龍鳳祥餃子館 (裝修中)

呢日同兩個朋友諗住去佐敦搵食，去到澳牛果邊發覺條隊超長，見到隔離呢間龍鳳祥餃子館，都坐滿晒人，幾吸引，我自己本身又好鍾意食餃子嘅，就決定入去試下啦。鋪面唔大，得十幾個位咁～我哋每人叫咗個麵，再加咗餃子share～家鄉紅燒肉拌麵（$50）呢個係朋友叫嘅家鄉紅燒肉拌麵。啲肉煮得好入味同埋好腍，正再配埋下面嘅麵。不過雖然最底有啲汁，但好似唔係好夠，有啲淡味，要自己加豉油先有返啲味。京式炸醬拌麵（$40）呢個係我嘅京式炸醬拌麵，好好味！唔同上面嘅拌麵，呢個係靠啲炸醬嚟攞味。而因為有好多炸醬，所以夠晒味～仲要有好新鮮嘅青瓜，夾埋一齊食好有口感～將力推薦呀！！之後就講下餃子啦～呢到叫嘢食嘅配搭都幾多！可以叫5隻較+湯麵；可以叫10隻淨餃；可以叫嘢食追加5隻淨餃。仲有煎餃可以揀添！我哋就叫咗10隻淨餃，想食埋煎餃，就追加咗5隻煎餃～白菜豬肉餃子（淨餃）（$42）一路食嘅時候都見到餐廳嘅職員喺後面不斷包不斷包，所以好似真係食緊啲新鮮出爐嘅餃子咁！每粒餃子都好大粒、飽滿，個皮有少少少少厚，但都無乜問題～入面嘅肉好少肥豬肉，正同埋係真材實料有好多白菜！追加 韭菜豬肉 煎餃 5 隻（$32）因為想試埋煎餃，