埠 (已結業)

有人話想去太安樓掃下街，我就話想去soho east，咁一人一餐，fine🙌🏻Soho East最後揀左呢間響正西灣河碼頭嘅居酒屋——埠。呢餐係真正貼住海岸線嘅餐廳，仲有露台位，可以見到渡輪靠岸上落客。比起同朋友談心，我更鍾意響度望住個海靜靜地食野。餐牌入面嘅價錢全部都唔算好貴， 每一樣嘢都想試下，串燒上枱嘅時候有熱石爐保溫， 唔會熱到食物乾曬但係又唔會凍左，食物質素得到保持。串燒首推係白鱔，味鮮肉夠實淨，再來係墨魚腸，食出墨魚肉好鮮味兼冇味精嘅味。另外再推就係牛舌，佢有一定厚度，咬落去好多汁好鮮味，牛肉味非常之濃烈。另外一個推薦嘅小食係芝士年糕， 呢個應該係我喺香港食過最有水準嘅芝士年糕，表面係香脆，個心充滿芝士而且好柔軟。另外一個值得推薦嘅配酒前菜就係酒盜芝士， 酒盜其實係用唔同魚嘅肝臟，醃漬完之後出嚟嘅一個醬，配埋佢嘅芝士味道有啲鹹，但係飲一啖啤酒就剛剛好。本身酒盜嘅意思就係食咗呢樣嘢會令你飲多咗好多酒，所以呢個小食絕對無改錯名。👍🏻

本以為今晚要去東區法院上evening training ，點知去到才發現....無人！？原來攪錯了，下星期才對，唉....獨個兒向着海邊慢步，是一個好好抖抖的機會，讓自己放空....空住肚放空真的有些困難，此刻就被它吸引了。一個「埠」字，令我好想去遊埠。拉門而入，馬上聞到陣陣燒烤的香氣，原來師傅正在製作串燒。時間上早，環境優靜，燈光柔和，亦播放着柔和的歌曲，望着熠熠生輝的遊輪經過，很舒服。除有一排串燒吧枱外，還有數張二至六人枱，枱與枱之間有一定距離，坐得舒適。翻揭餐牌，分別有前菜、湯、沙律、漬物、海鮮、肉類、家禽、蔬菜、食事和甜品，選擇不少。******************************好特別呀！用上一個小燒爐盛載着串燒上枱，雖沒有點着火，但摸一摸內裏的石塊，是熱的！相信可保暖一會。海鮮類揀了兩款，有廣島蠔和白鱔。廣島蠔Hiroshima Oyster ($48)肉厚肥美，拿起時仲不等滴出蠔汁，好吸引！肉質鮮嫩兼爆出蠔汁，而外表有少許香口，正！白鱔Eel ($68)一串三小件，四周燒得金黃，魚皮帶些焦燶，相當香脆可口，鹹香滋味，正！潔白的鱔肉雖不算很肥美油潤，但也挺鮮嫩

今天跟老公忙裡偷閒，來到西灣河碼頭這一帶覓食。SOHO東這邊有很多餐廳，但說到最近海邊一定非這間埠莫屬。我們坐在位子上，往窗邊一看已經是海了，不說還以為在船上用餐。餐廳小小，但裝飾得很有日本風味。高櫃上擺放多款日本酒，想跟廚師有近距離接觸亦有吧枱位置。餐牌選擇很多，我們點了幾款串燒和一個主菜烏冬。白鱔由三小塊組成，燒過的鱔味道很出，邊位燒得有點脆脆亦更有口感。豚肉露筍卷由豚肉包裹著露筍卷，肉跟筍的比例剛剛好，一口吃下去口腔內同時充斥著兩種味道，筍亦能中和豚肉的油份。月見紫蘇免治雞棒雞棒口感豐富，另配上生雞蛋醬汁令雞棒香口之餘更添滑溜。京都絹豆腐一串有兩塊，豆腐面塗上特製醬汁，豆腐超級滑，完全是外脆內滑，令人眼前一亮。鍋燒烏冬以鍋盛上，烏冬又爽又滑，昆布湯底很清甜，還附上大大塊腐皮。蕨餅沾了豆粉的蕨餅比坊間吃到的結實，而且豆粉非常香濃。這間餐廳不僅是吃氣氛，食物質素更有保証。

好少去西灣河食野之前成日聽太安樓同蘇豪東多野食，今日同個朋友黎到西灣河試下呢間埠先間埠係馬頭隔離，真係無人帶去都無留意，又睇唔到入面，好神秘咁先叫左個煙薰鮭魚乾。呢個用黎送酒就very good喇食落好香魚味，有咬口，停唔到口叫左好多串燒呀！佢仲拎左海澡鹽俾我地自己調味，不過其實廚司已經調左味，可能前排節食食得好淡，依家食野唔使太重口味，所以我都無用到。嘩好認真！用左個爐慶住啲串燒，個爐只係用啲燒熱左嘅石，所以唔會overheat改變食物熟透度，好細心喎燒雞皮燒得岩岩好，唔會太燶，脆脆地好香口燒牛舌都好好味咖，少少彈牙爽口，用左少少調味就帶出牛舌嘅香味燒白鱔都唔錯咖魚係要燒先出香味，特別係個魚皮，少少燒焦，超香雞腎切得好細粒，好搞笑呢個蔥蒜牛肉最好味調味十分好，蔥蒜平衡，仲有醬汁，牛味被充份襯托出，好有層次美國安格斯肉眼厚身，都好好味咖呢個啤酒比一般生啤好飲！最後驚唔夠飽，食埋個鍋燒烏冬。入面有塊大腐皮，湯底好清新，似係鰹魚湯底。呢間埠真係幾好咖，好多細節位做得好認真，好有日本人一絲不苟嘅敬業樂業嘅態度，加油呀