影片
更多
2019-10-07
2907 瀏覽
大概4年前到訪過「Green Waffle Diner」中環店，以窩夫打響名堂，並做出成績，仲晌其他區都開咗分店，算喺頗成功喇。相約舊同學午飯聚一聚，就再次嚟到呢度悠閒咁食餐「晏仔」。事隔幾年，似乎環境都無乜點變，裝修簡約清爽，牆上仲喺掛住唔少翠綠植物，感覺悠然。由於店子地方唔算好大，中環食晏時段超多人，有啲心理準備，訂咗位都可能要稍等。既然喺嚟食午餐，目標就簡單啦，午餐共有5款選擇（$70-$90），包餐湯或沙律，A-D餐會送配半客招牌原味窩夫作甜品，+$15可配多一球雪糕，另奉送基本餐飲。枱上放有各種調味料供自由取用，當見到大大支嘅糖漿，就知道嚟呢度唔食窩夫定會有走寶嘅感覺。椰菜花忌廉湯同學喜歡熱嘢多過啲生冷嘢，所以，最正路喺揀餐湯，一身雪咁白嘅椰菜花忌廉湯，佢就話口感好柔滑，椰菜花嘅味亦不俗，不過，略嫌下忌廉頗重手，比較上有種好似飲「牛奶」嘅感覺，當然，喜歡濃郁忌廉味嘅客人，睇法就會好唔同。紅菜頭沙律小弟就想食得清新少少，故此，揀咗沙律。簡簡單單嘅田園沙律配醇香厚身嘅黑醋，酸香醒胃，再搭上少少紅菜頭粒粒，清爽怡人，尤其依家都仲喺熱熱哋，由公司行到過嚟有點熱，食個沙律比起飲碗熱湯更
事隔幾年，似乎環境都無乜點變，裝修簡約清爽，牆上仲喺掛住唔少翠綠植物，感覺悠然。由於店子地方唔算好大，中環食晏時段超多人，有啲心理準備，訂咗位都可能要稍等。
既然喺嚟食午餐，目標就簡單啦，午餐共有5款選擇（$70-$90），包餐湯或沙律，A-D餐會送配半客招牌原味窩夫作甜品，+$15可配多一球雪糕，另奉送基本餐飲。
枱上放有各種調味料供自由取用，當見到大大支嘅糖漿，就知道嚟呢度唔食窩夫定會有走寶嘅感覺。
椰菜花忌廉湯同學喜歡熱嘢多過啲生冷嘢，所以，最正路喺揀餐湯，一身雪咁白嘅椰菜花忌廉湯，佢就話口感好柔滑，椰菜花嘅味亦不俗，不過，略嫌下忌廉頗重手，比較上有種好似飲「牛奶」嘅感覺，當然，喜歡濃郁忌廉味嘅客人，睇法就會好唔同。
紅菜頭沙律小弟就想食得清新少少，故此，揀咗沙律。簡簡單單嘅田園沙律配醇香厚身嘅黑醋，酸香醒胃，再搭上少少紅菜頭粒粒，清爽怡人，尤其依家都仲喺熱熱哋，由公司行到過嚟有點熱，食個沙律比起飲碗熱湯更切合需要。
卡邦尼長通粉 $88晌唔少餐廳遇到呢道菜，都有機會見到外表白白，面頭放咗隻半生熟蛋嘅版本，曾經聽過居意一段日子嘅朋友講，做得正宗而又好嘅卡邦尼喺讓蛋漿包實每一條意大利麵，但又唔會過熟而起粒，眼前呢碟呢？睇落去個外觀掂喎。
卡邦尼長通粉
$88
59 瀏覽
0 讚好
0 留言
新鮮雜莓牛油果醬祼麥多士伴哈蜜瓜 $78另一道主食選取祼麥多士，因為，夠晒健康吖嘛。塗上厚厚嘅牛油果蓉，面頭再放上大量藍莓及士多啤梨，賣相繽紛吸引。
大口咬落去，祼麥多士好有咬口，又有麥香，外皮仲脆口添；而雜莓同牛油果就令到食味好清爽，配合埋件多士，令口感富層次。伴哈蜜瓜稍嫌單調啲，但查實啲哈蜜瓜好香甜。
窩夫伴朱古力雪糕 +$15我哋嗰兩客半份窩夫，其中一份加咗雪糕球，當睇吓得唔得，而雪糕球一喺雲呢嗱，一喺就朱古力口味。窩夫做得好鬆脆，入口軟綿綿，切為小件，伴上忌廉同雪糕，再淋上大量糖漿，喺美妙嘅結合；再者，球朱古力雪糕好濃郁，挺身而軟滑，相信喺啲有名氣嘅品牌。
熱咖啡、熱檸茶餐後，最想嘆番杯芳香馥郁嘅咖啡。雖然，今次唔喺平常喜愛嘅鮮奶咖啡，但啲豆應該都喺靚貨，所以，咖啡入口好醇和，好舒服。
嘆埋杯咖啡都仲未夠鐘返公司，可以繼續坐多陣，多談一下近況，以及身邊所認識舊同學嘅事情，先知，呢刻大家都面對好多困難，希望，一切事情都可以雨過天清。溫馨提示，餐廳雖然有得訂枱，但旺起上嚟訂咗都要等吓位。
張貼
