陳家菜 @Freshlane (樂基商業中心) (已結業)

最近睇到Foodie們介紹陳家菜，知道佢哋喺上環FreshLane取餐，位置係樂基商業中心側面小巷內入口，按指示行，上一層就到。夜晚禁堂食，港島人買外賣又多個選擇。陳家菜標榜不添加味精，食得更鮮味，食得更健康。外賣盒可入微波爐，方便自行加熱。秘製啫雞煲(一人份量）$86唔辣版雞煲，約有1/4隻雞，平時食雞煲起碼二人先食到，呢度有一人份量可點。鮮鳯梨咕嚕肉 $98用偏瘦嘅豬肉製作，食落唔會覺得太膩，加上鮮鳯梨，感覺較健康

娘家在西營盤，今天特登買外賣去同媽咪撐枱腳。媽咪最怕味精，又只喜歡食中菜，這間令她很滿意。首先在openrice的陳家菜click「外賣自取」，選好食物和時間，畀埋錢，然後按時上德輔道西的樂基商業中心一樓自取。行小段樓梯上到去，見到一排好似速遞公司的智能櫃，㩒下個平板電腦，就會知道自己的食物在哪一格，打開就可自取。期間我見到有不少外賣平台的車手上來取餐，過程流暢。下次不自取可外賣速遞，真係好方便。我和媽咪都鍾意食雞，不過她唔食得辣，所以叫了兩種口味的一人套餐（$73），配埋個雞湯，好滿足。雞翼麻辣香鍋雞翼是單骨雞翼，食得方便。有木耳、蓮藕片和蘿蔔片等配菜，很豐富。花椒很香，不過都幾辣。秘製啫雞煲（不辣）雞肉嫩滑而且份量不少，配菜的木耳、青椒和洋蔥都好索味，個秘製醬汁甜甜吔好惹味，送飯一流。花膠雞湯真材實料住家湯，花膠半溶於湯水中，非常滋潤。