京滬村 (已結業)

一向唔係中菜嘅fans, 但偶爾都鍾意食下京菜。食得多連鎖式嘅小籠包，今晚試下其他，搵到元朗嘅呢間京滬村。飲啖茶，食住花生等上菜！必食小籠包，餐廳有提供幾款唔同口味嘅小籠包最終都叫左classic 果款小籠包皮薄湯濃，但係個頂夠堅挺比我夾起個包，完美地啜到啖湯，完成正宗食法。非一般嘅炒菜，上枱嘅時候仲係渣渣聲d 菜好嫩，炒得好香！鐵板令到個菜冇咁快變凍，食完大半碟都好似啱啱上枱咁熱辣辣！水煮牛肉用料超豐富，個味道好有層次，唔係一味得個辣字目測最少有冬菇，雲耳，芽菜，薑，莞茜等等裡面嘅牛肉同粉皮索哂味，好刺激！另外再叫左個餐廳自創嘅石鍋蟹粉蛋炒飯兩個人叫個細嘅剛剛好！炒飯粒粒分明夠乾身，蟹粉鮮味香濃配炒飯食根本係王道！菜式選擇眾多

臨近母親節，當然要帶媽媽出來食点好東西。來到元朗食上海菜，本身期望不大。但食落就知道係高質素喎!同 weekday 都 full 是有原因的。晚巿需要茶位，有菊花茶都不錯!蜜汁火腿蓮子$88好少食此菜。超甜蜜的火腿，包上薄薄的白饅頭包及炸腐皮，甜、脆都有，好正呀!蜜汁火腿雖薄，但好嫩口易咬。2個人仲可以点半份，抵讚!宋嫂魚羹$281 碗魚羹好大份，2 人 share 已可。魚肉也不少，筍也爽口。才$28，好抵飲。石鍋蟹粉炒飯$88必点的石鍋蟹粉炒飯。雖然只有手掌大小，2人 share 剛好。石鍋蟹粉炒飯超多蟹粉!上桌時，石鍋仍滾熱。炒飯碰到石鍋時仍在出煙。乾身的炒飯，有些飯焦。焗後的蟹粉，完全不腥，幼滑亦食到蟹肉。加埋炒飯飽肚又滿足。京滬四小龍$58這裏有比較特別的小籠包。除了原味 – 南翔 及蟹粉。仲有蟲草小籠包及黑松露小籠包。我就試了此2款。小籠包充滿肉汁的，絕對正!蟲草及黑松露2者都非常足料，如果嫌平時食南翔小籠悶，可以一試呀!拔絲地瓜$68最後叫了拔絲地瓜。製作需半小時。上面的拔絲拉花好美呀!脆熱糖漿炸起軟身地瓜。確實值得等待。甜度也是剛好。此店服務也很讚。母親大人對是晚食物質

我見新假期介紹 咁就同朋友去試下。但唔知係咪平日唔太多人住，服務態度好到不得了。係勁有禮貌，因為有我訂枱既關係，可能知我姓咩，正常餐廳得前台會稱呼，京滬村既員工係全樓面都會尊稱客人。我覺得係香港既服務黎講係幾加分。講返食物，由於得2個女仔，應該食量唔大。但又想食多啲新野，所以我地決定狂叫。首先叫左石鍋蟹粉炒飯，不得了。啲蟹粉係好香。最驚喜係佢唔算太大碗，每啖飯都有蟹汁，真係好濃好好食。呢我強烈推介，88蚊抵食。跟住叫左個4色小籠包，有蟲草花味，松露，蟹粉同南翔。因為2個人分，所以未食到哂4種味。我食左南翔和松露，整體多汁香濃。由於本人麻麻松露，但因為都幾香口。不錯。然後再叫左碟東玻肉，呢個不得不提，好軟好入味，開頭切開見白肉以為唔入味，但入口香濃，肥瘦得怡。份量適中，即係你去小x國個啲大件到唔會食得哂仲要切到勁厚。京滬就岩岩好俾你開到四，一啖一件。推介。再叫左個花膠鮑魚灌湯，由於本人唔食鮑魚，妹仔肚，朋友食得幾開心，我見一碗細細（同石碢飯一樣大）有2鮑2膠。要搞均才味濃。也好食最後我地叫左拔絲地瓜和酒釀丸子，由於製作需時，大家想食好野可能要等等，我等左半個鐘。但值得的，因為在北京食過拔