磊犇 (已結業)

雖然話價錢唔係最平嘅但係以質素來講真係係最抵食嘅我嚟咗幾次都比較鍾意食“磊牛扒” 聽佢哋話係牛板腱係牛肩隔離嘅位置我一個人食咗一個400克嘅磊牛扒 哈哈因為份量實在太多啦所以連飯都冇食只係牛肉湯同埋泡菜牛扒係冇腌过冇调味嘅我諗大概两成熟左右出到放喺石板度俾我哋自己烧自己调味果真係食到牛扒嘅原汁原味可以食到咁豐富嘅牛扒餐真係過得好抵食 會繼續幫襯希望磊犇開多幾間分店 更方便選擇 

最近有朋友帶我去試石燒牛扒，雖然石燒牛扒都流行了一段時間，但我都依然會想試一啲又平又好味既餐廳。點了一個「磊牛扒300g」，100蚊就有，都比出邊既平。配料方面有泡菜、味增湯，個人覺得比出邊既沙律同湯都好啲，白飯都係例牌任裝。醬料方面就無乜特別，如果有蒜蓉就更好了，有啲可惜。講番塊扒，都比我想像中大，夠食、有肉味。大大嚿咁切開黎燒，可以確保塊扒唔會太快熟哂，大約去到五成熟就可以食。結論：抵食之選，環境唔算太逼人，會再黎一次。

男朋友收工話帶我食好嘢，於是我哋就嚟咗呢間石燒牛專門店，嘆塊靚牛扒～聽聞開業無耐，已經好多外國遊客過嚟幫襯，皆因佢嘅牛扒出名大件夾抵食！呢度主打自助形式，沙律前菜、麵豉湯、白飯同埋三款唔同嘅凍飲（洛神花山楂茶、菊花茶同埋綠茶）都可以任拎，最啱就係大胃王過黎食！唯一同其他食燒牛專門店唔同嘅地方係，呢度所有嘅石燒牛都要自己去拎，而唔係服務員幫你拎，呢點大家要留意啦！我就叫左牛肩肉300g($110)，肉質較軟稔，雖然牛味相對磊牛扒黎講會淡少少，不過食落就無咁油膩，食多幾舊都唔怕～男朋友叫左磊牛扒400g($130)，油脂比例較多，雖然肉質相對結實，但牛咪十分濃郁，正！

過話說喜愛牛又尋牛吃的我 看見了一個廣告說這家(狗咬)磊(洞)犇 有親民價牛扒吃即刻星星眼 (縱使知道廣告說的不可靠)但也敵不過牛魔的誘惑首先已選西冷磊牛扒與牛肩 差十元 考慮了一會那的老闆很熱情地問用不用解釋但一問之下 我都不明白究竟他答了什麼還是十五十六 經旁人說一說 又看過了食評選了磊牛扒一開始派個碟形牌比你 好自然以為會有人送上枱比你但原來要自己出去拎 這個應該比錢嘅時候稍作提醒嘛有任夾沙律 拔,比你用嘅碗仲細過個飯碗諗下啲菜已經係撐起 密度超低 夾幾條就滿晒夾一次吃兩口...比人任食但又咁樣 即係究竟想唔想比人食湯碗飯碗細都正常啲 因為可以畢一碗就好足夠因為有200g嘅牛要食聽落份量好正常 但食落真的很撐建意有150g嘅女仕份量揀寧願比貴少少 起碼唔洗晒又唔洗撐我認為還可以 但身旁的係咁話冇牛味 雪左唔知幾耐都係嘅 舊牛厚就夠晒厚 牛味又真的有點缺乏質感係不錯的 就算有筋的地方 也可以咬得開牛味不足 靠少少鹽吊吊味吧 也不錯的就咁食係差啲我覺得牛扒比塊西冷有多的咁多嘅牛味肉質上 差不多總捨而言 70蚊的磊牛扒比較配得上價錢120蚊的西冷有點唔係哩個價值嘅感覺有機會吃他的石鍋飯

石燒哩個玩意其實好耐之前已經出現過，不過興咗一排就消失咗。最近又捲土重來，遍地開花。磊犇舖頭位置都幾方便，喺最旺嘅旺角同太子站之間。招牌紅噹噹咁都好易見到，行近門口就有位好熱誠嘅姐姐問：「唻唔唻試吓石燒牛扒？」好，就試吓啦。一入門，坐低前有部自座落菜機，揀完要嘅牛扒後，就去收銀度俾錢。塊牛扒準備好就會要你去出餐處度拎。但一坐低姐姐ss已經好熱情咁提醒可以拎圍裙、另外自助吧有白飯、麵鼓湯、沙律同飲品，都係任你添加。搞掂晒牛扒都已經拎得，因為舊石係超熱(應該比鐵板更熱)，所以塊扒都燒/煎到吱吱聲，餐廳都好貼心咁用張紙蓋住，唔係都唔知點拎番位。調味(粉紅鹽、黑椒)、燒汁同黑椒汁都喺位對上調味架，好方便。牛扒本身兩面都煎過吓，諗緊會唔會overcooked時，切開中間仲係好生，即係要幾熟都可以自己話事。牛肩肉就比較好咬，牛味都還可以，磊牛扒係最抵食夾大件，400g連牛魔王都夠食。講真百零蚊包咁多嘢，同石燒個份氣勢，絕對值得唻玩吓！題外話，大熱天時，同埋個個煎牛咁大味，難得餐廳冷氣個火力好足，唔會滴住汗食之餘仲唔會成間舖都一陣味咁，哩點抵讚。

呢間係日本熱石牛扒，見到幾正咁！磊牛扒係02、04之間！🔶磊牛扒400g $130 好大份，唔洗食飯都飽！本身都係生既咁上，自己利用石板既熱力去煮自己想要個熟度！肉質都幾嫩口，少脂肪，好香牛肉味！有三種口味的醬汁自己點有自助的飲料，我揀左菊花茶，好清甜，可以清清牛既肉味自助沙律bar，入面有蕃茄仔，整體都可以接受。白飯任裝，不過有點淋。麵豉湯，都係普通啦！總結，係旺角有好多美食，呢類型既牛扒都有食過呢間係份量大，抵食既！可以試下！