Isaac Toast (朗豪坊) (已結業)

其實之前沙田新開嘅時候已經食過，心癮起又想食，就試吓旺角呢一間，我同亞女試咗皇牌火腿吐司，雞蛋看地球同埋士多啤梨乳酪特飲，不過我覺得同我喺沙田食嘅有出入😅沙田嘅味道接近韓國嘅八九成，但朗豪坊呢間唔知係咪人多嘅關係好求其，先講吐司，牛油味幾乎接近冇🥲醬汁亦都好少，咬落去果下已經感受到有幾咁求其，真心失望😞雞蛋看地球稍為正常少少🤏🏻但個賣相都好唔靚，士多啤梨乳酪，真係似藥水味😓一心諗住止下癮，點知失望而回～希望快啲可以去旅行，去韓國親身食好過🤫

朝早打開faceook 見到兩年前韓國景福宮附近準備crossplay做韓妹果陣時仲食緊isaac 做早餐於是乎 要有幾掛住旅行feel先會收工衝去食(:3 _ )=⚑⚐゛芝士脆薯炸熱狗 $26不得不讚既係呢款邪惡之物絕對會搶左吐司既風頭熱狗配茄汁定芥辣？ why not both？ෆ  ̫ ෆ新鮮炸起熱辣辣 面頭鋪有炸薯粒 口感十足一口咬落去大量有芝士 拉絲效果做得好出拉絲拉到嘴嘟嘟 出賣埋個嘴喇我(ᐢ⸝⸝˙Ⱉ˙⸝⸝ᐢ)⚑⚐゛皇牌火腿吐司 $37即叫即整的關係 等候時間就要耐少少底面吐司烘到脆脆而且帶有牛油香內層大量椰菜絲 醬汁甜左少少 令到成個包望落厚身不過正因為椰菜夠 吐司先唔會太乾都俾到韓國感覺我既不過環境所影響 始終認為韓國始祖既係最好食⚑⚐゛愛文芒果沙冰 $29有失望到 味道偏甜而帶假膠芒果醬味

首先從未食過呢一間ISAAC，未食過韓國或者澳門嘅版本。 今次叫咗一個皇牌火腿吐司;其實都幾好食,個包烘過，不過唔係好脆， 似三文治多過似吐司。個包有少少甜甜地，裏面有雞蛋、火腿、 芝士、 生菜 (個人口味我走咗酸菜)， 覺得生菜唔係好夠，如果多啲生菜同埋爽啲，應該成個包會再好食好多; 唔係好有芝士味，如果唔係餐牌寫話呢個包有芝士真係食唔出有芝士; 如果芝士味濃啲或者有拉絲應該會吸引好多; 個包啲醬略甜， 成個包略嫌有啲濕。