一郎 (已結業)

呢日同朋友去左尖沙咀食🇯🇵日本過江龍拉麵🍜～鯛魚湯拉麵🐟（$138）呢款係限定拉麵，鯛魚湯清爽有鮮味，鯛魚塊新鮮🍜（白郎君）豚骨拉麵（$88）奶白奶嘅豬骨湯未食已經聞到豬骨香味，粉紅色嘅豚肉夠嫰🐷👍🏻唐揚炸雞(4件）🐥（$38）炸得好酥脆，雞肉juicy，唧啲檸檬汁無咁熱氣又開胃啲🍋👍🏻～溫泉蛋冷豆腐（$38）冰凍滑溜嘅豆腐配上溫泉蛋，幾特別🥚～靜岡蜜瓜梳打🍈（$26/枝）清甜可口嘅蜜瓜碳酸飲品，唔會太甜🥤，食拉麵係要飲汽水先夠過癮😌～消費每滿$100仲可以參加扭蛋一次🕹️～

尖沙咀又有一間新開張既拉麵店，裝修好cute，而且有部扭蛋機，有機會抽到BE@Rbrick Series 44 嘅公仔，有得食又有得玩，好開心呢🥳我哋揀咗（黑郎君）黑蒜拉麵 $98  同（白郎君）豚骨拉麵 $88，而每款麵都可以揀軟硬程度，亦可要求走蔥、走木耳絲或走味付筍。黑蒜拉麵係粗身麵條，煙靭有彈性，而豚骨拉麵幼身麵條，啖啖麵粉香，黑蒜湯底味道香甜，仲有大量蒜片，濃郁蒜香味，好順喉，而另一款拉麵係豬骨湯底，飲起嚟清甜可口，奶白色豬骨湯好美味，叉燒肉質鮮嫩，肉味香濃，日本糖心蛋口感軟綿，蛋味濃，與筍、木耳、蔥花一齊食同樣非常滋味！小食選擇唐揚炸雞 $38，粉漿唔會厚，雞肉嫩滑多汁，炸得外脆內軟，鬆脆可口，沾上蛋黃醬更惹味。另一款羽根餃子 $32，底部成塊脆脆的，肉餡料好juicy，不乾身，好味。飲品靜岡蜜瓜梳打 $26，清香撲鼻嘅蜜瓜味，冰涼爽口，好清甜。而抹茶可樂 $26 依兩個口味又幾夾，有氣可樂加上淡淡抹茶香，口感清新，爽呀！