老鍋台式火鍋 (已結業)

環境4分：台式火鍋店格局，中國風裝修有屏風同燈籠，餐枱分得都幾開，唔嘈，可以畀四分。衛生5分：枱面有煮食餐具同紙巾，出面自助豉油醬料都好乾淨，衛生意識強，可以畀五分。服務5分：侍應生非常好人，落單上菜都好快，一路食一路會加湯同換左Ｄ有骨嘅碟，非常整潔，又會教埋煮幾耐，態度好好畀滿分。味道5分：1)     火鍋湯底膠原蛋白美人鍋入面有原隻烏雞，粟米，膠原蛋白，人參，妃子，紅棗同冬菇，非常足料。個湯底好香好甜好濃。隻烏雞好嫩口，Ｄ皮好滑。粟米好爽好甜。Ｄ膠原蛋白好似啫喱咁好煙韌。2)     咸蛋黃炸魚皮一上枱熱辣辣好脆，Ｄ咸蛋味好出，可以唔使浸湯底就咁食。3)     台灣A菜煮兩下就食得，用雞湯底去浸淋當然好食。4)     精選手切牛肩肉全部起雙飛，薄薄一塊好易熟，煮兩煮就食得，Ｄ肉好鬆好淋又有肉味。5)     手工丸可以半份即四粒咁叫，叫左兩款佢會拼埋一碟上。白色果款係鵝肝墨魚丸，灰色果款係黑松露蝦丸，兩款丸都非常彈牙，墨魚丸同蝦丸入面加左鵝肝同黑松露都加左個香味落去，配得好好。6)     皇室魚肚好鬼爽口，仲可以索曬湯底D味，好特別。7)     烏冬叫稻庭烏龍麵，跟個罩哩

行完SOGO 行到攰，媽媽想食火鍋，搵間好坐又好食嘅火鍋，係openrice 搵到呢間評語唔錯又咁啱係附近就上嚟食啦。位置好方便，係銅鑼灣地鐵站C出口，一出對面馬路京華廣場2樓就係老鍋啦…一出有個天燈許願區可以許下願，啲老人家最鐘意有啲花臣玩下又有得影下相就最開心。火鍋價錢唔係特別貴，先嚟揀湯底先，有6款以上選擇，同媽媽嚟咁係揀養生鍋啦（$228）內有多種名貴藥材，人參，火腿老雞同豬肉精心肴製而成，果然上枱好香人參味，啲料都好多，有粟米，蜂巢凍豆腐，冬菇，紅棗，圓肉杞子等等。食火鍋點少得牛肉，我地叫左個精選手切牛肩肉（$198）新鮮又夠牛味，因為係牛肩肉，所以脂肪唔多，反而好好咬口又唔韌，唔錯。三秒響鈴卷（$68）新鮮即炸，好脆又大隻，正。鵝肝墨魚丸併黑松露蝦丸（$58）半份鵝肝墨魚丸內有一粒小小鵝肝，味好濃配上墨魚丸好爽好咬口夠彈牙，黑松露蝦丸就香黑松露味蝦丸依舊爽口彈牙。叫左呢到出名嘅皇室魚肚（$88），有8大件，超厚身，淥完後索哂啲湯好好食。最後嗌左個限量冰菜（$68）高纖低卡豐富維他命B6,感覺健康啲加上翠綠賣相好靚，淥完都好爽脆。

五月第二個星期三晚上，清涼有微雨。下班後愛吃火鍋的朋友訂了在銅鑼灣吃台式火鍋，有一後時間沒吃了，最近天氣轉冷，很適合吃鍋。火鍋店在2樓，電梯門一開就是色彩繽紛的天燈高掛，旁邊有一部點天燈機器可以讓客人隨便許願，有30秒時間在顯示屏顯示願望，瞬間好像到了十份一樣。服務員安排我們坐下後就立刻點菜，湯底選了膠原蛋白美人鍋，等大概十分鐘掀開蓋子，裡面有原隻烏雞，烏雞有滋陰補肝益腎功效，為補身上品；有豐富膠原蛋白，近件大受歡迎的桃膠，湯底以金華火腿肴製而成，配以南棗，淮山，杞子，粟米等養顏食材，非常清甜。喝完湯以後開始火鍋時間，先有咸蛋炸魚皮，炒鹹蛋黃拌上鮮炸鬆脆魚皮，香氣濃厚，可以兩食：讓魚皮充分吸收湯底，也可以就這樣吃，保持惹味鹹香。然後有冰菜，冰菜表面有如結晶一樣而得名，爽脆多水分，低卡含高營養價值。在外國的時候會買來作沙律吃，口感清爽，吃鍋的話涮一下就好，不然越熟酸味會越明顯。有本人最愛的皇室魚肚，與一般魚肚不一樣的是，這裡的沒有油炸味，吸湯力比冰豆腐快幾倍，口感綿密，撈上來之後可以放涼一點一口吃更爽快。點了一份精選手切牛肩肉，油花分明，肉質紅嫩，入口牛味濃郁，兩人一份剛剛好。丸類點了半

8半晚餐，逸園搭上3樓，踏步迎面是一牆明星到此一食照。好感度提高，信心保證吧。邊爐環境氣氛一直在改變中，台式的也不斷加入中國場景，邊爐也可以食得有格調。飲住杞子杭菊露和沖繩黑糖烏梅汁，再點菜。主打膠原蛋白美人鍋，店員介紹時候，家姐即刻點左呢個鍋。材料的確好足：有桃膠、烏雞、杞子、 南棗及金華火腿老火湯底。例行，先飲個湯。前後飲左右兩碗，無口乾湯底濃又甘甜。店員其後起了烏絲雞再切件。由於煮了太耐，雞肉不滑。挑了精選手切牛肩肉，肉嫩紅潤； 長切厚身；雪花紋理清晰。滾淥十多秒，熱辣入口，牛肉鮮味出晒黎！罕見健康之選冰菜，高纖低卡，仲有維他命b6 。邊爐高溫滾熟，口感一樣爽口，水感豐富。手工丸類亦好特別，揀左鵝肝墨魚丸同埋黑松露蝦丸。丸係彈牙，食到餡身鵝肝偏鹹； 黑松露蝦丸組合味道新穎；餡料比其他台式火鍋的，都較大粒啊！三秒響鈴卷、皇室魚肚都上菜。響鈴滾三秒食得； 白糖糕似嘅魚肚，厚得張海綿，層層疊疊，一盤八件。與響鈴一樣，吸盡湯底，入味非常。寬粉條，至愛火鍋配搭。很豐富又食得舒服的火鍋。餐單如下：

裝修帶啲中國風，冷氣夠勁，一路播住啲舊歌，幾有feel麻辣拼養生鍋 ($228)湯底勁香而且足料，麻辣嗰邊有好多凍豆腐；養生嗰邊除咗又非常非常多人參之外，仲有粟米及菇，參味勁香，打之前梗係要飲返好多碗先！黑松露蝦丸+黃金咸蛋黃豬肉丸($98)蝦丸好爽口彈牙，黑松露味啱啱好，唔會過火；食豬肉丸嘅時候唔記得咗入面有咸蛋黃，食食吓點解鹹嘅？味道又幾得意，出奇地夾美國特級牛肋肉 ($218)每塊牛肉都捲得好靚，油花分布均勻，入口好juicy而且即溶，好正！極品黑毛豬梅肉 ($138)豬肉都係捲住，不過就同牛肉嘅擺法唔同，賣相有心思。連住肥膏，食落非常軟腍，豬味濃但唔臊鮮炸響鈴 ($68)啱啱炸起勁熱，咬落索索聲，索晒啲養生參湯勁好味皇室魚肚 ($88)非常厚身，質地軟綿綿吸湯啱晒！由於我哋坐房嘅關係，店員經常都會入嚟睇睇要唔要加茶及加湯，而且服務態度非常好，抵讚！

今日忽然好想食火鍋, 而且諗起有朋友介紹過依間店, 所以就約咗朋友收工黎試一試啦首先餐廳裝潢好有風格, 而且座位嘅空間好大, 令人坐得好舒服。我地就叫咗麻辣拼美人鍋。另外仲叫咗一品花鵰醉雞件$88, 鮮炸嚮鈴$68, 有機秋葵$48, 台灣萵荀$48, 厚切日本山藥$68, 蓮藕片$48, 皇室魚肚$88, 松葉蟹棒$58, 寬粉條$48。首先個湯鍋一上枱已經好香, 同埋可以睇到真係好足料, 美人鍋入面有好大隻烏雞, 玉米, 菇等等湯料, 而麻辣鍋都有好多千層凍豆腐。職員好禮貼地提議我地可以等個湯煮多一陣再飲, 值得一讚。 同埋個湯都好濃郁, 未開始食已經飲咗一碗。麻辣鍋就叫咗中辣, 唔會太辣, 岩晒想食辣又唔係好食得辣嘅朋友。近門口位置就有啲調味料可以自己調味, 值得一讚嘅係佢有蒜泥汁, 岩晒我依啲中意食蒜嘅人。各樣蔬菜都好新鮮, 特別係台灣萵荀 甜得黎爽口, 唔錯 ! 厚切日本山藥同蓮藕, 口感好好松葉蟹棒 - 蟹棒又係我次次食火鍋都會叫嘅配料, 但係依間嘅蟹棒質素真係幾好, 煮得耐都唔會煮到散晒。一品花鵰醉雞件份量真係好多, 而且雞身好滑鮮炸嚮鈴 - 真係岩岩炸好, 熱辣辣咁。