁真係幾出色 食極都唔夠喉 牛肉仲好juicy👅 春川雞腿有2大件 雞肉嫩滑 雞皮燒到香脆好味🐥 豬五花肉又係好巨型 呢個包生菜食就最正😆 仲有多件墨魚 爽口好食🤤 店員全程非常主動幫我地燒食物 換烤盤 加芝士粟米同泡菜蛋 真係好好服務🤩💯除左套餐 我地仲試左牛肋骨煲 入面有4-5件大大件既牛肋骨 炆到好入味好腍好正 仲有幾件蘿蔔又係入哂味🤤雖然我地覺得我地以上食左成3-4人份量既食物 但係一場泥到我地都係要試埋白桃系列 有白桃冷泡烏龍茶同白桃沙冰 飲品水有白桃果肉 好清新 同燒肉真係絕配😍 另外 壓軸登場當然唔少得白桃冰沫啦🍑 大大隻白桃同滿到瀉既白桃粒堆滿係牛奶冰上🤤

同朋友去了炑八食韓式燒烤，入到去，會有職員同你安排坐位，我同朋友坐喺靠牆邊嘅地方。炑八環境都幾大，好多空位可以比人坐。而喺枱上已放了芝士同泡菜等。最近炑八最近推出了新產品，所以去試下。點了一set夢幻飄飄燒烤套餐$588。一盤芝士豬扒炸雞，一個白桃冰沫，而飲品叫了一個白桃沙冰同白桃烏龍茶。夢幻飄飄燒烤套餐係一個海鮮同肉類嘅拼盤。豬五花肉很大條，肥瘦適中，而店員好細心咁幫我地燒同剪開啲五花腩肉。燒完嘅五花腩脆口，沾上韓式燒烤醬好滋味。而牛胸腹燒完較硬身，而且肉汁較少。而牛骨就幾好食，因為燒完後，牛肉不會硬身，而且肉汁鎖住在牛肉入面。春川雞腿，十分大塊。雞腿多汁嫩滑，仲沒有任何肥肉。大八爪魚🐙，真係十分大隻，好彩店員主動幫助，剪開巨型八爪魚。而肉質較Q彈。芝士豬扒炸雞豬扒入面怖滿芝士拉絲十分之邪惡。不過因為豬扒較淋身，沒有脆口的感覺。而炸雞🍗都是一樣，肉質尚滑，但沒有脆口的感覺。白桃冰沫份量很大，在冰沫之中，價錢是較化算。冰沬上有個大桃，這個大桃較軟身，而冰沫邊的桃粒粒相對較硬身，相當爽口。冰沫淋上乳酸醬，少許酸但很開胃。白桃沙冰同白桃烏龍茶很冰涼，沙冰之中夾雜住桃香，在炎熱下飲真係幾清涼

媽媽生日 梗係要同佢食餐好嘅媽媽竟然提議想食韓燒甘我就搵下佢放工附近有咩韓燒好食 見喺瓊華中心5樓呢間~炑八燒烤~推出咗個*夢幻飄飄燒烤套餐*見套餐好豐富 佢又推出白桃系列飲品同甜品 相當吸引 一於揀呢間 Book 定位 等埋屋企人 六點半左右就上到去 照原定計劃叫*夢幻飄飄燒烤套餐* 野飲叫白桃系列既兩杯2特飲 白桃沙冰白桃冷泡烏龍茶套餐登場 好隆重 有舞台效果😂出煙架見到套餐有大八瓜魚🐙＋ 🐂牛骨＋墨魚＋春川雞腿雞扒＋🐷五花腩＋🐃牛胸腹＋韓牛肉眼樣樣都大大件 對得起個價錢👍燒烤爐旁仲有芝士粟米＋泡菜蛋 無限添加d 侍應超好服務態度 我地食哂d 醃青瓜/蘿白 /泡菜/芽菜又會即時幫我地加 又主動幫我地手燒👍 食飯梗係要叫個甜品做總結啦白桃冰沫呢個白桃 相當好味成粒桃肉之餘 仲超多切粒桃肉冰沫底甜度適中 幼滑 食到底仲有驚喜 仲有一粒粒細細粒煙煙靭靭既小丸子媽媽飽到捧住個肚走