Pom's Kitchen & Deli (已搬遷) 新店位置

講起德國，大家第一時間會諗起咩？我呢個為食鬼就諗起啤酒同埋肉腸，真係諗起都流口水。本來想放工去間德國餐廳食餐勁，點 知我有個同事話想食意大利野，我又醒起屋企附近有間餐廳可以滿足我地兩個願望，所以就帶佢黎咗呢到。同事一入到餐廳，就比隔離枱個南瓜三文魚意大利飯吸引咗，佢話好少見，而且南瓜感覺好健康，所以就叫咗嚟食。其實我個人一向唔太鍾意食意大利飯，因為覺得啲飯好硬，但呢間餐廳就迎合咗香港人嘅口味，飯既軟硬度我覺得適中，連食開意大利野既呢位同事都話好食；重點係，飯入面既南瓜同三文魚都係大大粒的，絕對無偷雞，味道真係唔錯，讚。而我當然係為咗德國腸併盤而來，併盤上有數款肉腸，啖淡肉送啤感覺一流。另外我地仲叫咗個白酒煮蜆，唔係講笑，呢個蜆湯真係正，而且啲蜆都算大隻，加埋一塊塊蒜，味道可口，如果啲湯可以用來點麵包食，都咪話唔正。

今晚係賴生既舊同事聚會，賴生stalk左屈小姐個美食list去揀左間餐廳，揀左Pom's!而屈小姐仲提左賴生上openrice download張coupon, 可以免費有1個頭盤 (薯條)環境唔錯呀，落地玻璃配黑色傢俬裝修，型格得黎望落空間感都好大，坐落都好舒服野食呢，價錢圍番130~2xx一樣main course, 頭盤小食就5x~1xx不等，中等價錢，質素都交番貨比你嫁! 加埋個環境…呢個價錢ok既接受到!唯一一樣美中不足係waiter唔太夠，成日冇水同想落order都搵唔到人今晚我地食既野如下:小食 ~1) 酸忌廉薯條(2星)- 用既係粗薯條，但炸得過左火，乾同硬得濟-酸忌廉個份量其實夠既，但冇乜味2) 德國腸拼盤配酸洋蔥絲，焗薯仔&沙律(3星)- 各款腸仔其實都幾好既，腸唔會差得去邊- 酸洋蔥絲其實個份量可以比多番dd- 另外醬料兜太細，令醬唔太夠，同埋珍寶腸就好難點到，特別係點到冇乜醬既時候3) 水牛城雞翼 (4星)-酸酸辣辣唔錯但可以再辣番dd-醬汁好夠，墊底果d沙律菜吸晒d汁超好食4) 白酒煮蜆(4星)- D蜆好大粒，肥美厚肉，粒粒都賬卜卜- 味道鮮甜，唔錯主食1)