韓川

營業中

休息中

當日係同男朋友慶祝拍拖半年既日子，之前就係社交平台見過呢間餐廳既芝士熔岩炸雞，一直都未有機會試。今次終於有機會啦。整體嚟講，都算係一間唔錯既韓式餐廳。當晚3個人去食，我同男朋友叫左一個韓川2人套餐，媽媽就叫左一個雜菜石鍋伴飯食（最開心係餐牌有一個素菜飯）我同男朋友都食到超飽，仲要打包幾件炸雞第2日帶飯。整個2人餐包括以下：1.真露焗蜆2. 韓川燒肉拼盤（豬+牛加+雞）3. 芝士年糕（3件）4.一口芝士（6件）5.牛肋骨湯配珍珠飯除左叫一個2人餐，我地另外再加錢叫左一個芝士熔岩炸雞至於媽媽食既就係雜菜石鍋伴飯

朋友為我慶祝生日，我們選了位於旺角女人街的韓川食晚飯。雖說是韓國菜，餐牌上比較有韓食feel的就只有韓式炸雞、菜包五花腩及泡菜火鍋。時令生蠔🦪(6隻)，蠔肉不算肥美飽滿，但亦不會太瘦削。肉質爽脆，微微鮮甜，海水味較突出。三味山炸雞，辣醬、芥末醬及糖粉三種口味混然而成，入口微甜之中帶點微辣，還有芥末香，滿足味蕾！單骨雞翼方便食用，炸得夠脆，又能保持肉汁，好吃！真露焗蜆，即焗蜆之中加入韓國燒酒，蜆的份量適中，粒粒飽滿。烹煮後，酒精已揮發，蜆肉入口不會好重酒味，而是微甜並帶點蒜香。墊底的韓式粉絲夠煙韌吸味，吸盡整盤焗蜆的精華。焗釀蟹蓋，細細隻蟹蓋釀得滿滿的，面層鋪上芝士去焗，芝味十足！餡料肉質彈牙，帶有些少蟹肉，嚐到蟹味！溫泉蛋帶子芝士湯烏冬，配料除了帶子外，還有溫泉蛋、鳴門卷及蕃茄。烏冬以熱石鍋盛載，保持熱度。烏冬面層加上香軟的Mozzarella cheese，奶白色的芝士湯底香濃，和朋友分享來吃，不會太膩。烏冬彈牙有嚼勁，帶子大隻，肉質爽口！雖然今餐有一半菜式都不是大路韓食，但食物好吃就足夠啊！

👋🏻巴掌蠔😆你食過未！！！同為食嘅朋友相聚發現嘅一家韓式料理😋 仲有烤肉肉食～ 我哋嗌咗個2人餐，有得揀哂前菜、小食、主食咁，餐set嗌咗真露焗蜆、炸餃拼盤同菜包五花腩🍖，主食就溫泉蛋虎蝦芝士湯烏冬。跟餐有嘢飲包埋就自選咗韓國罐裝桃味汽水。另外嗌咗燒蒜蓉巨蠔😋睇吓佢有幾巨😂 蠔有買一送一 先$88都好抵。 蒜蓉巨蠔一落枱勁香，熱辣辣！重蒜嘅人士一定會鍾意～ Size有我一隻手咁巨架（我隻手係男仔Size嚟😂很大一隻 比起正常女仔手大架吓）燒到岩岩好有蠔味都Juicy🤤係正嘅～ 真露焗蜆夠酒香，蜆都唔算細隻仲有粉絲墊底吸哂啲味好正😌另外個五花腩係有個爐有明火興住咁架🤩除咗食打卡出嚟都幾好睇。肉肉唔會好乾好硬有埋✂️同夾比你自已剪肉大舊細舊自己話事，跟埋芥末醬 ，醬汁 、洋蔥塊 同蒜片 ，菜都有好多塊包埋五花腩肉同蒜片加埋少少醬汁一齊食好好味又唔會有油膩感😋😋 2個食到好滿足好飽飽🤰🏼🤰🏼

同個老友約食飯，約咗幾次都唔成事，卒之約到今晚出嚟聚一聚，食乜嘢菜就由我揀，但喺地點嘅盡量就到大家，旺角咁中間點就最好啦，因為大家都好耐無食過韓國菜，近排又睇咗幾套好睇嘅韓劇，撩起食韓國菜嘅心癮，所以，揀咗嚟「女人街」嘅「韓川」。 一入門口，闢咗一角有個大梳化區，可以坐得比較多人，坐密少少十個以內都夠坐。 再走入少少嘅，就有好多2或4人枱，拼埋坐6個都得。店內環境裝修帶點工業風，配以深木色系枱櫈，燈光稍稍昏暗，令整體嚟講蠻有氣氛。 睇得多韓劇都知，啲餐廳一定供應凍水，佢哋唔興俾熱水，所以，見到枱面已備有一大樽凍水，仲有餐具、韓底甜辣醬，以及奉送嘅韓式前菜：醃蘿蔔同韓式泡菜。 食物選擇方面、有多種韓式串燒、炸雞、韓式芝士系列、石頭鍋飯、泡菜火鍋……等等。晌牆上仲有個推廣，羊肉串只賣$1 / 串，羊肉就啱晒我啦，正價要$18串，仲唔見佢話限叫幾多，不過要9:30pm後，今次坐唔到咁耐，下次真喺考慮晏啲先嚟。 但喺，諗食乜嘅時候，店員就推薦佢哋嘅「精選二人獨餐」，包一份精選海鮮、一份菜包燒肉、一份小食、一份主食、兩款飲品，定價都喺$398，計落認真抵呀，但需留意部份菜式或飲品需加錢架！此外，

跟朋友閒逛旺角，看見這間韓國菜店門面頗具特色，那就必須一戰呢我們點了一個精選二人套餐 共438元真露焗蜆焗蜆數量很多，加上粉絲襯托，令人胃口大增，而且配上韓國那些真露燒酒調味，味道更加提升，非常入味韓式炸餃拼盤 加20元三款餃子包括泡菜餃，粉絲餃及雞皮餃，餃子內餡料豐富，漲卜卜，而且香口非常，亦不會炸至焦黑溫泉蛋虎蝦芝士湯烏冬 加20元有二隻大虎蝦，加一點竹輪魚蛋，烏冬彈牙爽口，濃濃的芝士湯，香滑而不膩，加上溫泉蛋簡直是絕配韓川菜包五花腩有一個餐盤佐熱五花腩，客人可慢慢吃又不會令肉失溫，有三片大大片的五花腩，肉經過調味，份外惹味，有4款配料包括燒肉汁，芥辣，洋蔥及大蒜可供配合肉一起享用，而五花腩肉質亦嫰滑不鞋口韓川旺角通菜街27號地舖

之前已經嚟食過一次 今次再次到訪試吓其他野食~食物種類都幾多元化 有火鍋、串燒、燒肉、炸雞、烏冬、石鍋飯(((*♡д♡*)))-🍜溫泉蛋帶子芝士湯烏冬 💰$98兩隻帶子上面痴咗勁多芝士🧀️好正!!相對上個芝士湯就冇咁濃芝士味 所以唔洗怕會膩朋友話飲落似粟米湯味🤣-🍖韓川燒肉拼盤(豬，牛，雞) 💰$178配有韓式秘製魔鬼辣醬 我哋叫咗小辣食落都唔係幾辣~燒肉係預先燒好咗 再用一個爐熱住可以用生菜、蒜頭包住嚟食😋-🦪燒韓國生蠔 標準size 💰$58有兩隻 落咗孜然粉 好香好惹味生蠔好生鮮(⑉• •⑉)燒完都冇縮水-🍶真露焗蜆 💰$118一上枱就好香嘅真露味 但食嘅時候唔會感覺好重有好多蜆肉 最正係底下仲有粉絲 充滿蜆嘅鮮味同蒜蓉味！-🍇韓國米酒白葡萄味 💰$100一大枝嘅米酒 兩個人飲每人都可以飲到兩至三杯米酒嘅酒精濃度低 所以飲落主要都係提子嘅味道👅

韓川，位於旺角女人街內街既餐廳，韓國菜，店舖裝修韓味好濃，加埋啲霓虹燈，都幾靚😆餐牌好多食物相，非常吸引，睇到選擇困難，而且選擇都真係好多，烏冬、炸雞、串燒、火鍋、芝士系等等一應俱全👍🏻飲住個白葡萄韓國米酒再揀，幾香幾易入口，好特別既酒壺，風味up!👻燒韓國生蠔，標準size，中size既蠔，上枱好香，蒜蓉燒，外面係焦香葱香同超濃蒜味，入面蠔身都鮮，多汁，幾好味😘『韓瘋燒』系列燒肉，BB辣，串燒上配左自家制韓式魔鬼辣醬，豬牛雞燒熱住自己剪！🤤賣相超正超韓風，先試燒豬肉配蒜片包生菜，好惹味，肉質又嫩👍🏻燒雞肉好juicy，皮仲脆既添，牛肉份量多，肉質好嫩又重牛味，相當唔錯，仲可以配埋芥末食，好味💘真露焗蜆，上枱已經好有酒香，好多蜆，蜆肉帶酒香同牛油味，可以係咁食😗放底既粉絲先係重點！吸左蜆既鮮味，加埋真露既甜甘甜，仲有牛油香葱香，好好味🇰🇷溫泉蛋帶子芝士焗烏冬，賣相已經無得輸，芝味無敵，帶子連埋焗左既芝士，湯底都係有芝士，啖啖都有芝味，加埋溫泉蛋漿，幾唔錯😋好豐富又好有風味既一餐🥳

最近上網見唔少人推介旺角【韓川】，皆因有得食生蠔、韓國既傳統又有特色的食物，仲可以飲下酒，聚會談心一流！ 『韓瘋燒』系列🌶️⦁燒韓國生蠔 $78/隻⦁韓川菜包五花肉 $128兩款都配上韓式秘製魔鬼辣醬（小辣），如果自問食到辣既朋友仔，可以試下挑戰「魔鬼辣」，聽店員講係會令人瘋狂既一種辣🌶️‼️ 🦪燒韓國生蠔食落蒜味好香，肉質鮮嫩肥美，帶有少少辣味，非常惹味。 🥩韓川菜包五花腩有三大條，用上秘製魔鬼辣醬去醃，超級入味！一直用小火爐熱住保溫，用剪刀剪開一塊塊✂️，再搭配上蒜片🧄、芥末醬、韓式燒汁等，用生菜🥬包住食，口感爽脆豐富。 ⦁溫泉蛋虎蝦芝士湯烏冬 $98用上芝士🧀湯做湯底，配上大大隻既虎蝦、溫泉蛋、烏冬。烏冬好煙韌，虎蝦🦐彈牙爽口，仲有蛋香同芝士味，非常香濃。 ⦁真露焗蜆 $118蜆肉飽滿而且量多，非常入味。配埋韓國粉絲吸晒湯汁，好濃牛油蒜香味！ ⦁韓國米酒（蜜桃味） $100甜甜地既蜜桃味，酒味唔濃🍶，就連唔太飲酒既朋友仔都飲到。令我有深刻印象既係店員會將米酒倒入韓式茶壺🫖入面，再慢慢斟黎飲，好有韓國風味‼

臨近新年，夜晚條街周圍都好多人，好彩電話book咗19：30，冇限時。一坐低就落單，野食都好快送上。🍴真露焗蜆 $118 👍啲蜆都幾多下，食落都算新鮮、冇沙。粉絲充滿牛油同蒜蓉味，勁香。如果想要食到真露味，就要直接飲汁先會食到😂🍴韓川菜包五花腩（唔辣） $128 👍👍三大條五花腩！！睇落已經勾起食慾！調味唔知係咪有孜然粉，好香好好食。生菜都好新鮮，加埋生蒜片同生洋蔥粒，食得幾過癮但個口好臭😂我覺得送黎嗰兩個醬都幾普通，反而枱面有枝韓式甜辣醬，配五花腩仲好食。🍴三味山炸雞 $158 全部係單骨雞翼，食落幾方便，但感覺上就唔夠啖啖肉。雖然熱辣辣夠香口，但淨係食到糖粉同辣醬味，食唔到芥末醬味，可惜。下次再黎會encore五花腩～另外想試燒蠔/串燒/鍋飯😛

三味山炸雞$158真露焗蜆$118溫泉蛋豚肉芝士湯烏冬$78燒韓國生蠔$58芝士牛油燒帶子$88鹽燒虎蝦$88多春魚3條$18墨魚咀$22白葡萄味Demisoda$22橙味Demisoda$22好味指數：😋😋😋😋😋抵食指數：💲💲💲💲💲環境舒適：😌😌😌😌環境衛生：🧹🧹🧹🧹服務質素：💁🏼‍♀️💁🏼‍♀️💁🏼‍♀️💁🏼‍♀️💁🏼‍♀️推介原因：看著社交平台越來越多人去旅行，我也終於忍不住買了機票去韓國。最近一直在IG, Youtube 搜集韓國旅行🧳的資料，令我好想吃吃韓國🇰🇷菜，所以去了旺角女人街一間韓國街頭風的餐廳。餐廳環境闊落，有2層高。門口有打咭位，掛了好多有心心💗形狀的post it 及愛情鎖，就像首爾南山塔的愛情鎖🔒牆般。侍應帶我們到座位，一坐下，那張櫈好舒服😌餐廳除了有打咭位，亦播著韓國歌，好有氣氛。食物也很好。三味山炸雞是單骨雞翼，方便懶人食用。三味山炸雞加了辣醬、芥末醬、糖粉，就像同一時間可吃到3隻味的炸雞，但又出奇地夾。其他地方少有這款3種味混在一起的炸雞，建議大家試試。真露焗蜆富濃郁真露味。蜆沒有沙。不要少看那些鋪在蜆下的粉絲，吸盡真露及蜆肉的鮮味，好正呀！男朋友不停地吃，吃了超

突然之間好想食韓國嘢，我同朋友呢晚嚟到女人街搵食，見到呢間鋪頭鋪仔細細假期都唔多人食，就試下佢係伏呀定係隱世美食啦真露焗蜆清酒煮蜆就聽得多，真露焗蜆真係第一次食，佢好有燒酒同埋牛油味，仲有啲蒜蓉同埋粉絲，啲蜆都冇沙，索哂個真露牛油汁，我淨係食蜆都唔夠仲要飲埋佢個湯添韓川燒肉拼盤（豬，牛，雞）上到枱已經幫你燒好仲調埋味，有少少辣辣地，三塊扒都好大塊，有個蠟燭喺底俾你慶住keep住熱，不過唔好燒得太耐啲肉會韌同乾，咁上下就可以剪開一舊舊肉，用生菜包住跟埋泡菜蒜片點埋醬一齊食，幾好味同埋幾飽呢間鋪呢個質素我會覺得佢係隱世美食嚟架，下次搵多啲朋友一齊嚟食試多啲佢唔同嘢先#foodie #旺角美食 #韓國菜 #hkig #hkfoodieblogger #hongkonger #foodblogger

小馬話好似有段時間無食韓國嘢我梗係奉陪啦本身想去韓國街求其入一間就算不過早幾日比我見到有人推呢間咁擇日不如撞日 就去試咗先😆解一解思鄉之情🥲(O.S:我好想好想飛)一落單 店員就遞上人頭份量嘅伴菜有2款 分別係泡菜同醃蘿蔔泡菜唔算好辣 亦唔會酸 正正常常反而我哋好欣賞佢個醃蘿蔔酸酸哋好開胃 條狀又易入口👍🏿精選時令生蠔 (12隻) $198 🙆🏿‍♀️見到呢個價錢二話不說order咗一打法國生蠔每一隻都好肥美飽滿🤤而且海水味濃加埋檸檬食真係一流 夠晒清新韓川菜包五花腩 $128 🙆🏿‍♀️配上自家製韓式秘製魔鬼辣醬 (小辣)大推！！！一上枱已經吸引 盤底下用蠟燭去保溫食到最後都唔覺得凍冰冰🔥而且五花腩佢比成3大條 份量十足再加上一嚟到就放低埋生菜 生蒜 洋蔥 燒烤汁同黃芥末仲比埋夾同大較剪 方便處理五花腩剪到一口咁嘅大細就啱啱好食落香脆爽嫩 肥而不膩🐷佢燒到好香口 咬落又唔會有啖油咇出嚟配埋辣醬同其他調味 好鬼惹味我哋就比較鍾意韓國嘅傳統食法用生菜包住肉+香蒜+泡菜 之後點醬汁去食佢嘅生菜夠脆口 而且可以減低罪惡🥬食到最後無晒生菜淨食五花腩就開始感受到辣醬嘅威力後勁都幾犀利 夠晒過癮🌶真露

.📍$156 燒韓國生蠔（4隻）分別叫左原味同秘製辣醬各2隻😆本身蠔上面已經佈滿大量蒜茸同蔥花再加埋個秘製辣醬，味道真係幾豐富🤤同埋d蠔的size都比較大隻同飽滿食落啖啖蠔肉同蒜茸🤩.📍$158 三味山炸雞（辣醬、芥未、糖粉）即叫即炸，送到上枱個時仲係熱辣辣炸雞係預先分開左的單骨雞翼，食落又係啖啖肉🤤三隻味道入面，辣醬同芥未味幾唔錯，食落好惹味😍糖粉味就略為無咁重味.📍$98 溫泉蛋帶子芝士湯烏冬芝士湯真係好足料，一路夾d烏冬都有絲絲芝士湯底飲落飲似忌廉芝士湯，同烏冬幾match🙆🏻‍♀️帶子份量有2大隻，食落好彈牙仲可以撈埋d芝士醬一齊食😆.📍$118 真露焗蜆簡單的一味菜，用真露煮蜆蜆肉食落彈牙無沙，食落有輕微的真露味粉絲亦索曬d湯汁🤩整體味道偏清啖，建議一開頭先食呢個再食其他濃味的餸菜🙆🏻‍♂️.📍$100 韓國米酒白香桃味米酒飲落甜甜地好易入口！白桃味亦唔會係假甜個種呢個組合飲落幾match👍🏻👍🏻.

某日嚟到女人街覓食見到餐廳門口有霓虹燈 就比佢吸引住餐廳座位都幾多 當日平日夜晚去都坐到就嚟full最好book定位先！-🦪精選法國no.2生蠔(12隻) 💰$298一放上枱勁大盤勁吸睛❀( ⸝⸝•ᴗ•⸝⸝ )❀啲蠔都好大隻多肉 食落唔腥 夠新鮮 價錢都算幾抵食！每人6隻啱啱好-🥩韓川燒肉拼盤(牛、豬、雞) 💰$178呢個價錢食曬三款肉性價比都幾高！三塊肉都幾大舊 而且肉質鮮嫩燒肉上菜時已經燒好 唔洗怕自己燒得唔好食有個爐暖住啲肉 可以慢慢食唔怕好快凍曬~另外配上韓式秘製魔鬼辣醬 辣得都幾過癮😽-🍸真露焗蜆 💰$118第一次試用真露整嘅焗蜆 蜆肉帶有微微酒香但放心啲酒味唔會好濃而最重要係啲蜆肉冇沙！底下嘅粉絲吸晒所有精華 口感較彈牙😗-🍗三味山炸雞 💰$158炸雞係單骨雞翼 大約有7隻雞翼嘅份量炸雞炸得皮脆肉嫩 仲保留到少少肉汁😋面頭有辣醬、芥末醬、糖粉個人幾鍾意啲糖粉中和辣味~-🍻CASS啤酒6枝 💰$150除番開平均$25枝 都幾抵飲個人覺得呢隻啤酒比較甜少少 女仔都唔會抗拒😗

我自己本身幾鍾意韓國野食，尤其係炸雞同韓式粉絲！今次嚟到呢間仲有生蠔食，真係不得了😻✨芝士熔岩炸雞 - 好邪惡，睇住佢淋d熱溶芝士上個炸雞，d雞其實係單骨雞翼，疊高高好吸睛，仲有個加分位係就算凍左d芝士都唔會漿埋一舊👍✨精選時令生蠔 - 好耐冇食生蠔喇，12隻兩人share好滿足，食到海水味，蠔肉幾新鮮🤩✨韓川菜包五花腩 - 我地叫左小辣，又真係幾過癮，佢下面有火燒住保温，另外仲俾左生蒜片，洋蔥片，燒汁同芥末醬用來夾生菜食，有菜balance下冇咁辣😜✨真露焗蜆 - 蜆肉幾入味，仲有粉絲都好正，好香牛油蒜蓉味😻✨韓國米酒白葡萄味 - 米酒我大愛，因為甜甜地好易入口，餐廳仲好有氣氛，幫我地到入韓式酒壺同酒碗，好地道😂