甜牙牙

營業中

休息中

過咗中秋都仲係咁熱，喺旺角食完晚飯行咗陣，決定食個甜品過冷河！呢間甜牙牙相信大家都唔陌生，好耐無食，環境一樣乾淨企理；款式有窩夫、心太軟、棉棉冰、烤雪梨糖水、水果茶等，同朋友一人叫咗一款：❄️益力多棉棉冰 ($88)棉棉冰做到一層層嘅效果，入口幼滑，益力多味酸酸甜甜幾突出～配料豐富，四色芋圓有芋頭、蕃薯、紫薯、抹茶，口感Ｑ彈煙韌，就連中間都係軟腍熟透👍🏻另外加上芒果爆珠、椰果條，夾埋棉棉冰食增添口感一流！🍐雪蓮子薏仁烤雪梨 ($56)轉季叫返個中式糖水補一補～用咗個圖案好得意嘅杯去燉，好夠熱而且好足料！大大個雪梨好清甜，仲有雪蓮子、薏仁、雪耳、杞子，夠唒滋潤，食完個喉嚨好舒服🥰🔸設每人最低消費$50總結：座位比一般糖水舖闊落，喺度嘆個甜品大滿足～

食完飯，當然是甜品直落，所以選了這間甜牙牙作最後一站。我們約９點去到現場，但店裡已經坐了８成人了，說明大家的想法都是一樣，沒有甜品的晚餐不滿足！這次我們叫了一共三款甜品。榴槤小丸子西米露（５２元）這個甜品一送到就馬上聞到好濃的榴槤香味，原本以為是榴槤雪糕，怎知道原來是純正的榴槤肉，還能吃得出一絲絲的果肉，這個真的是喜出望外，好評！配料還有爆珠，西米和小丸子，加上椰子汁。爆珠跟西米差不多樣子，但爆珠咬下去會爆開，而西米是Ｑ彈的。小丸子就十分Ｑ彈軟糯。清香椰子汁配上榴槤就完全被榴槤搶味了。朋友說這個榴槤比他吃其他Ｄ２４榴槤也要香！益力多棉棉冰（５５元）原本是這個跟芒果棉棉冰二選一的，但最後因為芋圓太吸引了，所以選了有芋圓的！益力多棉棉冰吃起來很幼滑，入口即化，完全吃不出有任何的冰渣，酸酸甜甜的！芋圓方面，有芋頭味，蕃薯味，抹茶味和芝麻味，每一個都能吃得出芋圓原味，不是只有Ｑ彈的感覺，這個芋圓的質素很高！其他還有的是檸檬爆珠跟不知道什麼，味道都不錯！抹茶棉棉冰（５５元）這個棉棉冰有濃濃的抹茶味，還能吃出一點的抹茶獨有的澀味，朋友表示就算他剛吃完榴槤再吃這個也完全沒有被榴槤蓋過他本來的抹茶味，

原本諗住旺角行個圈就走，點知心血來潮想食糖水，所以去左糖水街，搵間唔係連鎖店食。我自己本身叫左益力多棉花冰，配料比一般糖水舖更有特色，有爆珠，4色芋圓，椰果條。外貌相當吸引，味道真係帶點益力多味。另外，朋友亦叫左抹茶棉棉冰及抹茶心太軟。相比下，抹茶棉棉冰比較遜色，只有個甜字，抹茶味較淡。而抹茶心太軟就有較濃既抹茶味，但最後都係太甜，如果你本身好鍾意食甜野，都值得試下。唯一美中不足既地方就係坐左門口位，而店舖keep住開門，所以都比較熱

每次同好姊妹出街食飯, 食完飯總係食埋甜品先叫完美! 宜家主打糖水舖真係愈黎愈少, 走過廣華街見到一間小小甜品舖。看看門外menu, 款式都幾合我地心水, 價錢亦合理, 就入去試試。我就揀左【益力多棉棉冰】HK$55色彩配搭令賣相更吸引, 微微煙韌既芋圓甜甜地, 中心位都係熟透, 唔會有食緊生粉既口感。棉棉冰幼滑, 入口即溶, 有濃郁益力多味, 配上爆珠+些少口感既jelly, 味道同口感一流。朋友就揀左【焦糖燉蛋】HK$42燉蛋凍凍地, 蛋味突出, 甜甜地, 口感很滑。淡淡焦糖味同燉蛋好夾, 伴有芒果+藍莓粒, 同時入口, 蛋甜+果甜, 唔錯~