五福園

營業中

休息中

百物騰貴之下，在深水埗發現一間平民美食餐廳。三十八元一碗牛腩麵，四十二元一份腸粉扁肉湯套餐，不但便宜，還要食得飽，最重要是好味道，真不容易。我說的是在北河街的五褔園。主要售賣石磨腸粉、一般粉麵和褔建特色美食，例如莆田扁肉、黃熌家雞蒸飯和家雞罐罐麵等。今日我就試了幾樣。✴️（套餐）扁肉湯+蔥汁肉醬腸粉（$42）扁肉是福建的特產，外形似小雲吞，但和雲吞最大分別是扁肉是純豬肉餡，連薄如紙的外皮也有豬肉成份，口感鮮美彈牙。一啖一粒，加埋無味精的芫荽湯，好滋味。腸粉是縐皮腸粉，口感軟滑有米香，腸粉包着的瘦肉同樣嫩滑。✴️秘製牛腩麵（$38）牛腩切成方粒，有口感和牛味，湯底清香，而我最欣賞的是用了福州白線麵，幼滑爽口，好好食。雖然不用四十元，但相當大碗，好抵食。

五福園位於深水埗北河街，食材落足料而且好多都是自家製。其招牌菜🍲莆田古法扁肉 （大）$36 必試，其實類似小雲吞，分別在於個皮（名叫燕皮），是用了豬肉加糯米粉，更香口感更彈牙，而餡料使用了新鮮豬肉，細細粒，鮮甜味爆登！第一次聽莆田古法，原來是好出色的👍🏻另外試了🍜秘製牛腩麵 $38，牛腩非常軟淋入味，而且麵底都幾煙韌，配合鮮甜湯底非常不錯。另一樣必叫就是🫔蔥汁肉醬腸粉 $20，腸粉是石磨，口感夠滑而帶米香，再加上鮮甜的豬肉醬，沾上豉油，好味到極點，原來腸粉是可以咁味美！再加杯🥤凍檸茶 $12，價錢非常親民貼地。想像不到在深水埗中的一間小店，卻能夠提供非常有特色的美食，值得推薦👍🏻