金子半之助 (奧海城二期)

營業中

休息中

老公成日問我點解甘鍾意食呢度既天婦羅丼飯，其實我好喜歡佢既胡麻油的香味，仲有特製，天婦羅係超香。牡蠣車海老天丼老公梗係要食蠔D啦，牡蠣係日本廣島直送， 上次都出過一次，但食唔到，今次食到勁開心。外衣脆卜卜，入面很creamy,肉質厚厚嘅牡蠣，海水味淡淡的。仲有兩隻肉質爽口既車海老，即係蝦呀。上天丼 稻庭烏冬我就食軟殼蟹上天丼配稻庭烏冬，軟殼蟹很肥美大隻，上枱見到佢甘霸氣鋪在飯上面都好震撼。外衣酥酥的，咬落去食到蟹膏，好鮮美。迷你丼天婦羅既醬汁都好香，每件都沾上醬汁，食落去微甜，很有古早風味。

去日本旅行食過呢間天婦羅，返到香港好掛住，所以放假特登揸車去奧海城試吓香港店嘅水準有冇日本咁好味先🤭好鍾意飲呢度嘅黑豆茶可以清熱去油，咁食幾多都無邪惡感啦🤭松葉蟹天丼$158蟹係期間限定一定要叫啦，咬住又長又嘅松葉蟹松葉蟹蟹腳好厚肉又肥美，呢度嘅天婦羅同樣用特製高級胡麻油即炸，香味好獨特！顏色深D好吸引，仲要碗飯有隻溫泉蛋，用嚟撈飯真係光速清碗😋朋友想食多D蔬菜就揀左食迷你天丼, 稻庭烏冬$118！呢款除咗海老，仲有南瓜、海苔、莢豌豆、菇菌；而特色稻庭烏冬配有五款配料可以撈埋一齊食，溫泉蛋嘅蛋汁，再落埋天婦羅碎、鰹魚花、海藻及蔥花，口感豐富總結：香港店同日本店水準一樣咁高，真係正宗日本味道，香港都可以搵到👍🏻

今晚去咗奧運搵朋友食飯，佢帶咗我去金子半之助，話午餐時段成日好多人排隊，所以好奇想試下。佢叫咗迷你天丼&稻庭烏冬餐，雖然叫迷你天丼，但配菜都有菇菌、海老、南瓜、海苔、莢碗豆、溫泉蛋。我同朋友都好欣賞蔬菜嘅天婦羅，感覺冇咁邪惡又比較少食到。稻庭烏冬啱哂我朋友口味，味道清淡加埋啲配料，口感十分彈牙爽口。正準備品嚐之際，侍應突然放低一個木盒。原來餐廳仲提供加配料俾食客自由加入烏冬，分別有蔥花、海藻、鰹魚花、天婦羅碎同埋溫泉蛋。我就叫咗松葉蟹天丼，套餐有漬物前菜，蘿蔔帶有少少柚子味，加上生薑辣辣地，非常開胃。除咗松葉蟹肉之外，仲有海路、小柱魷魚天婦羅餅、莢豌豆、海苔同埋溫泉蛋。蟹肉好飽滿有蟹味，蝦肉質結實，口感極佳。丼加了柚子皮，味道更加獨特。溫泉蛋外面煎香，入面流心，食到咁上下嘅時候，可以篤爆佢撈飯食，令到白飯更加濕潤之餘帶有濃濃嘅蛋香。我哋追加咗穴子，味道同質感都同鰻魚好相似，用炸嘅食法更為新鮮，點埋餐廳嘅秘製醬汁一齊食味道出奇地匹配，令整道菜的味道昇華。餐廳仲提供黑豆茶，根據佢哋嘅描述，有補益止汗、滋補腎臟、保肝明目、滋潤肌膚、抗衰老嘅功效， 亦都非常好飲。

現場會聽到開放式廚房的師傅炸天婦羅的聲音，但通風非常好，不會充斥著油煙味。新鮮炸起的天婦羅已即時裹上了甜甜鹹鹹的秘傳醬汁，不用自己蘸醬。因為天丼的天婦羅不像一般天婦羅脆口，而是會把新鮮炸起的食材放上飯面，然後再均勻淋上醬汁，追求每件天婦羅都能適量沾有醬汁。而且他們是用日本特製高級胡麻油去炸天婦羅，因此色澤會較深～我本身已是蟹的愛好者，見有期間限定的松葉蟹天丼果斷地點了🦀松葉蟹天丼有兩條松葉蟹腳、兩隻海老、小柱魷魚天婦羅餅、炸紫菜、溫泉蛋及炸豌豆，中層有白飯，底層則有特製醬汁，刺破溫泉蛋後蛋黃流入白飯內，拌勻醬汁一起吃非常下飯😆而且天婦羅及飯的份量都很多，CP值很高呢👍🏻朋友則點了迷你天丼配稻庭烏冬($118)，有個寶盒似的烏冬配料盒子，可以按你喜歡的份量DIY烏冬配搭，十分有趣😆加入溫泉蛋的烏冬更是滑溜，香濃的蛋味加上烏冬的鰹魚醬油湯底十分對味🤤

小妹好鍾意食煎炸嘢，所以上次喺大角咀上完堂之後，就同佢去咗奧海城新開嘅「金子半之助」食天婦羅丼飯～連平時唔鍾意食炸嘢嘅我，都覺得真係幾好食！😋不過原來烏冬都好食喎！😂「金子半之助」喺來自日本東京嘅過江龍～😳在日本連續7年榮獲日本天丼金獎～餐牌上只有3款天丼選擇，分別是江戶前天丼、上天丼、天丼，仲有期間限定嘅松葉蟹天丼。最基本嘅就係天丼，價錢$98亦都係最平，都有齊海老和小柱魷魚天婦羅！☺️而江戶前天丼和上天丼嘅分別就在於穴子或赤甘鯛，所以我就叫咗個江戶前天丼，再另外加左份赤甘鯛（$28/件），咁就可以一次過滿足晒所有願望～😎店內提供黑豆茶，有滋潤、除濕熱等功效，好貼心。☺️⭐️推薦❗江戶前天丼（$138）份量相當有誠意，天婦羅覆蓋了整個丼飯，而且款式多～有長長嘅炸穴子，即星鰻，肉質鮮嫩脂肪少，口感細密；有兩隻大大隻炸海老，口感爽彈；有一塊口感豐富嘅小柱魷魚天婦羅餅；天婦羅秘製醬汁可以分開上枱，咁就唔會保持天婦羅🍤嘅香脆可口，仲有一隻炸至半熟嘅流心蛋；店家建議丼飯食到一半嘅時候先戳破雞蛋，以蛋汁撈飯，超正！赤甘鯛，表面燒得乾身，吃下去魚肉保持肉汁鮮嫩，外脆內軟，值得一讚！⭐️推薦❗迷你天丼&稻庭

今日係奧海城行完街，朋友話想食天婦羅，突然諗起呢度有間來自日本既天丼，餐廳仲連續7屆榮獲日本全國天丼金賞，平時都有好多人排隊，去到見到唔洗排，可以即刻入座，真係好幸運。車海老軟殼蟹天丼試左呢個期間限定，有好多海鮮，好豐富，有車海老、軟殼蟹、小柱魷魚天婦羅、莢豌豆、海苔同埋溫泉蛋，車海老肉質彈牙，味道鮮甜、軟殼蟹炸到酥脆，肉質厚實、小柱魷魚天婦羅，小柱味道鮮美，魷魚爽脆，天婦羅即叫即炸，食好野係要等下。迷你天丼&稻庭烏冬另外叫左個迷你天丼加稻庭烏冬，雖然話係迷你，但材料都一樣豐富，有海老、菇菌、南瓜、海苔、莢豌豆同埋溫泉蛋，呢個餐除左天丼仲有稻庭烏冬，一次過可以試哂兩款口味，稻庭烏冬比較扁身，但口感依然彈牙。味噌湯檸檬茶

近排好多日本品牌都來港開店，食店、藥妝、超市等。當中一間就是我喜愛食店之一「金子半之助」，憶起在東京旅行時往往都要在門前排隊才可品嚐得到，今日在港已開了幾間店，仍然都有一大堆捧場客在門前排隊，可想然之他們的出品有多好食。今次到奥海城分店，店內用上日式木材裝潢來佈置，長長的工作吧檯後，全部是廚子的工作空間，燈光打照下，顯得專業又高雅。另外，店內環境最好之處當然是沒半點油煙味，令人客可品嚐到美食之餘亦不會受到油煙的煎熬。食品方面全是天婦羅炸物，專業程度可見一斑。餐牌不用多看，就點了期間限定「車海老軟殼蟹天丼」和「迷你天丼和稻庭烏冬」。 車海老軟殼蟹天丼$168澎湃豐富的天婦羅堆滿在碗頂，款式仲多，車海老大大隻，口感紮實爽口，鲜蝦味濃郁。軟殼蟹整隻炸得香脆。小柱魷魚天婦羅餅用料十足，小柱和魷魚軟腍又鮮味。海苔香脆。加隻炸過的温泉蛋，蛋汁和特別調配的醬油，混入日本米飯中，真係停唔到口。迷你天丼和稻庭烏冬$118迷你天丼內有海老、菇菌、南瓜、海苔、豌豆和溫泉蛋。海老鮮甜多汁，款款蔬菜都新鮮美味。稻庭烏冬十分幼滑，店員還送上一盒配料給我灑在上湯烏冬一起食用，清爽可口。白身魚$28追加了一件白身魚，